ದೆಹಲಿ ಅತ್ಯಂತ ದುಬಾರಿ ವಸತಿ ಸಿಟಿ... ಬೆಂಗಳೂರಿಗೆ ಯಾವ ಸ್ಥಾನ? -

ಪ್ರೈಮ್ ಸಂಸ್ಥೆ 2017 ರಲ್ಲಿ ನೀಡಿದ್ದ ವರದಿ ಪ್ರಕಾರ, ರಾಷ್ಟ್ರ ರಾಜಧಾನಿ ದೆಹಲಿ ಇದಕ್ಕೂ ಕೆಳಗಿನ ಸ್ಥಾನ ಪಡೆದಿತ್ತು. ಮರು ವರ್ಷವೇ ಮತ್ತೆ ನಂ.1 ಸ್ಥಾನಕ್ಕೆ ಬಂದಿತ್ತು. 2019ರ ಜನವರಿ- ಮಾರ್ಚ್​ ತ್ರೈಮಾಸಿಕ ಅವಧಿಯಲ್ಲಿ ರಾಷ್ಟ್ರ ರಾಜಧಾನಿಯ ವಸತಿ ಸಮುಚ್ಚಯ ಶೇ 4.4ರಷ್ಟು ಬೆಳವಣಿಗೆ ಸಾಧಿಸಿದೆ.

ನವದೆಹಲಿ: ಪ್ರೈಮ್ ವಸತಿ ಸೌಕರ್ಯ ವರದಿ -2018ರ ಅನ್ವಯ, ಮುಂಬೈ ಅತ್ಯಂತ ದುಬಾರಿ ಮಾರುಕಟ್ಟೆಯ ಹಾಗೂ ದೆಹಲಿ ಅತ್ಯಧಿಕ ಬೆಲೆಯ ಪ್ರೈಮ್​ ವಸಿತಿ ಸಿಟಿ ಎಂಬ ಹೆಗ್ಗಳಿಕೆ ಪಡೆದಿದೆ.

ಪ್ರೈಮ್ ವಸತಿ ಸೌಕರ್ಯದ 2017ರ ವರದಿಯಲ್ಲಿ ದೆಹಲಿ ಇದಕ್ಕೂ ಕೆಳಗಿನ ಸ್ಥಾನ ಪಡೆದಿದ್ದು, ಅದರ ಮರು ವರ್ಷದಲ್ಲಿ ಮತ್ತೆ ನಂ.1 ಸ್ಥಾನಕ್ಕೆ ಬಂದಿದೆ. 2019ರ ಜನವರಿ- ಮಾರ್ಚ್​ ತ್ರೈಮಾಸಿಕ ಅವಧಿಯಲ್ಲಿ ರಾಷ್ಟ್ರ ರಾಜಧಾನಿಯ ವಸತಿ ಸಮುಚ್ಚಯ ಶೇ 4.4ರಷ್ಟು ಬೆಳವಣಿಗೆ ಸಾಧಿಸಿದೆ ಎಂದು ನೈಟ್ ಫ್ರಾಂಕ್​ ವೆಲ್ತ್ ಸಿದ್ಧಪಡಿಸಿದ ವರದಿಯಲ್ಲಿ ತಿಳಿಸಿದೆ.

2019ರಲ್ಲಿ ಪ್ರತಿ ಚದರ ಅಡಿ ₹ 33,507ರ ದರದಲ್ಲಿ ಮಾರಾಟವಾಗುತ್ತಿದ್ದು, 2018 ರಿಂದ ಶೇ 1.2ರಷ್ಟು ವೃದ್ಧಿಸುತ್ತಿದೆ. 2015ರಲ್ಲಿ ಪ್ರತಿ ಚದರ ಅಡಿ ₹ 34,073 ಕೊಟ್ಟು ಜನ ಖರೀದಿಸುತ್ತಿದ್ದರು ಎಂದಿದೆ.

2019 ಪ್ರಥಮ ತ್ರೈಮಾಸಿಕದಲ್ಲಿ ವಾಣಿಜ್ಯ ನಗರಿ ಮುಂಬೈನಲ್ಲಿನ ಪ್ರತಿ ಚದರ ಅಡಿ ವಸತಿ ₹ 64,649ಗೆ ಮಾರಾಟ ಆಗುತ್ತಿದೆ. ಈ ಮೂಲಕ ಅತ್ಯಂತ ದುಬಾರಿ ವೆಚ್ಚದ ಸಿಟಿ ಎಂಬ ಹಣೆಪಟ್ಟಿ ಹೊಂದಿದೆ. ಸಿಲಿಕಾನ್ ಸಿಟಿ ಬೆಂಗಳೂರು ಪ್ರೈಮ್ ಪ್ರಾಪರ್ಟಿ ಶ್ರೇಣಿಯಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದ್ದು, ಪ್ರತಿ ಚದರ ಅಡಿ ₹ 19,447 ದರವಿದೆ ಎಂದು ವಿವರಿಸಿದೆ.

ಜಾಗತಿಕವಾಗಿ ಹಾಂಕಾಂಗ್ ಮತ್ತೆ ನಂಬರ್ 1 ಸ್ಥಾನದಲ್ಲಿದ್ದು, ಇಂಗ್ಲೆಂಡಿನ ಲಂಡನ್ ಹಾಗೂ ಅಮೆರಿಕದ ನ್ಯೂಯಾರ್ಕ್​ ನಂತರದ ಎರಡು ಸ್ಥಾನಗಳಲ್ಲಿ ಮುಂದುವರಿದಿವೆ ಎಂದು ನೈಟ್ ಫ್ರಾಂಕ್​ ವೆಲ್ತ್ ತಿಳಿಸಿದೆ.