ಲಕ್ನೋ: ದೇಶಾದ್ಯಂತ ಕೊರೊನಾ ಅಬ್ಬರ ಜೋರಾಗಿದ್ದು, ದಿನದಿಂದ ದಿನಕ್ಕೆ ಊಹೇ ಮಾಡದ ರೀತಿಯಲ್ಲಿ ಸೋಂಕಿತ ಪ್ರಕರಣ ದಾಖಲಾಗ್ತಿದ್ದು, ಹೀಗಾಗಿ ಅನೇಕ ರಾಜ್ಯಗಳು ಮತ್ತೆ ಲಾಕ್ಡೌನ್ ಹಾದಿ ಕಂಡುಕೊಳ್ಳುತ್ತಿವೆ.
ಪಶ್ಚಿಮ ಬಂಗಾಳ, ಮಧ್ಯಪ್ರದೇಶದಲ್ಲಿ ಈಗಾಗಲೇ ಲಾಕ್ಡೌನ್ ಜಾರಿಯಲ್ಲಿದ್ದು, ಇದೀಗ ಉತ್ತರಪ್ರದೇಶದಲ್ಲೂ ಇಂದಿನಿಂದ ಜುಲೈ 13ರವರೆಗೆ ಕಟ್ಟುನಿಟ್ಟಿನ ಲಾಕ್ಡೌನ್ ಜಾರಿಗೊಳ್ಳಲಿದೆ.
ರಾಜ್ಯದಲ್ಲಿ ಪ್ರಮುಖವಾಗಿ ಮಾರ್ಕೆಟ್, ವ್ಯಾಪಾರಿ ಮಳಿಗೆ, ಸರ್ಕಾರಿ ಕಚೇರಿ ಸೇರಿದಂತೆ ಎಲ್ಲವೂ ಬಂದ್ ಆಗಲಿದ್ದು, ಎಲ್ಲರೂ ತಪ್ಪದೇ ಪಾಲಿಸುವಂತೆ ಈಗಾಗಲೇ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಸೂಚನೆ ನೀಡಿದ್ದಾರೆ.
ಅಗತ್ಯ ಸೇವೆಗಳಿಗೆ ಅವಕಾಶ ನೀಡಲಾಗಿದೆ ಜತೆಗೆ ರೈಲ್ವೆ ಸಂಚಾರ, ವೈದ್ಯಕೀಯ ಸೇವೆ ಮುಂದುವರಿಯಲಿದೆ. ಸದ್ಯ ಉತ್ತರಪ್ರದೇಶದಲ್ಲಿ 31,156 ಕೊವಿಡ್ ಕೇಸ್ಗಳಿದ್ದು, 845 ಮಂದಿ ಸಾವನ್ನಪ್ಪಿದ್ದಾರೆ.
