ನವದೆಹಲಿ: ದೇಶದಲ್ಲಿ ಕೊರೊನಾ ವೈರಸ್ ಸೋಂಕು ಪ್ರಕರಣಗಳು ಹೆಚ್ಚಾಗುತ್ತಿರುವ ಬೆನ್ನಲ್ಲೇ ದೆಹಲಿಯ ಇಂದಿರಾ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಚಿತ್ರ ಘಟನೆಯೊಂದು ನಡೆದಿದೆ.
ಪುಣೆಯಿಂದ ದೆಹಲಿಗೆ ಬಂದ ಏರ್ ಏಷಿಯಾ ವಿಮಾನದಲ್ಲಿ ಕೊರೊನಾ ವೈರಸ್ ಶಂಕಿತನೋರ್ವ ಇರುವ ಬಗ್ಗೆ ತಿಳಿಯುತ್ತಲೇ ವಿಮಾನದ ಸಹ ಪೈಲಟ್ ಕಾಕ್ ಪಿಟ್ನಿಂದ ಹೊರಗೆ ಜಿಗಿದಿದ್ದಾನೆ. ಘಟನೆಯಿಂದ ಏರ್ಪೋರ್ಟ್ನಲ್ಲಿ ಗೊಂದಲದ ವಾತಾವರಣ ನಿರ್ಮಾಣವಾಗಿತ್ತು.
ರಿಪೋರ್ಟ್ ನೆಗೆಟಿವ್:
ಘಟನೆಯ ಗಂಭೀರತೆಯ ಕಾರಣದಿಂದ ಈ ಏರ್ ಏಶಿಯಾ ವಿಮಾನವನ್ನು ಪ್ರತ್ಯೇಕ ರನ್ವೇನಲ್ಲಿ ನಿಲ್ಲಿಸಲಾಯಿತು. ಜೊತೆಗೆ ಎಲ್ಲ ಪ್ರಯಾಣಿಕರನ್ನು ತಪಾಸಣೆಗೆ ಒಳಪಡಿಸಲಾಯಿತು. ಆದ್ರೆ ಯಾವ ವ್ಯಕ್ತಿಗೆ ಸೋಂಕಿದೆ ಎಂದು ಹೇಳಲಾಗಿತ್ತೋ ಆತನ ಕೊರೊನಾ ಸೋಂಕು ಪರೀಕ್ಷಾ ವರದಿ ನೆಗೆಟಿವ್ ಬಂದಿತ್ತು ಎನ್ನಲಾಗ್ತಿದೆ.
