ಕಟಕ್ (ಒಡಿಶಾ) : ನಗರದಲ್ಲಿ ಕೊರೊನಾ ಪ್ರಕರಣಗಳು ಹೆಚ್ಚುತ್ತಿದ್ದು ಜುಲೈ 8 ರ ಮಧ್ಯರಾತ್ರಿವರೆಗೆ ಲಾಕ್ಡೌನ್ ಜಾರಿಯಲ್ಲಿರುತ್ತದೆ ಎಂದು ಕಟಕ್ ಮುನ್ಸಿಪಲ್ ಕಾರ್ಪೊರೇಷನ್ (ಸಿಎಂಸಿ) ತಿಳಿಸಿದೆ.
ಇದರ ಜೊತೆಗೆ, ಒಡಿಶಾ ಹೈಕೋರ್ಟ್ ಮತ್ತು ಅದರ ಕಚೇರಿಗಳನ್ನು ಜುಲೈ 8 ವರೆಗೆ ಮುಚ್ಚಲು ತೀರ್ಮಾನಿಸಲಾಗಿದ್ದು, ಜುಲೈ 6 ಕ್ಕೆ ಅಧಿಸೂಚಿಸಲಾದ ಪೀಠಗಳು ಜುಲೈ 9 ರಂದು ಕಾರ್ಯನಿರ್ವಹಿಸುತ್ತವೆ. ಜುಲೈ 6 ರಂದು ಪಟ್ಟಿ ಮಾಡಲಾದ ಪ್ರಕರಣಗಳನ್ನು ಜುಲೈ 9 ರಂದು ವಿಚಾರಣೆಗೆ ಕೈಗೆತ್ತಿಕೊಳ್ಳಲಾಗುತ್ತದೆ.
ಕೇಂದ್ರ ಆರೋಗ್ಯ ಸಚಿವಾಲಯದ ಮಾಹಿತಿ ಪ್ರಕಾರ, ಒಡಿಶಾದಲ್ಲಿ ಕೋವಿಡ್ ಪ್ರಕರಣಗಳ ಸಂಖ್ಯೆ 8,106 ಕ್ಕೆ ತಲುಪಿದೆ. ಈ ಪೈಕಿ 2,372 ಸಕ್ರೀಯ ಪ್ರಕರಣಗಳಿವೆ. 5,705 ಮಂದಿ ಗುಣಮುಖರಾಗಿದ್ದಾರೆ ಮತ್ತು 29 ಮಂದಿ ಸೋಂಕಿಗೆ ಬಲಿಯಾಗಿದ್ದಾರೆ.
