ಕೋವಿಡ್-19: ನೂರೊಂದು ಲಸಿಕೆಗಳ ಕಾರ್ಯನಿರ್ವಹಣೆ ಹೇಗೆ?

ಸಾರ್ಸ್–ಕೋವಿಡ್-2ನಿಂದ ಮನುಕುಲವನ್ನು ಉಳಿಸಲು ವಿಜ್ಞಾನಿಗಳು, ವಿಶ್ವವಿದ್ಯಾಲಯಗಳು ಮತ್ತು ಔಷಧ ಕಂಪನಿಗಳು ಸಮರೋಪಾದಿಯಲ್ಲಿ ಕಾರ್ಯನಿರ್ವಹಿಸುತ್ತಿವೆ. 96ಕ್ಕೂ ಹೆಚ್ಚು ಸಂಶೋಧಕರು ಲಸಿಕೆ ಸಂಶೋಧನೆಯ ಆರಂಭಿಕ ಹಂತದಲ್ಲಿದ್ದಾರೆ. ಈಗಾಗಲೇ 6 ಕಂಪನಿಗಳು ಕ್ಲಿನಿಕಲ್ ಪ್ರಯೋಗಗಳನ್ನು ಪ್ರಾರಂಭಿಸಿವೆ.

ಸಾಂಕ್ರಾಮಿಕ ರೋಗ ಕೊರಾನಾ ವೈರಸ್​​ಗೆ ಮುಕ್ತಿ ನೀಡಲು ಉತ್ತಮ ಮಾರ್ಗವೆಂದರೆ ಲಸಿಕೆಯನ್ನು ಅಭಿವೃದ್ಧಿಪಡಿಸುವುದು. ಉತ್ತಮ ಲಸಿಕೆ ಅಭಿವೃದ್ಧಿಪಡಿಸಲು ಸಾಂಪ್ರದಾಯಿಕ ಮತ್ತು ನವೀನ ಪ್ರಯತ್ನಗಳು ನಡೆಯುತ್ತಿವೆ. ಸಾರ್ಸ್–ಕೋವಿಡ್-2ನಿಂದ ಮನುಕುಲವನ್ನು ಉಳಿಸಲು ವಿಜ್ಞಾನಿಗಳು, ವಿಶ್ವವಿದ್ಯಾಲಯಗಳು ಮತ್ತು ಔಷಧ ಕಂಪನಿಗಳು ಸಮರೋಪಾದಿಯಲ್ಲಿ ಕಾರ್ಯನಿರ್ವಹಿಸುತ್ತಿವೆ. 96ಕ್ಕೂ ಹೆಚ್ಚು ಸಂಶೋಧಕರು ಲಸಿಕೆ ಸಂಶೋಧನೆಯ ಆರಂಭಿಕ ಹಂತದಲ್ಲಿದ್ದಾರೆ. ಈಗಾಗಲೇ 6 ಕಂಪನಿಗಳು ಕ್ಲಿನಿಕಲ್ ಪ್ರಯೋಗಗಳನ್ನು ಪ್ರಾರಂಭಿಸಿವೆ. ಇನ್ನೂ ಕೆಲವು ಔಷಧ ಕಂಪನಿಗಳು ಪ್ರಾಣಿಗಳ ಮೇಲೆ ಪ್ರಯೋಗವನ್ನು ನಡೆಸಿವೆ. ಜೀವ ಉಳಿಸುವ ಲಸಿಕೆಗಳನ್ನು ತಯಾರಿಸುವ ಬಗೆ ಹೇಗೆ? ಅವು ಹೇಗೆ ಕಾರ್ಯನಿರ್ವಹಿಸುತ್ತವೆ?

ಜೀವಂತ ವೈರಸ್ ಲಸಿಕೆಗಳು ವೈರಸ್ ದುರ್ಬಲಗೊಂಡ (ಅಟೆನ್ಯೂಯೇಟೆಡ್) ರೂಪವನ್ನು ಹೊಂದಿರುತ್ತವೆ. ದಡಾರ, ಮಂಪ್ಸ್ ಮತ್ತು ರುಬೆಲ್ಲಾ ಲಸಿಕೆಗಳು ಇದಕ್ಕೆ ತಾಜಾ ಉದಾಹರಣೆ. ಕನಿಷ್ಠ 7 ನ್ಯೆಪಣ್ಯಕಾರರು ಜೀವಂತ ವೈರಸ್‌ಗಳೊಂದಿಗೆ ಸಂಭವನೀಯ ಕೊರೊನಾ ವೈರಸ್ ಲಸಿಕೆಗಳನ್ನು ಅಭಿವೃದ್ಧಿಪಡಿಸುವಲ್ಲಿ ನಿರತರಾಗಿದ್ದಾರೆ. ಲಸಿಕೆ ಅಭಿವೃದ್ಧಿಯಲ್ಲಿ ನಿರತರಾಗಿರುವ ಔಷದ ಕಂಪನಿಗಳು ವ್ಯಾಪಕ ಸುರಕ್ಷತಾ ಪ್ರಯೋಗಗಳಿಗೆ ಒಳಗಾಗಬೇಕು. ಜೀವಂತ ಲಸಿಕೆ ಅಭಿವೃದ್ಧಿಗಾಗಿ ನ್ಯೂಯಾರ್ಕ್ ಮೂಲದ ಔಷಧೀಯ ಕಂಪನಿ ‘ಕೋಡ್ಜೆನಿಕ್ಸ್ ‘ ಪುಣೆಯ ಸೀರಮ್ ಇನ್​​ಸ್ಟಿಟ್ಯೂಟ್ ಆಫ್ ಇಂಡಿಯಾದೊಂದಿಗೆ ಜಂಟಿಯಾಗಿ ಲಸಿಕೆ ಅಭಿವೃದ್ದಿಯಲ್ಲಿ ತೊಡಗಿಸಿಕೊಂಡಿದೆ. ನಿಷ್ಕ್ರಿಯಗೊಳಿಸಿದ ವೈರಸ್ ಅನ್ನು ಮೊದಲು ಸಂಸ್ಕರಿಸಲಾಗುತ್ತದೆ.

ನಂತರು ಅದರ ರೋಗವೃದ್ದಿ ಸಾಮರ್ಥ್ಯವನ್ನು ನಿಷ್ಕ್ರಿಯಗೊಳಿಸಲಾಗುತ್ತದೆ. ಅಂತಹ ವೈರಸ್‌ನಿಂದ ತಯಾರಿಸಿದ ಲಸಿಕೆಯನ್ನು ನಿಷ್ಕ್ರಿಯ ಅಥವಾ ಕೊಲ್ಲಲ್ಪಟ್ಟ ಲಸಿಕೆ ಎಂದು ಕರೆಯಲಾಗುತ್ತದೆ. ನಿಷ್ಕ್ರಿಯಗೊಳಿಸಿದ ಕೊರೊನಾ ವೈರಸ್ ಲಸಿಕೆಯ ಮಾನವನ ಮೇಲೆ ಪ್ರಯೋಗಿಸಲು ಬೀಜಿಂಗ್‌ನ ಸಿನೋವಾಕ್ ಬಯೋಟೆಕ್ ನಿಯಂತ್ರಿತ ಅನುಮೋದನೆಯನ್ನು ಪಡೆದೆಕೊಂಡಿದೆ. ವಂಶವಾಹಿ ಆಧಾರದ ಮೇಲೆ ವಿನ್ಯಾಸಗೊಳಿಸಿರುವ ಮತ್ತೊಂದು ಕೊರೊನಾ ವೈರಸ್ ಲಸಿಕೆಯನ್ನು ಅಭಿವೃದ್ದಿಪಡಿಸಲಾಗುತ್ತಿದೆ. ಇದು ಮಾನವನ ಆರ್​​​ಎನ್ಎ ಮತ್ತು ಅಥವಾ ಡಿಎನ್ಎ ಆಧಾರದ ಮೇಲೆ ಅಭಿವೃದ್ದಿಪಡಿಸಲಾಗಿದೆ. ಇದು ಕೊರೊನಾ ವೈರಸ್ ಸ್ಪೈಕ್​​​ನ (ಎಸ್) ಪ್ರೋಟಿನ್‌ನ ಪ್ರತಿಗಳನ್ನು ತಯಾರಿಸಲು ಸೂಚನೆಗಳನ್ನು ನೀಡುತ್ತದೆ.