ಬೆಂಗಳೂರು: ದೇಶದಲ್ಲಿ ಉದ್ಯೋಗಕ್ಕಾಗಿ ಶೇಕಡಾ 30ರಷ್ಟು ಸ್ಪರ್ಧೆ ಹೆಚ್ಚಾಗಿದೆ ಎಂದು ಲಿಂಕ್ಡ್ ಇನ್ ಲೇಬರ್ ಮಾರ್ಕೆಟ್ ಡಾಟಾ ಮಾಹಿತಿ ನೀಡಿದ್ದು, ಉದ್ಯೋಗಿಗಳ ನೇಮಕದಲ್ಲಿ ವಾರ್ಷಿಕವಾಗಿ ಶೇಕಡಾ 12ರಷ್ಟು ಹೆಚ್ಚಳ ಕಂಡಿದೆ ಎಂದು ಮಾಹಿತಿ ಬಹಿರಂಗಪಡಿಸಿದೆ.
ಮನರಂಜನೆ ಮತ್ತು ಪ್ರಯಾಣ, ಚಿಲ್ಲರೆ ವ್ಯಾಪಾರ ಮತ್ತು ಕಾರ್ಪೊರೇಟ್ ಸೇವೆಗಳಲ್ಲಿ ಕೆಲಸ ಮಾಡುವವರು ತಮ್ಮ ಉದ್ಯಮದಿಂದ ಹೊರಗೆ ಕೆಲಸಗಳನ್ನು ಹುಡುಕುತ್ತಿದ್ದಾರೆ ಎಂದೂ ಲಿಂಕ್ಡ್ ಇನ್ ತನ್ನ ವರದಿ ಬಹಿರಂಗಪಡಿಸಿದೆ.
ಮನರಂಜನಾ ಹಾಗೂ ಸಾರಿಗೆ ಉದ್ಯಮದಲ್ಲಿರುವ ಉದ್ಯೋಗಿಗಳು 3.8, ಚಿಲ್ಲರೆ ವ್ಯಾಪಾರ ಕ್ಷೇತ್ರದಲ್ಲಿರುವ ಉದ್ಯೋಗಿಗಳು 1.5 ಹಾಗೂ ಕಾರ್ಪೋರೇಟ್ ವಲಯದಲ್ಲಿರುವ ಉದ್ಯೋಗಿಗಳು 1.4 ಬಾರಿಯಷ್ಟು ತಮ್ಮ ಕ್ಷೇತ್ರದ ಮೂಲವೃತ್ತಿಯ ಹೊರಗೆ ಉದ್ಯೋಗವನ್ನು ಹುಡುಕುತ್ತಾರೆ ಎಂದು ಲಿಂಕ್ಡ್ ಇನ್ ಹೇಳಿದೆ.
ಭಾರತದಲ್ಲಿ ಸದ್ಯಕ್ಕೆ ಪ್ರೋಗ್ರಾಮಿಂಗ್ ಲಾಂಗ್ವೇಜ್ ಆದ 'ಪೈತಾನ್'ನಲ್ಲಿ ಅತಿ ಹೆಚ್ಚು ಮಂದಿ ಕೌಶಲ್ಯ ಬೆಳೆಸಿಕೊಳ್ಳುತ್ತಿದ್ದು, ಇದಾದ ನಂತರ ಮಷಿನ್ ಲಾಂಗ್ವೇಜ್, ಡಾಟಾ ವಿನ್ಯಾಸ, ಡಿಜಿಟಲ್ ಮಾರ್ಕೆಟಿಂಗ್, ಹೆಚ್ಟಿಎಂಎಲ್ 5ರಲ್ಲಿ ಹೆಚ್ಚು ಮಂದಿ ತೊಡಗಿಸಿಕೊಂಡಿದ್ದಾರೆ ಎಂದು ಲಿಂಕ್ಡ್ ಇನ್ ಮಾಹಿತಿ ನೀಡಿದೆ.
