ಗೋಪಾಲ್‌ಗಂಜ್ (ಬಿಹಾರ): ಜಿಲ್ಲೆಯಲ್ಲಿ ಮೂವರು ನೇಪಾಳಿಗಳನ್ನು ಬಂಧಿಸಿ, ಅವರಿಂದ 265 ಕೆಜಿ ಚರಸ್ ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ವಾಹನ ತಪಾಸಣೆ ನಡೆಸುತ್ತಿದ್ದ ಪೊಲೀಸ್ ತಂಡ, ಕುಚೈಕೋಟ್ ಪೊಲೀಸ್ ಠಾಣೆ ಪ್ರದೇಶದ ರಾಷ್ಟ್ರೀಯ ಹೆದ್ದಾರಿ 28ರ ಬಾಲ್ತಾರಿ ಚೆಕ್ ಪೋಸ್ಟ್‌ನಲ್ಲಿ ಪಿಕ್ಅಪ್ ವ್ಯಾನ್ ತಪಾಸಣೆ ನಡೆಸಿದಾಗ 35 ಕೋಟಿ ರೂ. ಮೌಲ್ಯದ ಮಾದಕ ವಸ್ತು ಪತ್ತೆಯಾಗಿದೆ ಎಂದು ಎಸ್‌ಹೆಚ್‌ಒ ಅಶ್ವಿನಿ ಕುಮಾರ್ ತಿವಾರಿ ತಿಳಿಸಿದ್ದಾರೆ.
ಓದಿ : ಜಮ್ಮು-ಕಾಶ್ಮೀರ: ಪೂಂಚ್ನಲ್ಲಿ ಪಾಕ್ ಸೇನೆಯಿಂದ ಶೆಲ್ ದಾಳಿ
ಪಿಕ್ಅಪ್ ವ್ಯಾನ್ ನೇಪಾಳದ ಬಿರ್ಗಂಜ್ನಿಂದ ಬರುತ್ತಿದ್ದು, ಉತ್ತರ ಪ್ರದೇಶದ ಬರೇಲಿಗೆ ಮಾದಕ ವಸ್ತು ರವಾನಿಸಲಾಗುತ್ತಿತ್ತು ಎನ್ನಲಾಗಿದೆ. ಬಂಧಿತ ವ್ಯಕ್ತಿಗಳು ನೇಪಾಳದ ನಿವಾಸಿಗಳು ಎಂದು ತಿವಾರಿ ಮಾಹಿತಿ ನೀಡಿದ್ದಾರೆ.
