ಬದೌನ್ (ಯುಪಿ): ಪುಲ್ವಾಮ ದಾಳಿಯ ಮಾಸ್ಟರ್ ಮೈಂಡ್ ಮಸೂದ್ ಅಜರ್ನನ್ನು ' ಜೀ' ಎಂದು ಸಂಬೋಧಿಸಿದ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ವಿರುದ್ಧ ಉತ್ತರಪ್ರದೇಶದ ಕೋರ್ಟ್ನಲ್ಲಿ ದೂರು ದಾಖಲಾಗಿದೆ.
ಬದೌನ್ ಜಿಲ್ಲೆಯ ಸಿಜೆಎಂ ಕೋರ್ಟ್ನಲ್ಲಿ ಅಡ್ವೊಕೇಟ್ ದಿವಾಕರ್ ಶರ್ಮಾ ಎಂಬುವರು ಆರು ಸಹೋದ್ಯೋಗಿಗಳ ಬೆಂಬಲದೊಂದಿಗೆ ದೂರು ದಾಖಲಿಸಿದ್ದಾರೆ. ಮಾರ್ಚ್ 23ಕ್ಕೆ ದೂರಿನ ಸಂಬಂಧ ವಿಚಾರಣೆ ನಡೆಯಲಿದೆ ಎಂದು ತಿಳಿದುಬಂದಿದೆ.
ನವದೆಹಲಿಯಲ್ಲಿ ನಡೆದ ಸಭೆಯೊಂದರಲ್ಲಿ ಉಗ್ರ ಮಸೂದ್ನನ್ನು ರಾಹುಲ್ ' ಜೀ' ಎಂದು ಸಂಬೋಧಿಸಿದ್ದು ದೇಶದ ಜನರಿಗೆ ನೋವುಂಟು ಮಾಡಿದೆ ಎಂದು ಅಡ್ವೊಕೇಟ್ ದಿವಾಕರ್ ಶರ್ಮಾ ಆರೋಪಿಸಿದ್ದಾರೆ.
ಉಗ್ರ ಮಸೂದ್ ಪುಲ್ವಾಮ ದಾಳಿಯ ಮಾಸ್ಟರ್ಮೈಂಡ್ ಎಂದು ಗೊತ್ತಿದ್ದರೂ ' ಜೀ' ಎಂದು ರಾಹುಲ್ ಕರೆದಿದ್ದರು. ಕಾಂಗ್ರೆಸ್ನ ಅಧ್ಯಕ್ಷರು ಮಾತ್ರವಲ್ಲ ಅವರೊಬ್ಬ ಸಂಸದನಾಗಿದ್ದುಕೊಂಡು ಹೀಗೆ ಮಾತನಾಡಬಾರದಿತ್ತು. ದೇಶದ ಜನರು ಅವರ ಮಾತುಗಳನ್ನು ಆಲಿಸುವಾಗ ತಾನೇನು ಮಾತನಾಡುತ್ತಿರುವೆ ಎಂಬುದು ಅವರಿಗೆ ತಿಳಿದಿರಬೇಕು ಎಂದೂ ಕುಟುಕಿದ್ದಾರೆ.
