ನವದೆಹಲಿ: ಜವಳಿ ಕ್ಷೇತ್ರದಲ್ಲಿನ ಉದ್ಯಮ ವಿಸ್ತರಣೆ ಹಾಗೂ ಸಹಕಾರಕ್ಕಾಗಿ ಭಾರತ-ಜಪಾನ್ ನಡುವಿನ ಒಪ್ಪಂದಕ್ಕೆ ಕೇಂದ್ರ ಸಚಿವ ಸಂಪುಟ ಇಂದು ಅನುಮೋದನೆ ನೀಡಿದೆ. ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದಲ್ಲಿ ನಡೆದ ಕ್ಯಾಬಿನೆಟ್ ಸಭೆಯಲ್ಲಿ ಈ ಮಹತ್ವದ ನಿರ್ಧಾರ ಕೈಗೊಳ್ಳಲಾಗಿದೆ.
'ಮಿಷನ್ ಕರ್ಮಯೋಗಿ'ಗೆ ಅನುಮೋದನೆ ನೀಡಿದ ಕೇಂದ್ರ ಕ್ಯಾಬಿನೆಟ್... ಏನಿದು ಮಹತ್ವದ ಯೋಜನೆ!?
ಜಪಾನ್ ಮಾರುಕಟ್ಟೆಯಲ್ಲಿ ಭಾರತೀಯ ಜವಳಿ ಮತ್ತು ಬಟ್ಟೆ ಗುಣಮಟ್ಟ ಪರೀಕ್ಷೆ ಸುಧಾರಿಸಲು ಭಾರತೀಯ ಜವಳಿ ಮತ್ತು ಜಪಾನ್ ನಿಸ್ಸೆನ್ಕೆನ್ ಗುಣಮಟ್ಟ ಕೇಂದ್ರದ ನಡುವೆ ಒಪ್ಪಂದವಾಗಿದ್ದು, ಪ್ರಧಾನಿ ನರೇಂದ್ರ ಮೋದಿ ಅದಕ್ಕೆ ಸಹಿ ಹಾಕಿದ್ದಾರೆ.
ಇದಕ್ಕೆ ಸಂಬಂಧಿಸಿದಂತೆ ಮಾಹಿತಿ ನೀಡಿದ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವ ಪ್ರಕಾಶ್ ಜಾವಡೇಕರ್, ಜವಳಿ ಉತ್ಪನ್ನ ಮತ್ತು ಬಟ್ಟೆಗಳ ಗುಣಮಟ್ಟ ಅಭಿವೃದ್ಧಿ ಪಡಿಸಲು ಇದು ಸಹಕಾರಿಯಾಗಲಿದೆ ಎಂದಿದ್ದಾರೆ. ವಿದೇಶಿ ಮಾರುಕಟ್ಟೆಯಲ್ಲಿ ಭಾರತ 2017-18ರಲ್ಲಿ 1.16 ಲಕ್ಷ ಕೋಟಿ ಮೌಲ್ಯದ ಜವಳಿ ಮಾರಾಟ ಮಾಡಿತ್ತು. ಆದರೆ 2020-21ರಲ್ಲಿ 21 ಲಕ್ಷ ಕೋಟಿ ರೂ. ಜವಳಿ ಮಾರಾಟ ಗುರಿ ಹೊಂದಿದೆ ಎಂದು ತಿಳಿಸಿದ್ದಾರೆ.
