ನವದೆಹಲಿ: ಭಾರತ್ ಸಂಚಾರ್ ನಿಗಮ (BSNL)ದ ಕುರಿತಾದ ಕ್ಯಾಬಿನೆಟ್ ನಿರ್ಧಾರಗಳ ಆರಂಭಿಕ ಅನುಷ್ಠಾನಕ್ಕಾಗಿ ಫೆಬ್ರವರಿ 24 ರಂದು ಉಪವಾಸ ಸತ್ಯಾಗ್ರಹ ನಡೆಸಲು ಬಿಎಸ್ಎನ್ಎಲ್ (ಎಯುಎಬಿ) ಯ ಎಲ್ಲಾ ಸಂಘಗಳು ನಿರ್ಧರಿಸಿದೆ.
BSNL ನೌಕರರ ಸಮಸ್ಯೆಗಳು ಹಾಗೂ ಕುಂದುಕೊರತೆಗಳನ್ನು ಶೀಘ್ರ ಬಗೆಹರಿಸಲು ಒತ್ತಡ ಹೇರುವ ಉದ್ದೇಶದಿಂದ ಈ ಮುಷ್ಕರ ಹಮ್ಮಿಕೊಳ್ಳಲಾಗಿದೆ ಎಂದು ಬಿಎಸ್ಎನ್ಎಲ್ ನೌಕರ ವರ್ಗ ತಿಳಿಸಿದೆ. ದೀರ್ಘಕಾಲೀನ ಬಾಂಡ್‌ಗಳ ಮೂಲಕ ಹಣ, ಸ್ವತ್ತುಗಳಿಂದ ಹಣಗಳಿಕೆ ಮತ್ತು ಸ್ವಯಂಪ್ರೇರಿತ ನಿವೃತ್ತಿ ಯೋಜನೆಯ ಅನುಷ್ಠಾನಗಳ ಪೈಕಿ ವಿಆರ್‌ಎಸ್ ಮಾತ್ರ ಜಾರಿಗೆ ಬಂದಿದ್ದು, ಒಟ್ಟು 78,569 ಬಿಎಸ್ಎನ್ಎಲ್ ನೌಕರರನ್ನು ಕೆಲಸದಿಂದ ತೆಗೆದು ಹಾಕಿ ಮನೆಗೆ ಕಳುಹಿಸಲಾಗಿದೆ.
ಬಿಎಸ್ಎನ್ಎಲ್ ನ ಆಸ್ತಿಗಳ ಹಣಗಳಿಸುವ ಪ್ರಕ್ರಿಯೆಯು ಸಹ ನಿಧಾನವಾಗಿ ಚಲಿಸುತ್ತಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ. ಎಜಿಆರ್ ಲೆಕ್ಕಾಚಾರದ ಬಗ್ಗೆ ಸುಪ್ರೀಂಕೋರ್ಟ್ ಇತ್ತೀಚೆಗೆ ನೀಡಿದ ತೀರ್ಪು ಟೆಲಿಕಾಂ ಕ್ಷೇತ್ರದಲ್ಲಿ ಅನಿಶ್ಚಿತತೆಗಳನ್ನು ಸೃಷ್ಟಿಸಿದೆ.
ಯಾವ ಕಾರಣದಿಂದ ಬ್ಯಾಂಕುಗಳು ಬಿಎಸ್‌ಎನ್‌ಎಲ್‌ಗೆ ಸಾಲವನ್ನು ವಿಸ್ತರಿಸಲು ಮುಂದಾಗಿಲ್ಲ ಎಂದು ಎಯುಎಬಿ ಹೇಳಿದೆ. 4 ಜಿ ಸ್ಪೆಕ್ಟ್ರಮ್ ಹಂಚಿಕೆ ವಿಳಂಬ ಮತ್ತು ಹಣ ಲಭ್ಯವಿಲ್ಲದ ಕಾರಣ, ಬಿಎಸ್ಎನ್ಎಲ್ 2020 ರ ಅಂತ್ಯದ ವೇಳೆಗೆ ತನ್ನ 4 ಜಿ ಸೇವೆಗಳನ್ನು ಪ್ರಾರಂಭಿಸುವ ಸಾಧ್ಯತೆಯಿಲ್ಲ ಎಂದು ಬಿಎಸ್ಎನ್ಎಲ್ ಹೇಳಿದೆ.
