ಸಿಕಂದರಾಬಾದ್: ಇಲ್ಲಿನ ಗೋಲ್ಡನ್ ಅಪಾರ್ಟ್ಮೆಂಟ್ನ ನೆಲಮಹಡಿಯಲ್ಲಿ ಬಾಕನೋರ್ವನ ಮೇಲೆ ವ್ಯಕ್ತಿ ಅಮಾನವೀಯವಾಗಿ ಥಳಿಸಿರುವ ಘಟನೆ ನಡೆದಿದ್ದು, ಇದೀಗ ಅದರ ವಿಡಿಯೋ ವೈರಲ್ ಆಗಿದೆ.
ಅದೇ ಅಪಾರ್ಟ್ಮೆಂಟ್ನಲ್ಲಿ ವಾಸವಾಗಿದ್ದ ಲಾರಿ ಚಾಲಕ ಕೀರ್ತಿ ಸ್ವರೂಪ್ ಈ ಹಲ್ಲೆ ನಡೆಸಿದ್ದು, ಜಯಂತ್ ಎಂಬ ಬಾಲಕ ಹಲ್ಲೆಗೊಳಗಾಗಿದ್ದಾನೆ.
ಮಗುವಿನ ಮೇಲೆ ರಾಕ್ಷಸಿ ಹಲ್ಲೆ
ಘಟನೆಗೆ ಕಾರಣ!? ಸ್ವರೂಪ ಅಪಾರ್ಟ್ಮೆಂಟ್ನ ಮುಂದುಗಡೆ ಲಾರಿ ಚಾಲಕನ ಮಗನೊಂದಿಗೆ ಆಟವಾಡುತ್ತಿದ್ದನು. ಇದೇ ಘಟನೆ ಲಾರಿ ಚಾಲಕ ಕೀರ್ತಿ ಆಕ್ರೋಶಕ್ಕೆ ಕಾರಣವಾಗಿದ್ದು, ಜಯಂತ್ ಸೈಕಲ್ ನಿಲ್ಲಿಸಲು ತೆರಳುತ್ತಿದ್ದಂತೆ ಆತನ ಹಿಂದೆ ಹೋಗಿ ರಾಕ್ಷಸಿ ಕೃತ್ಯವೆಸಗಿದ್ದಾನೆ.
ಬಾಲಕನ ಮೇಲೆ ಹಲ್ಲೆ ನಡೆಯುತ್ತಿರುವುದನ್ನ ವೀಕ್ಷಣೆ ಮಾಡಿರುವ ವಾಚ್ಮ್ಯಾನ್ ತಕ್ಷಣವೇ ನಿಲ್ಲಿಸಿದ್ದಾನೆ. ಇದರ ಸಂಪೂರ್ಣ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಾಲಕನ ತಂದೆ ದೂರು ದಾಖಲು ಮಾಡಿದ್ರೂ ಯಾವುದೇ ರೀತಿಯ ಕ್ರಮ ಕೈಗೊಂಡಿಲ್ಲ ಎಂದು ಅವರು ತಮ್ಮ ಅಳಲು ತೊಡಿಕೊಂಡಿದ್ದಾರೆ.
