ಐಸಿಸಿ ಚಾಂಪಿಯನ್ಸ್​ ಟ್ರೋಫಿ ವೇಳಾಪಟ್ಟಿ ಪ್ರಕಟ: ಭಾರತ-ಪಾಕಿಸ್ತಾನ ಪಂದ್ಯ ಯಾವಾಗ?

ಮುಂದಿನ ವರ್ಷ ನಡೆಯಲಿರುವ ಐಸಿಸಿ ಚಾಂಪಿಯನ್ಸ್​ ಟ್ರೋಫಿ ವೇಳಾಪಟ್ಟಿ ಇಂದು ಪ್ರಕಟಗೊಂಡಿದೆ.

ಹೈದರಾಬಾದ್​: ಮುಂದಿನ ವರ್ಷ ನಡೆಯಲಿರುವ ಚಾಂಪಿಯನ್ಸ್ ಟ್ರೋಫಿ-2025ರ ಸಂಪೂರ್ಣ ವೇಳಾಪಟ್ಟಿಯನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ICC) ಇಂದು ಬಿಡುಗಡೆ ಮಾಡಿದೆ. ಮೆಗಾ ಟೂರ್ನಿ ಫೆಬ್ರವರಿ 19ರಿಂದ ಆರಂಭವಾಗಲಿದೆ. ಭಾರತದ ನಿರೀಕ್ಷೆಯಂತೆ ಚಾಂಪಿಯನ್ಸ್​ ಟ್ರೋಫಿ ಹೈಬ್ರಿಡ್​ ಮಾದರಿಯಲ್ಲೇ ನಡೆಯಲಿದೆ. ಭಾರತ ತನ್ನೆಲ್ಲಾ ಪಂದ್ಯಗಳನ್ನು ದುಬೈನಲ್ಲಿ ಆಡಲಿದೆ.

ಫೆಬ್ರವರಿ 19ರಿಂದ ಮಾರ್ಚ್​ 9ರವರೆಗೆ ನಡೆಯಲಿರುವ ಈ ಟೂರ್ನಿಯಲ್ಲಿ ಒಟ್ಟು 8 ತಂಡಗಳು ಭಾಗಿಯಾಗುತ್ತಿವೆ. ಈ ಅವಧಿಯಲ್ಲಿ ಒಟ್ಟು 15 ಪಂದ್ಯಗಳು ನಡೆಯುತ್ತವೆ. ಎಲ್ಲಾ ತಂಡಗಳನ್ನು 2 ಗುಂಪುಗಳಾಗಿ ವಿಂಗಡಿಸಲಾಗಿದೆ.

Check out the full fixtures for the ICC Champions Trophy 2025. pic.twitter.com/oecuikydca

— ICC (@ICC) December 24, 2024

ಐಸಿಸಿ ಬಿಡುಗಡೆ ಮಾಡಿರುವ ವೇಳಾಪಟ್ಟಿಯಂತೆ ಫೆಬ್ರವರಿ 19ರಂದು ಮೊದಲ ಪಂದ್ಯದಲ್ಲಿ ಕರಾಚಿಯಲ್ಲಿ ನ್ಯೂಜಿಲೆಂಡ್ ಮತ್ತು ಆತಿಥೇಯ ಪಾಕಿಸ್ತಾನ ಮುಖಾಮುಖಿಯಾಗುವ ಮೂಲಕ ಟೂರ್ನಿ ಆರಂಭವಾಗಲಿದೆ. ಮಾರ್ಚ್ 9ರಂದು ಫೈನಲ್ ಪಂದ್ಯ ನಡೆಯಲಿದೆ. ಮಾರ್ಚ್​ 10 ಮೀಸಲು ದಿನವಾಗಿದೆ.

ಟೂರ್ನಿಯ ಅಂಗವಾಗಿ ಭಾರತ ಮತ್ತು ಪಾಕಿಸ್ತಾನ ನಡುವಿನ ಹೈವೋಲ್ಟೇಜ್ ಪಂದ್ಯ ಫೆಬ್ರವರಿ 23ರಂದು ದುಬೈನ ಅಂತಾರಾಷ್ಟ್ರೀಯ ಮೈದಾನದಲ್ಲಿ ನಡೆಯಲಿದೆ. ಲೀಗ್ ಸುತ್ತಿನ ಅಂತಿಮ ಪಂದ್ಯದಲ್ಲಿ ಭಾರತ ಮಾರ್ಚ್ 2ರಂದು ನ್ಯೂಜಿಲೆಂಡ್ ತಂಡವನ್ನು ಎದುರಿಸಲಿದೆ.

🚨 Announced 🚨

The official fixtures for the upcoming ICC Champions Trophy 2025 are out!

Read on ⬇https://t.co/V8AVhRxxYu

— ICC (@ICC) December 24, 2024

ಎ ಗುಂಪು: ಭಾರತ, ಪಾಕಿಸ್ತಾನ, ನ್ಯೂಜಿಲೆಂಡ್ ಮತ್ತು ಬಾಂಗ್ಲಾದೇಶ

ಬಿ ಗುಂಪು: ದಕ್ಷಿಣ ಆಫ್ರಿಕಾ, ಆಸ್ಟ್ರೇಲಿಯಾ, ಅಫ್ಘಾನಿಸ್ತಾನ ಮತ್ತು ಇಂಗ್ಲೆಂಡ್

ಚಾಂಪಿಯನ್ಸ್ ಟ್ರೋಫಿ ವೇಳಾಪಟ್ಟಿ:

ದಿನಾಂಕ	ಮುಖಾಮುಖಿ	ಸ್ಥಳ
19 ಫೆಬ್ರವರಿ, 2025	ಪಾಕಿಸ್ತಾನ vs ನ್ಯೂಜಿಲೆಂಡ್	ಕರಾಚಿ
20 ಫೆಬ್ರವರಿ, 2025	ಭಾರತ vs ಬಾಂಗ್ಲಾದೇಶ	ದುಬೈ
21 ಫೆಬ್ರವರಿ, 2025	ಅಫ್ಘಾನಿಸ್ತಾನ vs ದಕ್ಷಿಣ ಆಫ್ರಿಕಾ	ಕರಾಚಿ
22 ಫೆಬ್ರವರಿ, 2025	ಆಸ್ಟ್ರೇಲಿಯಾ vs ಇಂಗ್ಲೆಂಡ್	ಲಾಹೋರ್
23 ಫೆಬ್ರವರಿ, 2025	ಪಾಕಿಸ್ತಾನ vs ಭಾರತ	ದುಬೈ
24 ಫೆಬ್ರವರಿ, 2025	ಬಾಂಗ್ಲಾದೇಶ vs ನ್ಯೂಜಿಲೆಂಡ್	ರಾವಲ್ಪಿಂಡಿ
25 ಫೆಬ್ರವರಿ, 2025	ಆಸ್ಟ್ರೇಲಿಯಾ vs ದಕ್ಷಿಣ ಆಫ್ರಿಕಾ	ರಾವಲ್ಪಿಂಡಿ
26 ಫೆಬ್ರವರಿ, 2025	ಅಫ್ಘಾನಿಸ್ತಾನ vs ಇಂಗ್ಲೆಂಡ್	ಲಾಹೋರ್
27 ಫೆಬ್ರವರಿ, 2025	ಪಾಕಿಸ್ತಾನ vs ಬಾಂಗ್ಲಾದೇಶ	ರಾವಲ್ಪಿಂಡಿ
28 ಫೆಬ್ರವರಿ, 2025	ಅಫ್ಘಾನಿಸ್ತಾನ vs ಆಸ್ಟ್ರೇಲಿಯಾ	ಲಾಹೋರ್
1 ಮಾರ್ಚ್, 2025	ದಕ್ಷಿಣ ಆಫ್ರಿಕಾ vs ಇಂಗ್ಲೆಂಡ್	ಕರಾಚಿ
2 ಮಾರ್ಚ್, 2025	ನ್ಯೂಜಿಲೆಂಡ್ vs ಭಾರತ	ದುಬೈ
4 ಮಾರ್ಚ್, 2025	ಸೆಮಿಫೈನಲ್ 1	ದುಬೈ
5 ಮಾರ್ಚ್, 2025	ಸೆಮಿಫೈನಲ್ 2	ಲಾಹೋರ್
9 ಮಾರ್ಚ್, 2025	ಫೈನಲ್	ಲಾಹೋರ್/ದುಬೈ
10 ಮಾರ್ಚ್​, 2025	ಮೀಸಲು ದಿನ	ಲಾಹೋರ್/ದುಬೈ

ಇದನ್ನೂ ಓದಿ: ಐಸಿಸಿ ಚಾಂಪಿಯನ್ಸ್​ ಟ್ರೋಫಿ ವೇಳಾಪಟ್ಟಿ ಪ್ರಕಟ: ಭಾರತ-ಪಾಕಿಸ್ತಾನ ಪಂದ್ಯ ಯಾವಾಗ?