ಮುಂಬೈ: ಬಾಲಿವುಡ್ನ ಖ್ಯಾತ ಕೊರಿಯೋಗ್ರಾಫರ್ ಸರೋಜ್ ಖಾನ್ (71) ಅವರು ಹೃದಯಾಘಾತದಿಂದ ನಿಧನರಾಗಿದ್ದಾರೆ.
ಸರೋಜ್ ಖಾನ್ ಅವರು, ನಟಿ ಶ್ರೀದೇವಿ ಅಭಿನಯಿಸಿದ್ದ ನಾಗಿನಾ ಚಿತ್ರದ ‘ಮೇನ್ ನಾಗಿನ್ ತು ಸಪೆರಾ’ ಮತ್ತು ಮಿಸ್ಟರ್ ಇಂಡಿಯಾ ಸಿನಿಮಾದ ‘ಹವಾ ಹವಾ’ ಹಾಡಿಗೆ ನೃತ್ಯ ಸಂಯೋಜನೆ ಮಾಡಿದ್ದರು. ಅಷ್ಟೇ ಅಲ್ಲದೆ, ಮಾಧುರಿ ದೀಕ್ಷಿತ್ ಅವರ ಕೆಲ ಸಿನಿಮಾಗಳ ಹಾಡಿಗೂ ನೃತ್ಯ ಸಂಯೋಜನೆ ಮಾಡಿ ಗಮನ ಸೆಳೆದಿದ್ದರು. 80ರ ದಶಕದಲ್ಲಿ ಬಾಲಿವುಡ್ನಲ್ಲಿ ಭಾರಿ ಜನಪ್ರಿಯತೆ ಗಳಿಸಿದ್ದರು.
ಕಂಗನಾ ರಣಾವತ್ ಅಭಿನಯದ 'ಮಣಿಕರ್ನಿಕಾ' ಮತ್ತು 2015ರಲ್ಲಿ ಬಿಡುಗಡೆಯಾದ 'ತನು ವೆಡ್ಸ್ ಮನು ರಿಟರ್ನ್ಸ್' ಚಿತ್ರಕ್ಕೂ ಕೂಡ ಇವರದೇ ನೃತ್ಯ ಸಂಯೋಜನೆ ಇತ್ತು.
