ಕೋಲ್ಕತ್ತಾ: ದೇಶಕ್ಕಾಗಿ ಸೇವೆ ಸಲ್ಲಿಸಿ ಸಾವನ್ನಪ್ಪಿದ 'ಡಚ್' ಹೆಸರಿನ ಶ್ವಾನಕ್ಕೆ ಇಂದು ಭಾರತೀಯ ಸೇನೆಯ ಈಸ್ಟರ್ನ್ ಕಮಾಂಡ್ನಿಂದ ಅಂತಿಮ ನಮನ ಸಲ್ಲಿಸಲಾಯ್ತು.
ಸೇನೆಯ ಈಸ್ಟರ್ನ್ ಕಮಾಂಡ್ನ ಸದಸ್ಯನಾಗಿ ವಿವಿಧ ಕಾರ್ಯಾಚರಣೆಗಳಲ್ಲಿ ಯಶಸ್ವಿಯಾಗಿ ಪಾಲ್ಗೊಂಡಿದ್ದ ಡಚ್, ವಿವಿಧ ಭಯೋತ್ಪಾದನಾ ಚಟುವಟಿಕೆಗಳ ಸುಧಾರಿತ ಸ್ಫೋಟಕಗಳನ್ನು ಗುರುತಿಸಿ ಸೇನೆಗೆ ಸಹಾಯ ಮಾಡಿತ್ತು.
ಸೆಪ್ಟೆಂಬರ್ 11 ರಂದು ಮೃತಪಟ್ಟಿದ್ದ ಡಚ್ಗೆ 9 ವರ್ಷ ವಯಸ್ಸಾಗಿತ್ತು. ಮೂಕ ಶ್ವಾನದ ದೇಶಸೇವೆಯನ್ನು ಭಾರತೀಯ ಸೇನೆ ಮಿಸ್ ಮಾಡಿಕೊಳ್ಳಲಿದೆ.
ಶ್ವಾನಕ್ಕೆ ಅಂತಿಮ ನಮನ ಸಲ್ಲಿಸುವ ಫೋಟೋಗಳನ್ನು ಈಸ್ಟರ್ನ್ ಕಮಾಂಡ್ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದೆ. ಶ್ವಾನಕ್ಕೆ ಸಾಮಾಜಿಕ ಜಾಲತಾಣಗಳ ಮೂಲಕ ಹಲವರು ಶ್ರಾದ್ಧಾಂಜಲಿ ಸಲ್ಲಿಸಿದ್ದಾರೆ.
