'ಅಧಿಕಾರಿ' ಸಹೋದರರ ಪಕ್ಷಾಂತರ ಪರ್ವ: ಸುವೆಂದು ಬೆನ್ನಲ್ಲೇ ಬಿಜೆಪಿ ಸೇರಿದ ಸೌಮೆಂದು

ಇತ್ತೀಚೆಗೆ ಕೇಸರಿ ಪಕ್ಷ ಸೇರಿರುವ ಸುವೆಂದು ಅಧಿಕಾರಿ ಪಕ್ಷದ ಧ್ವಜ ನೀಡುವ ಮೂಲಕ ಸೌಮೆಂದು ಮತ್ತು ಇತರ 14 ಮಂದಿ ಪುರಸಭೆ ಸದಸ್ಯರನ್ನು ಬರಮಾಡಿಕೊಂಡರು.

ಕೊಲ್ಕತ್ತಾ: ಪುರ್ಬಾ ಮೇದಿನಿಪುರ ಜಿಲ್ಲೆಯ ಕಾಂಟೈ ಪುರಸಭೆಯ ಅಧ್ಯಕ್ಷ ಸ್ಥಾನದಿಂದ ತೆಗೆದುಹಾಕಿದ ನಂತರ ಟಿಎಂಸಿ ಮುಖಂಡ ಸೌಮೆಂದು ಅಧಿಕಾರಿ ಇಂದು ಬಿಜೆಪಿ ಸೇರ್ಪಡೆಯಾಗಿದ್ದಾರೆ.

"ಕಮಲ ಎಲ್ಲರ ಮನೆಯಲ್ಲಿ ಅರಳುತ್ತದೆ, ಸ್ವಲ್ಪ ಕಾಯಿರಿ. ನಾವು 108 ಕಮಲಗಳೊಂದಿಗೆ ದುರ್ಗೆಯನ್ನು ಪೂಜೆ ಮಾಡುತ್ತೇವೆ" ಎಂದು ಸೌಮೆಂದು ಈ ಸಂದರ್ಭದಲ್ಲಿ ಹೇಳಿದ್ದಾರೆ.

ಸೌಮೆಂದು ಅವರನ್ನು ಟಿಎಂಸಿ ಇತ್ತೀಚೆಗಷ್ಟೇ ಪುರಸಭೆ ಅಧ್ಯಕ್ಷ ಸ್ಥಾನದಿಂದ ತೆಗೆದುಹಾಕಿತ್ತು. ಈ ವಿಚಾರವನ್ನು ಪ್ರಶ್ನಿಸಿ ಕಲ್ಕತ್ತಾ ಹೈಕೋರ್ಟ್​ಗೆ ಅವರು ಅರ್ಜಿ ಸಲ್ಲಿಸಿದ್ದರು.

ಓದಿ: ನಿರೀಕ್ಷೆಯಂತೆ​ ಶಾ ರ‍್ಯಾಲಿಯಲ್ಲಿ ಮಮತಾಗೆ ಟಾಂಗ್​ ಕೊಟ್ಟ ’ಅಧಿಕಾರಿ’: 11 ಎಂಎಲ್​​ಎಗಳು ಬಿಜೆಪಿ ಸೇರ್ಪಡೆ