ಯಮುನಾನಗರ: ದುಬಾರಿ ಬೆಲೆಯ ಜಾಗ್ವಾರ್ ಕಾರು ಕೇಳಿದ ಮಗನಿಗೆ ತಂದೆ ಬಿಎಂಡಬ್ಲೂ ಕಾರು ಕೊಡಿಸಿದ್ದರಿಂದ ಆಕ್ರೋಶಗೊಂಡ ಆತ ಸಿಟ್ಟಿನಲ್ಲೇ ಯಮುನಾ ನದಿಯಲ್ಲಿ ಮುಳುಗಿಸಿರುವ ಘಟನೆ ನಡೆದಿದೆ.
ಹರಿಯಾಣದ ಯಮುನಾನಗರದಲ್ಲಿ ಈ ಘಟನೆ ನಡೆದಿದೆ. ತಂದೆ ಬಳಿ ದುಬಾರಿ ಜಾಗ್ವಾರ್ ಕಾರು ಕೇಳಿದ್ದಾನೆ. ಆದರೆ ಮಗನಿಗೆ 60 ಲಕ್ಷ ಮೌಲ್ಯದ ಬಿಎಂಡಬ್ಲೂ ಕಾರು ತಂದೆ ಕೊಡಿಸಿದ್ದಾರೆ. ಇದರಿಂದ ಆಕ್ರೋಶಗೊಂಡ ಮಗ ನದಿ ಕ್ಯಾನಲ್ನಲ್ಲಿ ಮುಳುಗಿಸಿದ್ದಾನೆ. ಇನ್ನು ಬರೋಬ್ಬರಿ ನಾಲ್ಕು ಗಂಟೆಗಳ ಕಾಲ ಕಾರ್ಯಾಚರಣೆ ನಡೆಸಿ ಕಾರು ಹೊರ ತೆಗೆಯಲಾಗಿದೆ.
ನೀರಿನಲ್ಲಿ ಬಿಎಂಡಬ್ಲೂ ಕಾರು/Jaguar car
ಕಾರು ನದಿಯಲ್ಲಿ ಮುಳುಗಿಸುತ್ತಿದ್ದ ವಿಡಿಯೋವನ್ನ ಸ್ಥಳೀಯರೊಬ್ಬರು ತಮ್ಮ ಮೊಬೈಲ್ನಲ್ಲಿ ಸೆರೆ ಹಿಡಿದು ಫೇಸ್ಬುಕ್ನಲ್ಲಿ ಹರಿಬಿಟ್ಟಿದ್ದಾರೆ. ಇದಾದ ಬಳಿಕ ಪೊಲೀಸರಿಗೆ ಮಾಹಿತಿ ಗೊತ್ತಾಗಿ ಸ್ಥಳಕ್ಕೆ ಬಂದು ಕಾರು ಮೇಲೆ ತೆಗೆದುಕೊಂಡು ಬಂದಿದ್ದಾರೆ. ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ಪ್ರಕರಣ ದಾಖಲು ಮಾಡಿಕೊಂಡಿರುವ ಪೊಲೀಸರು ವಿಚಾರಣೆ ನಡೆಸುತ್ತಿರುವುದಾಗಿ ತಿಳಿಸಿದ್ದಾರೆ.
