ಜೈಪುರ (ರಾಜಸ್ಥಾನ): ರಾಜಕೀಯ ಬಿಕ್ಕಟ್ಟಿನಿಂದಾಗಿ, ಕಾಂಗ್ರೆಸ್ ಪಕ್ಷವು ತನ್ನ ಶಾಸಕರನ್ನು ಜೈಪುರದ ಹೋಟೆಲ್ ಫೇರ್ ಮೌಂಟ್‌ನಲ್ಲಿ ಇರಿಸಿದೆ. ಈ ಹೋಟೆಲ್ನಲ್ಲಿ ಶಾಸಕರಿಗೆ ಒಟ್ಟು 120 ಕೊಠಡಿಗಳನ್ನು ಕಾಯ್ದಿರಿಸಲಾಗಿದೆ.
ಹೋಟೆಲ್ ಫೇರ್ಮೌಂಟ್‌ನಲ್ಲಿನ ಪ್ರತಿ ಕೋಣೆಯ ಬಾಡಿಗೆ ಸುಮಾರು 16,000 ರೂಪಾಯಿ. ಆದರೆ ಕೊರೊನಾ ಸೋಂಕಿನಿಂದಾಗಿ, ಹೋಟೆಲ್ ವ್ಯವಹಾರವು ಸಂಪೂರ್ಣವಾಗಿ ಸ್ಥಗಿತಗೊಂಡಿತ್ತು. ಅದಕ್ಕಾಗಿ ಸರ್ಕಾರಕ್ಕೆ 16 ಸಾವಿರದ ಕೊಠಡಿ 8 ಸಾವಿರಕ್ಕೆ ಲಭಿಸಿದೆ.
ಎಂಟು ಸಾವಿರ ರೂ.ನಲ್ಲಿ ಊಟ ಮತ್ತು ತಿಂಡಿಯ ವೆಚ್ಚವನ್ನೂ ಸೇರಿಸಲಾಗಿದೆ. ಅಂದರೆ, ಪ್ರತಿ ಶಾಸಕರಿಗೆ ಸುಮಾರು 10 ಸಾವಿರ ರೂಪಾಯಿಗಳ ಖರ್ಚು ಪ್ರತಿದಿನ ಬರುತ್ತಿದೆ.
ಇಂದು ಶಾಸಕರು ಹೋಟೆಲ್ನಲ್ಲಿ 10ನೇ ದಿನ ಕಳೆಯುತ್ತಿದ್ದು, ಪ್ರತಿ ಶಾಸಕರಿಗೆ ದಿನಕ್ಕೆ 10,000 ಎಂದರೆ ಒಟ್ಟು 120 ಕೊಠಡಿಗಳಿಗೆ ದಿನಕ್ಕೆ 12 ಲಕ್ಷ ರೂ.ಗಿಂತಲೂ ಹೆಚ್ಚಿನ ಬಾಡಿಗೆಯನ್ನು ನೀಡಲಾಗುತ್ತಿದೆ. ಈ ಅಂಕಿ ಅಂಶದ ಪ್ರಕಾರ ಇಲ್ಲಿಯವರೆಗೆ ಒಟ್ಟು ಒಂದು ಕೋಟಿಗಿಂತಲೂ ಹೆಚ್ಚಿನ ಹಣ ಖರ್ಚು ಮಾಡಲಾಗಿದೆ.
ಹೋಟೆಲ್ನಲ್ಲಿರುವ ಶಾಸಕರ ಕುಟುಂಬಸ್ಥರು!
ಹೊಟೇಲ್ನಲ್ಲಿ ವಿಶೇಷ ಭದ್ರತೆಯ ವ್ಯವಸ್ಥೆ ಮಾಡಲಾಗಿದೆ. ವಿಶೇಷ ಸಂದರ್ಭಗಳಲ್ಲಿ ಹೊರತುಪಡಿಸಿ ಶಾಸಕರಿಗೆ ಈ ಹೋಟೆಲ್ ನಿಂದ ಹೊರಹೋಗಲು ಅವಕಾಶವಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ ಶಾಸಕರು ತಮ್ಮ ಮಕ್ಕಳು ಹಾಗೂ ಕುಟುಂಬದವರನ್ನು ನೆನಪಿಸಿಕೊಂಡಿದ್ದಾರೆ.
ಹೀಗಾಗಿ ಶಾಸಕರು ಬೇಕಾದಲ್ಲಿ ತಮ್ಮ ಕುಟುಂಬವನ್ನು ಹೋಟೆಲ್ಗೆ ಕರೆಯಬಹುದು ಎಂದು ಪಕ್ಷ ತಿಳಿಸಿದೆ. ಇದರಿಂದಾಗಿ ಶೇ 60ರಷ್ಟು ಶಾಸಕರು ತಮ್ಮ ಕುಟುಂಬಗಳನ್ನು ಹೋಟೆಲ್ಗೆ ಕರೆಸಿಕೊಂಡಿದ್ದಾರೆ.
