ಕೋಲ್ಕತಾ: ಅಪ್ರಾಪ್ತ ಬಾಲಕಿಯ ಮೇಲೆ ಸಾಮೂಹಿಕ ಅತ್ಯಾಚಾರ ಮತ್ತು ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ದಿನಾಜ್‌ಪುರ ಜಿಲ್ಲೆಯ ಕುಮಾರ್‌ಗಂಜ್‌ನಲ್ಲಿ ಮೂವರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.
ಬಂಧಿತ ಆರೋಪಿಗಳಲ್ಲಿ ಬಾಲಕಿಯ ಪ್ರೇಮಿಯೂ ಸೇರಿದ್ದು, ಸೋಮವಾರ ಬಾಲಕಿ ಮೃತ ದೇಶವನ್ನ ಪತ್ತೆ ಮಾಡಲಾಗಿತ್ತು. ಬಾಲಕಿ ಬಟ್ಟೆ ಖರೀದಿಸಬೇಕೆಂದು ಮನೆಯಲ್ಲಿ ಹೇಳಿ ಹೋಗಿದ್ದರು ಎನ್ನಲಾಗಿದೆ. ಆರೋಪಿ ಮಹಬೂಬುರ್ ಮಿಯಾನ್ ಎಂಬುವವನ ಜತೆ ಬಾಲಕಿ ಸಲುಗೆಯಿಂದ ಇದ್ದಳು ಎಂಬ ಮಾಹಿತಿಯೂ ಇದೆ. ಇದೇ ಪರಿಚಯದ ಸಲುಗೆಯಿಂದ ಸ್ನೇಹಿತ ಮಹಬೂಬುರ್ ವಿಯಾನ್, ಬಾಲಕಿಯನ್ನ ಭಾನುವಾರ ಬೆಲ್ಖೋರ್ ಪ್ರದೇಶದ ನಿರ್ಜನ ಪ್ರದೇಶಕ್ಕೆ ತೆರಳಿದ್ದರು ಎನ್ನಲಾಗಿದೆ. ಈ ಸಂದರ್ಭದಲ್ಲಿ ವಿಯಾನ್ ಜತೆ ಪಂಕಜ್ ಬರ್ಮನ್ ಮತ್ತು ಗೌತಮ್ ಬರ್ಮನ್ ಕೂಡ ಅವರೊಂದಿಗೆ ತೆರಳಿದ್ದರು. ನಂತರ ಮೂವರು ಸೇರಿ ಬಾಲಕಿ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆಸಿ, ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿದ್ದಾರೆ ಎಂದು ಪೊಲೀಸರು ಶಂಕಿಸಿದ್ದಾರೆ.
ಸಾಕ್ಷ್ಯ ನಾಶಕ್ಕಾಗಿ ಆರೋಪಿಗಳು ಬಾಲಕಿಯನ್ನು ಸುಟ್ಟು ಹಾಕಿ ಪರಾರಿಯಾಗಿದ್ದರು. ಆದರೆ, ಶವವನ್ನು ನಾಯಿಗಳು ಎಳೆದಾಡುತ್ತಿರುವುದನ್ನ ಕಂಡ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಈ ಸಂಬಂಧ ದೂರು ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದರು. ಪ್ರಾಥಮಿಕ ತನಿಖೆಯ ನಂತರ ಮೂವರು ಆರೋಪಿಗಳನ್ನು ಬಂಧಿಸಿರುವ ಪೊಲೀಸರು, ಬಾಲುರ್‌ಘಾಟ್ ಸೆಷನ್ಸ್ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ.
ಇನ್ನೊಂದೆಡೆ, ಈ ಘಟನೆಗೆ ಭಾರಿ ಆಕ್ರೋಶ ವ್ಯಕ್ತವಾಗಿದ್ದು, ನ್ಯಾಯಕ್ಕಾಗಿ ಆಕೆಯ ಸಂಬಂಧಿಕರು, ಸ್ಥಳೀಯರು ಮತ್ತು ಶಾಲಾ ಶಿಕ್ಷಕರು ಫುಲ್ಬರಿಯಲ್ಲಿ ರಾಷ್ಟ್ರೀಯ ಹೆದ್ದಾರಿಯನ್ನು ತಡೆದು ಪ್ರತಿಭಟನೆ ಕೂಡಾ ನಡೆಸಿದ್ದಾರೆ.
