ಹೈದರಾಬಾದ್: ನ್ಯೂಜಿಲ್ಯಾಂಡ್ ವಿರುದ್ಧ ನಡೆದ ಏಕದಿನ ಕ್ರಿಕೆಟ್ ಸರಣಿಯಲ್ಲಿ ದಕ್ಷಿಣ ಆಫ್ರಿಕಾ ಐತಿಹಾಸಿಕ ಗೆಲುವು ದಾಖಲು ಮಾಡಿದ್ದು, ಈ ಮೂಲಕ ಮುಂದಿನ ವರ್ಷ ನಡೆಯಲಿರುವ ವಿಶ್ವಕಪ್ ಮಹಾಟೂರ್ನಿಯಲ್ಲಿ ನೇರ ಅರ್ಹತೆ ಪಡೆದುಕೊಂಡಿದೆ.
ಇದರ ಜತೆಗೆ ಆಸ್ಟ್ರೇಲಿಯಾ, ಇಂಗ್ಲೆಂಡ್ ಸಹ ನೇರ ಅರ್ಹತೆ ಪಡೆದುಕೊಂಡಿರುವ ಕಾರಣ ಮುಂದಿನ ಒಂದು ಸ್ಥಾನಕ್ಕಾಗಿ ಟೀಂ ಇಂಡಿಯಾ ಪೈಟ್ ನಡೆಸಬೇಕಾಗಿದೆ. ಇದೀಗ ಟೀಂ ಇಂಡಿಯಾ ಪಾಕಿಸ್ತಾನದೊಂದಿಗೆ ದ್ವಿಪಕ್ಷೀಯ ಸರಣಿ ಆಡಲು ನಿರಾಕರಣೆ ಮಾಡಿದ್ರೆ, 2021ರಲ್ಲಿ ನಡೆಯುವ ಏಕದಿನ ವಿಶ್ವಕಪ್ಗೆ ನೇರ ಅರ್ಹತೆ ಪಡೆದುಕೊಳ್ಳುವುದು ಡೌಟ್ ಆಗಲಿದೆ. ಐಸಿಸಿ ಚಾಂಪಿಯನ್ಶಿಪ್ ಪಟ್ಟಿಯಲ್ಲಿ 20 ಹಾಗೂ 16 ಅಂಕಗಳೊಂದಿಗೆ ಭಾರತ-ಪಾಕ್ ತಂಡ ಕ್ರಮವಾಗಿ 4 ಹಾಗೂ 5ನೇ ಕ್ರಮಾಂಕದಲ್ಲಿವೆ.
ಒಂದು ವೇಳೆ, ಪಾಕ್ ವಿರುದ್ಧ ಟೀಂ ಇಂಡಿಯಾ ಸರಣಿ ಆಡದಿದ್ದರೆ ಭಾರತದ ಖಾತೆಯಿಂದ 6 ಅಂಕ ಕಡಿತಗೊಂಡು ಪಾಕ್ ತಂಡಕ್ಕೆ ಹೋಗುವುದರಿಂದ ವಿಶ್ವಕಪ್ಗೆ ಟೀಂ ಇಂಡಿಯಾ ಮಹಿಳಾ ಪಡೆ ನೇರ ಅರ್ಹತೆ ಕಳೆದುಕೊಳ್ಳಲಿದೆ. ವಿಶ್ವಕಪ್ನಲ್ಲಿ ಆತಿಥೇಯ ನ್ಯೂಜಿಲ್ಯಾಂಡ್ ಜತೆ ಅಗ್ರ 4 ತಂಡಗಳಿಗೆ ಅವಕಾಶ ಸಿಗಲಿದೆ. ಈಗಾಗಲೇ ಅಗ್ರ 4ರಲ್ಲಿ ನ್ಯೂಜಿಲ್ಯಾಂಡ್ ತಂಡ ಸ್ಥಾನ ಪಡೆದುಕೊಂಡರೆ ಮತ್ತೊಂದು ತಂಡಕ್ಕೆ ನೇರ ಪ್ರವೇಶ ಸಿಗಲಿದೆ. ವಿಶ್ವಕಪ್ನಲ್ಲಿ ಒಟ್ಟು 8ತಂಡಗಳು ಪ್ರಶಸ್ತಿಗಾಗಿ ಫೈಟ್ ನಡೆಸಲಿವೆ.
ಹಾಲಿ ರನ್ನರ್ ಅಪ್ ಆಗಿರುವ ಭಾರತ ತಂಡ ಮುಂದಿನ ಸಲದ ವಿಶ್ವಕಪ್ನಲ್ಲಿ ನೇರ ಅರ್ಹತೆ ಪಡೆದುಕೊಳ್ಳದಿದ್ದರೆ, ಅರ್ಹತಾ ಪಂದ್ಯಗಳನ್ನಾಡಿ ವಿಶ್ವಕಪ್ನಲ್ಲಿ ಭಾಗಿಯಾಗಬೇಕಾದ ಅನಿವಾರ್ಯತೆ ನಿರ್ಮಾಣವಾಗಲಿದೆ.
