ದಂತೆವಾಡ: ಪೊಲೀಸರು ನಡೆಸಿದ ಕಾರ್ಯಾಚರಣೆಯಲ್ಲಿ ಓರ್ವ ಮಹಿಳಾ ನಕ್ಸಲ್ ಸೇರಿ ಇಬ್ಬರು ಮೃತಪಟ್ಟಿರುವ ಘಟನೆ ಚತ್ತೀಸ್ಗಢದ ದಂತೆವಾಡದಲ್ಲಿ ಇಂದು ಬೆಳಗ್ಗೆ ನಡೆದಿದೆ.
ಇಲ್ಲಿನ ಗುಮಿಯಾಪಾಲ್ ಗ್ರಾಮದ ಅರಣ್ಯಪ್ರದೇಶದಲ್ಲಿ ಬೆಳಗ್ಗೆ ಗುಂಡಿನ ಕಾಳಗ ನಡೆದಿದೆ. ಜಿಲ್ಲಾ ಮೀಸಲು ಪಡೆ ನಕ್ಸಲರ ಮೇಲೆ ಗುಂಡಿನ ದಾಳಿ ನಡೆಸಿ ಇಬ್ಬರನ್ನು ಮಟ್ಟ ಹಾಕಿದೆ ಎಂದು ದಂತೆವಾಡದ ಎಸ್ಪಿ ಅಭಿಷೇಕ್ ಪಲ್ಲಾವ ಮಾಹಿತಿ ನೀಡಿದ್ರು.
ಮೃತಪಟ್ಟ ನಕ್ಸಲರನ್ನು ದೇವ ಹಾಗೂ ಮಂಗ್ಲಿ ಎಂದು ಗುರ್ತಿಸಲಾಗಿದೆ. ಮಲಂಗಿರ್ ಪ್ರದೇಶದಲ್ಲಿ ನಕ್ಸಲ್ ಚಟುವಟಿಕೆ ನಡೆಸುತ್ತಿದ್ದ ಇವರನ್ನು ಹಿಡಿದುಕೊಟ್ಟವರಿಗೆ 5 ಲಕ್ಷ ನೀಡುವುದಾಗಿಯೂ ಪೊಲೀಸರು ಬಹುಮಾನ ಘೋಷಿಸಿದ್ದರು.
ಕಾರ್ಯಾಚರಣೆ ವೇಳೆ ಕೆಲ ನಕ್ಸಲರು ಕಾಡಿನೊಳಗೆ ಓಡಿಹೋದರು. ಸದ್ಯ ಇಬ್ಬರ ಮೃತದೇಹ ಹಾಗೂ ಗನ್ಗಳನ್ನು ವಶಕ್ಕೆ ಪಡೆಯಲಾಗಿದೆ. ಸಂಶಯದ ಮೇಲೆ ಕೋಸಿ ಎಂಬ ಮಹಿಳೆಯನ್ನು ಬಂಧಿಸಲಾಗಿದೆ ಎಂದರು.
