ರಾಜಸ್ಥಾನ ಕಾಂಗ್ರೆಸ್ ಶಾಸಕನ ಕುಟುಂಬದ 18 ಸದಸ್ಯರಿಗೆ ಕೊರೊನಾ!

ಕಾಂಗ್ರೆಸ್ ಶಾಸಕ ಗಿರಿರಾಜ್ ಸಿಂಗ್ ಮಾಲಿಂಗಾ ಅವರ ಕುಟುಂಬದ 18 ಮಂದಿ ಸದಸ್ಯರು ಕೊರೊನಾ ಸೋಂಕಿನಿಂದ ಬಳಲುತ್ತಿದ್ದಾರೆ.

ಜೈಪುರ (ರಾಜಸ್ಥಾನ): ಧೋಲ್‌ಪುರ ಜಿಲ್ಲೆಯ ಬಾರಿ ಕ್ಷೇತ್ರದ ಕಾಂಗ್ರೆಸ್ ಶಾಸಕ ಗಿರಿರಾಜ್ ಸಿಂಗ್ ಮಾಲಿಂಗಾ ಅವರ ಕುಟುಂಬದ 18 ಸದಸ್ಯರಿಗೆ ಕೊರೊನಾ ದೃಢಪಟ್ಟಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಶಾಸಕರ ಕುಟುಂಬದ ಎಲ್ಲಾ ಸೋಂಕಿತ ಸದಸ್ಯರು ಐಸೊಲೇಷನ್​ನಲ್ಲಿದ್ದು, ಇಬ್ಬರು ಸೋಂಕು ಮುಕ್ತರಾಗಿದ್ದಾರೆ. ಇನ್ನೂ 16 ಮಂದಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಧೋಲ್ಪುರದ ಪ್ರಧಾನ ವೈದ್ಯಕೀಯ ಅಧಿಕಾರಿ ಡಾ.ಶಿವದಯಾಳ್ ಮಂಗಲ್ ತಿಳಿಸಿದ್ದಾರೆ.

ರಾಜ್ಯದಲ್ಲಿ ಒಟ್ಟು 11,675 ಜನರು ಗುಣಮುಖರಾಗಿದ್ದು 2,966 ಸಕ್ರಿಯ ಪ್ರಕರಣಗಳಿವೆ. ಒಟ್ಟು 356 ಸೋಂಕಿತರು ಮೃತಪಟ್ಟಿದ್ದಾರೆ.