ಕೊಚ್ಚಿ( ಕೇರಳ): ಸಿಬಿಎಸ್ಇ 12 ನೇ ತರಗತಿ ಪರೀಕ್ಷೆಯ ವಾಣಿಜ್ಯ ವಿಭಾಗದಲ್ಲಿ ಅಗ್ರಸ್ಥಾನ ಪಡೆದಿದ್ದಕ್ಕಾಗಿ ಪ್ರಧಾನಿ ನರೇಂದ್ರ ಮೋದಿಯವರು ಭಾನುವಾರ ವಿನಾಯಕ್ ಎಂಬ ವಿದ್ಯಾರ್ಥಿಗೆ ಕರೆ ಮಾಡಿ ಅಭಿನಂದನೆ ಸಲ್ಲಿಸಿದ್ದಾರೆ.
ಪ್ರಧಾನಿ ಮಾಡಿದ ಕರೆ ಸ್ವೀಕರಿಸಿದ ವಿದ್ಯಾರ್ಥಿ ತೀವ್ರ ಖುಷಿ ವ್ಯಕ್ತಪಡಿಸಿದ್ದಾರೆ. ಈ ಕರೆ ಸ್ವೀಕರಿಸಿದಾಗ ತಾನು ಸ್ವರ್ಗದಲ್ಲಿ ತೆಲಾಡಿದ ಖುಷಿ ಅನುಭವಿಸಿದೆ ಎಂದು ವಿನಾಯಕ ಹೇಳಿಕೊಂಡಿದ್ದಾರೆ .
‘ಶಹಬ್ಬಾಸ್ ವಿನಾಯಕ ಶಬ್ಬಾಸ್.. ಹೇಗಿದೆ ಜೋಶ್’ ಎಂದು ಪ್ರಧಾನಿ ಕೇಳಿದರು ಎಂದು ದೈನಂದಿನ ಕೂಲಿ ಮಾಡುವ ವಿನಾಯಕನ ತಂದೆ ಹೇಳಿದ್ದಾರೆ.
ಎರ್ನಾಕುಲಂ ಮತ್ತು ಇಡುಕ್ಕಿ ಜಿಲ್ಲೆಗಳ ಗಡಿಯಲ್ಲಿರುವ ಹಳ್ಳಿಯವನಾದ ವಿನಾಯಕ್ಗೆ ಪ್ರಧಾನಿ ಕರೆ ಮಾಡಿದ್ದಾರೆ ಎನ್ನುವುದು ಗೊತ್ತಿರಲಿಲ್ಲ. ಅದು ತಿಳಿದ ಮೇಲೆ ಅವರು ತುಂಬಾ ಖುಷಿಯಾಗಿದ್ದರು. ಒಂದು ಕ್ಷಣ ಅಚ್ಚರಿಯಾದರೂ ಸಾವಳಿಸಿಕೊಂಡು ಮಾತನಾಡಿದೆ ಎಂದು ವಿದ್ಯಾರ್ಥಿ ಹೇಳಿಕೊಂಡಿದ್ದಾನೆ. ವಿನಾಯಕ್ ಜವಾಹರ್ ನವೋದಯ ಶಾಲೆಯಲ್ಲಿ ಓದಿ ದ್ವಿತೀಯ ಪಿಯುಸಿಯಲ್ಲಿ ಉತ್ತಮ ಸಾಧನೆ ಮಾಡಿದ್ದ.
ಪ್ರಧಾನಿ ನಿನ್ನೆ ತಮ್ಮ ಮನ್ಕಿ ಬಾತ್ ನಲ್ಲಿ ವಿದ್ಯಾರ್ಥಿಯ ಸಾಧನೆಯನ್ನ ಹೊಗಳಿದ್ದರು.
