ಅಸ್ಸೋಂ: 764 ಸೋಪ್ ಬಾಕ್ಸ್ಗಳಲ್ಲಿ ತುಂಬಿ ಅಕ್ರಮವಾಗಿ ಟ್ರಕ್ನಲ್ಲಿ ಸಾಗಿಸಲಾಗುತ್ತಿದ್ದ ಕೋಟ್ಯಂತರ ರೂಪಾಯಿ ಮೌಲ್ಯದ 9 ಕೆಜಿಗೂ ಅಧಿಕ ತೂಕದ ಹೆರಾಯಿನ್ ಅನ್ನು ಅಸ್ಸೋಂನಲ್ಲಿ ಇಂದು ವಶಪಡಿಸಿಕೊಂಡು, ಆರೋಪಿಯೊಬ್ಬನನ್ನು ಬಂಧಿಸಲಾಗಿದೆ.
ಟ್ರಕ್ನಲ್ಲಿ ಹೆರಾಯಿನ್ ಸಾಗಿಸಲಾಗುತ್ತಿದೆ ಎಂಬ ಮಾಹಿತಿಯ ಮೇರೆಗೆ ಜಂಟಿ ಕಾರ್ಯಾಚರಣೆಗಿಳಿದ ಮಿಜೋರಾಂನ 7 ನೇ ಬೆಟಾಲಿಯನ್, ಬಿಎಸ್ಎಫ್ ಮತ್ತು ಕರೀಮ್‌ಗಂಜ್‌ನ ಕ್ಯಾಚಾರ್ ಫ್ರಾಂಟಿಯರ್ ಪೊಲೀಸರು ಇಲ್ಲಿನ ನ್ಯೂ ಕರೀಂಗಂಜ್ ರೈಲ್ವೆ ನಿಲ್ದಾಣದ ಬಳಿಯ ರಾಷ್ಟ್ರೀಯ ಹೆದ್ದಾರಿ 37 ರಲ್ಲಿ ಟ್ರಕ್ ತಡೆದು ಪರಿಶೀಲಿಸಿದಾಗ ಡ್ರಗ್ಸ್ ಪತ್ತೆಯಾಗಿದೆ.
ಟ್ರಕ್ನಲ್ಲಿ 764 ಸೋಪ್ ಬಾಕ್ಸ್ಗಳಲ್ಲಿ ತುಂಬಿಡಲಾಗಿದ್ದ 9 ಕೆಜಿಗೂ ಅಧಿಕ ತೂಕದ ಹೆರಾಯಿನ್ ವಶಪಡಿಸಿಕೊಂಡಿದ್ದಲ್ಲದೇ, ಸಾಗಿಸುತ್ತಿದ್ದ ಒಬ್ಬ ಮಾದಕವಸ್ತು ವ್ಯಾಪಾರಿಯನ್ನೂ ಬಂಧಿಸಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ. ಇದು ಮಾರುಕಟ್ಟೆಯಲ್ಲಿ ಕೋಟ್ಯಂತರ ರೂಪಾಯಿ ಮೌಲ್ಯವುಳ್ಳದ್ದಾಗಿದ್ದು ಎಂದು ಅಂದಾಜಿಸಲಾಗಿದೆ.
ಓದಿ: ಶಿವಮೊಗ್ಗದಲ್ಲಿ ರೌಡಿಶೀಟರ್ಗಳ ಮಧ್ಯೆ ವೈಮನಸ್ಸು.. ಬರ್ತ್ಡೇ ಪಾರ್ಟಿಗೆ ಬಂದು ಸ್ನೇಹಿತನಿಗೆ ಚಾಕು ಇರಿದ ಭೂಪ!
