ಗುರುದಾಸ್‌ಪುರ (ಪಂಜಾಬ್) : ಎಎಸ್ಐ ಭೂಪಿಂದರ್ ಸಿಂಗ್ ಎಂಬವರು ಪತ್ನಿ ಬಲ್ಜಿತ್ ಕೌರ್ (40) ಮತ್ತು ಪುತ್ರ ಬಲ್‌ಪ್ರೀತ್ ಸಿಂಗ್ (19) ಎಂಬಿಬ್ಬರನ್ನು ಗುರುದಾಸ್ಪುರದ ಭುಂಬಲಿ ಗ್ರಾಮದಲ್ಲಿ ಗುಂಡಿಕ್ಕಿ ಕೊಂದಿದ್ದಾರೆ. ಇದಲ್ಲದೇ ಸಾಕು ನಾಯಿಗೂ ಗುಂಡು ಹಾರಿಸಿದ್ದಾರೆ. ಮಾಹಿತಿ ಪಡೆದು ಸ್ಥಳಕ್ಕೆ ಆಗಮಿಸಿದ ಎಸ್‌ಎಸ್‌ಪಿ ಗುರುದಾಸ್‌ಪುರ ತನಿಖೆ ಆರಂಭಿಸಿದ್ದಾರೆ.
ಈ ಬಗ್ಗೆ ಮಾಹಿತಿ ನೀಡಿದ ಗುರುದಾಸ್‌ಪುರ ಎಸ್‌ಎಸ್‌ಪಿ ಹರೀಶ್ ಕುಮಾರ್, ಮೃತದೇಹಗಳನ್ನು ವಶಕ್ಕೆ ಪಡೆದು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಆರೋಪಿಯನ್ನು ಬಂಧಿಸಲು ಪೊಲೀಸ್ ತಂಡ ಕಳುಹಿಸಲಾಗಿದೆ. ಆರೋಪಿ ತನ್ನ ಸರ್ವಿಸ್ ಗನ್ನಿಂದ ಪತ್ನಿ, ಮಗ ಹಾಗೂ ಸಾಕು ನಾಯಿಯನ್ನು ಕೊಂದಿದ್ದಾನೆ ಎಂದು ತಿಳಿಸಿದರು.
ಆರೋಪಿ ಭೂಪಿಂದರ್ ಸಿಂಗ್ ಪರಾರಿಯಾದ ಸುದ್ದಿ ಪಡೆದ ನಂತರ ಗುರುದಾಸ್‌ಪುರ ಎಸ್‌ಎಸ್‌ಪಿ ನಿರ್ದೇಶನದಂತೆ ಪೊಲೀಸರು ಎಎಸ್ಐ ಅವರ ಜಾಡು ಹಿಡಿದು ಪತ್ತೆ ಮಾಡಿ ಸುತ್ತುವರಿದು ಶರಣಾಗುವಂತೆ ಸೂಚಿಸಿದ್ದಾರೆ. ಈ ಸಂದರ್ಭದಲ್ಲಿ ಎಎಸ್ಐ ಸ್ಥಳದಲ್ಲೇ ಗುಂಡು ಹಾರಿಸಿಕೊಂಡು ಸಾವನ್ನಪ್ಪಿದರು ಎಂದು ತಿಳಿದುಬಂದಿದೆ.
ಇದನ್ನೂ ಓದಿ : ದೇಶದ 28 ಮೋಸ್ಟ್ ವಾಂಟೆಡ್ ದರೋಡೆಕೋರರ ಪಟ್ಟಿ ಸಿದ್ಧಪಡಿಸಿದ ಎನ್ಐಎ..
ಪತ್ನಿ, ಮಗನ ಕೊಲೆ: ಈ ಬಗ್ಗೆ ಮಾಹಿತಿ ನೀಡಿದ ಗ್ರಾಮದ ಸರಪಂಚ್ ಪರಮ್‌ಜಿತ್ ಸಿಂಗ್, ಗ್ರಾಮದಲ್ಲಿ ವಾಸವಿರುವ ಭೂಪಿಂದರ್ ಸಿಂಗ್ ಎಂಬಾತ ತನ್ನ ಪತ್ನಿ ಹಾಗೂ ಮಗನನ್ನು ಮನೆಯಲ್ಲಿಯೇ ಗನ್ನಿಂದ ಹತ್ಯೆಗೈದಿರುವ ಬಗ್ಗೆ ಮಾಹಿತಿ ಲಭಿಸಿದೆ. ಗುಂಡು ಹಾರಿಸಿ ಕೊಂದ ನಂತರ ತನ್ನ ಸಾಕು ನಾಯಿಯನ್ನೂ ಗುಂಡಿಕ್ಕಿ ಕೊಂದಿದ್ದಾನೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ : ಗಂಡು ಮಗುವಿಗೆ ಜನ್ಮ ನೀಡದ ಕಾರಣಕ್ಕೆ ಪತ್ನಿಗೆ ಚಿತ್ರಹಿಂಸೆ ಆರೋಪ: ವಕೀಲ ಅರೆಸ್ಟ್
ಇದನ್ನೂ ಓದಿ : ಸಿಕ್ಕಿಂನಲ್ಲಿ ಭಾರಿ ಹಿಮಪಾತ: 6 ಪ್ರವಾಸಿಗರ ಸಾವು, 80ಕ್ಕೂ ಹೆಚ್ಚು ಜನ ಸಿಲುಕಿರುವ ಶಂಕೆ
