ಗುವಾಹಟಿ(ಅಸ್ಸೋಂ): ಇಲ್ಲಿನ ಇಂಡೋ-ಭೂತಾನ್ ಗಡಿಯಲ್ಲಿ ಅಪಾರ ಪ್ರಮಾಣದ ಶಸ್ತ್ರಾಸ್ತ್ರ ಹಾಗೂ ಮದ್ದುಗುಂಡು ವಶಕ್ಕೆ ಪಡೆದುಕೊಳ್ಳುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ದಾರಂಗ್ ಹಾಗೂ ತಮುಲ್ಪುರ್ ಪೊಲೀಸರು ಪ್ರತ್ಯೇಕವಾಗಿ ಕಾರ್ಯಾಚರಣೆ ನಡೆಸಿ ಯಶಸ್ವಿಯಾಗಿದ್ದಾರೆ.
ದಾರಂಗ್ ಜಿಲ್ಲೆ ಪೊಲೀಸರು ನಡೆಸಿರುವ ಕಾರ್ಯಾಚರಣೆಯಲ್ಲಿ 8 ಜೋಡಿ ಸೇನಾ ಸಮವಸ್ತ್ರ ಹಾಗೂ ಮನೆಯಲ್ಲಿ ತಯಾರಿಸಿದ್ದ 5 ರೈಫಲ್ ವಶಕ್ಕೆ ಪಡೆದಿದ್ದಾರೆ. ಇವರ ಕಾರ್ಯಾಚರಣೆ ಮಂಗಲ್ಡೊಯ್ ಜಿಲ್ಲೆಯ ಚಾರ್ ಪ್ರದೇಶದಲ್ಲಿ ನಡೆದಿತ್ತು.
ಈ ವೇಳೆ ಪೊಲೀಸ್ ಸಮವಸ್ತ್ರ ಹಾಕಿಕೊಂಡಿದ್ದ ಇಬ್ಬರನ್ನ ವಶಕ್ಕೆ ಪಡೆದುಕೊಂಡಿದ್ದು, ಅವರನ್ನ ಹರುನುಲ್ ರಶೀದ್ ಮತ್ತು ಸಹರ್ ಅಲಿ ಎಂದು ಗುರುತಿಸಲಾಗಿದೆ.
ಇದನ್ನೂ ಓದಿ: ಕೋವಿಡ್ ಸೋಂಕಿಗೊಳಗಾಗಿದ್ದೀರಾ? ಹೆದರಬೇಡಿ, ಈ ಗೈಡ್ಲೈನ್ಸ್ ಪಾಲಿಸಿ ಗುಣಮುಖರಾಗಿ
ಮತ್ತೊಂದು ಕಾರ್ಯಾಚರಣೆ ವೇಳೆ ಶಾಂತಿಪುರ ದರಂಗಾ ಪ್ರದೇಶದಲ್ಲಿ ಅಪಾರ ಪ್ರಮಾಣದ ಶಸ್ತ್ರಾಸ್ತ್ರ ಪತ್ತೆಯಾಗಿವೆ. 10 ಕೈ ಗ್ರೆನೇಡ್, ಆರು 9 ಎಂಎಂ ಪಿಸ್ತೂಲ್ ಬುಲೆಟ್ಸ್, ಎಕೆ 47ನ ಒಂದು ಖಾಲಿ ಮ್ಯಾಗಜಿನ್, ಎಕೆ 47ನ 235 ಬುಲೆಟ್ಸ್, 9 ಲಿವರ್ಸ್(Levers) 3 ಡಿಟೋನೇಟರ್(detonators), ಹಾಗೂ ಒಂದು ರಿವಾಲ್ವರ್ ವಶಕ್ಕೆ ಪಡೆದುಕೊಳ್ಳಲಾಗಿದೆ. ಬಕ್ಸಾ ಜಿಲ್ಲೆಯ ತಮುಲ್ಪುರ್ನ ಇಂಡೋ-ಭೂತಾನ್ ಗಡಿಯಲ್ಲಿ ಈ ಕಾರ್ಯಾಚರಣೆ ನಡೆದಿದೆ.
ಈ ಕಾರ್ಯಾಚರಣೆಯ ನೇತೃತ್ವವನ್ನ ತಮುಲ್ಪುರ್ ಉಪವಿಭಾಗದ ಪೊಲೀಸ್ ಅಧಿಕಾರಿ ಅಸಿಮಾ ಕಾಲಿತಾ ಹಾಗೂ ಉಸ್ತುವಾರಿ ಪೊಲೀಸ್ ದ್ವಿಪೆನ್ ಕಾಲಿತಾ ವಹಿಸಿಕೊಂಡಿದ್ದರು. ಈ ವೇಳೆ ನಾಲ್ವರನ್ನು ಬಂಧಿಸಲಾಗಿದ್ದು, ಇವರನ್ನ ಬೆಥೆಲಾ ಮುಚಾರಿ, ಬಿಲಾಶ್ ಒವರಿ, ಸೋಮ್ಖೌರ್ ಮುಚಾರಿ ಹಾಗೂ ಕೀರ್ತಿ ರಾಜ್ ಬಸುಮಾಟರಿ ಎಂದು ಗುರುತಿಸಲಾಗಿದೆ.
