ಡೆಹ್ರಾಡೂನ್, ಉತ್ತರಾಖಂಡ: ಹಿಮಾಲಯದ ಮಡಿಲಲ್ಲಿರುವ ಉತ್ತರಾಖಂಡವನ್ನು ವಿನಾಕಾರಣ ದೇವರ ನಾಡು ಎನ್ನುವುದಿಲ್ಲ. ಇಲ್ಲಿನ ಪ್ರತಿ ಕಣದಲ್ಲೂ ದೇವರು ನೆಲೆಸಿದ್ದಾನೆ ಎಂಬ ಪ್ರತೀತಿ ಇದೆ. ಉತ್ತರಾಖಂಡವನ್ನು ಋಷಿಗಳ ವಾಸಸ್ಥಾನ ಎಂದೂ ಕರೆಯುತ್ತಾರೆ. ಈ ಕಾರಣಕ್ಕಾಗಿಯೇ ಉತ್ತರಕಾಂಡವನ್ನು ಎಲ್ಲ ವೇದಗಳು ಮತ್ತು ಪುರಾಣಗಳಲ್ಲಿ ತನ್ನದೇ ಆದ ರೀತಿಯಲ್ಲಿ ವಿವರಿಸಲಾಗಿದೆ. ಇಂದು ನಾವು ಉತ್ತರಾಖಂಡದಲ್ಲಿರುವ ವಿಶೇಷ ದೇವಾಲಯವೊಂದರ ಬಗ್ಗೆ ಮಾಹಿತಿ ನೀಡುತ್ತಿದ್ದೇವೆ.
ಪರ್ವತಗಳು ಮತ್ತು ಸುಂದರ ಹವಾಮಾನ: ಈಗ ಉತ್ತರಾಖಂಡದಲ್ಲಿ ಮಳೆಗಾಲ. ಹೀಗಾಗಿ ಇಲ್ಲಿ ಹಲವೆಡೆ ರಸ್ತೆಗಳು ಸಂಚಾರಕ್ಕೆ ಅನುಗುಣವಾರುವುದಿಲ್ಲ. ಗರ್ವಾಲ್ ಮತ್ತು ಕುಮಾನ್‌ನ ಹೆಚ್ಚಿನ ಭಾಗಗಳಲ್ಲಿ ಮಳೆಯಿಂದ ಜನರು ತೊಂದರೆ ಅನುಭವಿಸುತ್ತಿರುತ್ತಾರೆ. ಆದರೆ ಮಳೆಯಿಂದಾಗಿ ಪರ್ವತ ಹವಾಮಾನವು ಬಹಳ ಸುಂದರವಾಗಿ ಕಾಣುತ್ತಿರುತ್ತದೆ. ಈ ಪರ್ವತಗಳ ನಾಡಿನಲ್ಲಿ ವಿಶೇಷ ದೇವಸ್ಥಾನವಿದೆ. ಅಲ್ಲಿ ನ್ಯಾಯ ಪಡೆಯಲು ಆ ದೇವಸ್ಥಾನಕ್ಕೆ ಸಾವಿರಾರು ಭಕ್ತರು ತೆರಳುತ್ತಾರೆ.
ಅಲ್ಲಿಗೆ ತೆರಳಲು ನಮ್ಮ ಈಟಿವಿ ಭಾರತ ವರದಿಗಾರರ ಪ್ರಯಾಣ ಹರಿದ್ವಾರದ ತೇರೈ ಪ್ರದೇಶದಿಂದ ಪ್ರಾರಂಭವಾಯಿತು. ಇಲ್ಲಿಂದ ಸುಮಾರು 5 ಗಂಟೆಗಳ ಪ್ರಯಾಣದ ನಂತರ ನಾವು ಕುಮಾವ್ನ ದೊಡ್ಡ ನಗರವಾದ ಹಲ್ದ್ವಾನಿ ತಲುಪಿದೆವು. ಇಲ್ಲಿಗೆ ತಲುಪಲು ಲಖನೌ, ಮೊರಾದಾಬಾದ್ ರಾಷ್ಟ್ರೀಯ ಹೆದ್ದಾರಿಯಿಂದಲೂ ಬರಬಹುದು. ಹಲ್ದ್ವಾನಿ ತಲುಪಿದ ನಂತರ, ಮರುದಿನ ನಮ್ಮ ಮುಂದಿನ ಪ್ರಯಾಣವನ್ನು ಪ್ರಾರಂಭಿಸಿದೆವು. ಸುಂದರವಾದ ವಾತಾವರಣ ಮತ್ತು ಲಘು ತುಂತುರು ಮಳೆಯ ಜೊತೆಗೆ ಪರ್ವತಗಳಲ್ಲಿ ಮಂಜು ಸಹ ಇತ್ತು. ರೈಲು ಈಗ ಟೆರೈ ಪ್ರದೇಶದಿಂದ ಗುಡ್ಡಗಾಡು ಪ್ರದೇಶಕ್ಕೆ ಗಂಟೆಗೆ 30 ರಿಂದ 35 ಕಿಲೋಮೀಟರ್ ವೇಗದಲ್ಲಿ ಚಲಿಸಲು ಪ್ರಾರಂಭಿಸಿತು. ನಾವು ನೈನಿತಾಲ್ ಸುತ್ತಮುತ್ತಲಿನ ಸರೋವರವನ್ನು ನೋಡುತ್ತಿದ್ದೆವು. ನೌಕುಚಿಯಾತಾಲ್, ಭವಾಲಿ ಮೂಲಕ ನಾವು ಈಗ ನೈನಿತಾಲ್ ಜಿಲ್ಲೆಯನ್ನು ದಾಟಿ ಅಲ್ಮೋರಾ ಕಡೆಗೆ ಸಾಗುತ್ತಿದ್ದೆವು.
ನೀಬ್ ಕರೌಲಿ ಬಾಬಾ ದರ್ಶನ: ನಾವು ನೈನಿತಾಲ್‌ನಿಂದ ಸುಮಾರು 35 ಕಿಲೋಮೀಟರ್ ದೂರ ಸಾಗುತ್ತಿದ್ದಾಗ ದಾರಿಯಲ್ಲಿ ನೀಬ್ ಕರೌಲಿ ಬಾಬಾನ ದರ್ಶನದ ಭಾಗ್ಯ ಸಿಕ್ಕಿತು. ಬೆಳಗ್ಗೆ ಮೊದಲ ಆರತಿಯಲ್ಲಿ ಪಾಲ್ಗೊಂಡೆವು. ಸುಮಾರು 30 ನಿಮಿಷಗಳ ಬಳಿಕ ನಾವು ಮುಂದೆ ಸಾಗುವ ಯೋಜನೆ ಮಾಡಿದೆವು. ಬಾಬಾ ಆವರಣದಲ್ಲಿರುವ ವರ್ಣರಂಜಿತ ಅಂಗಡಿ ಮತ್ತು ಅದರಲ್ಲಿ ಮಾರಾಟ ಮಳಿಗೆಗಳಲ್ಲಿರುವ ಸರಕುಗಳು ನಮ್ಮ ಗಮನ ಸೆಳೆದವು. ಇದರಲ್ಲಿ ಪ್ರಸಾದ್, ಬಳೆಗಳು, ಹಾರ ಮತ್ತು ನೀಬ್ ಕರೌಲಿ ಬಾಬಾ ಅವರ ದೊಡ್ಡ ಚಿತ್ರಗಳು ಸೇರಿದ್ದವು. ಇದಲ್ಲದೇ ಕೆಲವು ಹೋಟೆಲ್‌ಗಳನ್ನೂ ನೋಡಿದೆವು. ಚಳಿಯ ವಾತಾವರಣ ಮತ್ತು ಪ್ರಯಾಣದ ಸಮಯದಲ್ಲಿ ನಾವು ಇಲ್ಲಿ ನಿಲ್ಲಿಸಿ ಚಹಾವನ್ನು ಸವಿದೆವು. ಇದರಿಂದಾಗಿ ನಾವು ರಿಫ್ರೆಶ್ ಆಗಿ ನಮ್ಮ ಮುಂದಿನ ಪ್ರಯಾಣಕ್ಕೆ ಹೊರಟೆವು.
ನ್ಯಾಯ ದೇವರ ಬಾಗಿಲ ಮುಂದೆ ನಾವು ಹಾಜರು: ಅಲ್ಲಿ ಮಳೆಯಿಂದ ಪರಿಸ್ಥಿತಿ ಹದಗೆಟ್ಟಿತ್ತು. ಅವುಗಳನ್ನು ಸುಧಾರಿಸಲು ಸರ್ಕಾರಿ ಯಂತ್ರಗಳು ನಿರತವಾಗಿದ್ದವು. ಗುಂಡಿಮಯ ರಸ್ತೆಗಳಲ್ಲಿ ಸಾಗುವಾಗ ಚಿತ್ತೈ ಗೋಳು ದೇವರ ದರ್ಶನ ಪಡೆಯಬೇಕೆಂಬ ಆಸೆ ಮನದಲ್ಲಿ ಮೂಡುತ್ತಿತ್ತು. ಸಾವಿರಾರು ಭಕ್ತರು ತಲುಪಲು ಬಯಸುವ ಆ ದೇವಸ್ಥಾನವನ್ನು ಆದಷ್ಟು ಬೇಗ ಭೇಟಿ ನೀಡಲು ನಾವು ಬಯಸಿದ್ದೇವೆ. ಆದ್ದರಿಂದ, ನಾವು ನಮ್ಮ ಪ್ರಯಾಣವನ್ನು ಪ್ರಾರಂಭಿಸಿದ್ದೇವೆ. ಪರ್ವತಗಳ ಮೂಲಕ ಹಾದುಹೋಗುವ ವಾಹನವು ಉತ್ತರಾಖಂಡವನ್ನು ದೇವಭೂಮಿ ಎಂದು ಏಕೆ ಕರೆಯುತ್ತಾರೆ ಎಂದು ತಿಳಿಯಿತು. ಏಕೆಂದರೆ ಪ್ರತಿ ಅರ್ಧ ಅಥವಾ 1 ಕಿಲೋಮೀಟರ್ ದೂರದಲ್ಲಿ ನಾವು ಕೆಲವು ಧಾರ್ಮಿಕ ಸ್ಥಳಗಳನ್ನು ನೋಡಬಹುದು. ಎತ್ತರದ ಪರ್ವತಗಳ ಮೇಲೆ ನಿರ್ಮಿಸಿದ ಮನೆಗಳು ಮತ್ತು ಮನೆಗಳಲ್ಲಿ ವಾಸಿಸುವ ಜನರು ಮತ್ತು ಅವರ ಜೀವನವು ಪರ್ವತಗಳ ಮೇಲೆ ವಾಸಿಸುವುದು ಎಷ್ಟು ಕಷ್ಟ ಎಂದು ಅರ್ಥವಾಯಿತು.
ಸುಮಾರು 2 ಗಂಟೆಗಳ ಪ್ರಯಾಣದ ನಂತರ, ನಮ್ಮ ಮುಂದೆ ಚಿತ್ತೈ ಗೋಳು ದೇವರ ದೇವಸ್ಥಾನವಿತ್ತು. ಕಾರಿನಿಂದ ಕೆಳಗಿಳಿದ ನಂತರ ಹತ್ತಿರದ ಅಂಗಡಿಗಳಲ್ಲಿ ಗಂಟೆಗಳು ತುಂಬಿದ್ದವು. ಚಿಕ್ಕ ಗಂಟೆಯಿಂದ ಹಿಡಿದು ದೊಡ್ಡ ಗಂಟೆಯವರೆಗೂ ಅಂಗಡಿಗಳಲ್ಲಿ ಕಾಣುತ್ತಿದ್ದವು. ಸ್ಥಳೀಯ ಜನರು ಕೂಡ ಭಕ್ತಿಯಲ್ಲಿ ಮುಳುಗಿದ್ದು ಕಂಡುಬಂತು. ಈ ದೇವಾಲಯದಲ್ಲಿ ನ್ಯಾಯಕ್ಕಾಗಿ ವಚನ ಪತ್ರಗಳು ಮತ್ತು ಗಂಟೆಗಳನ್ನು ಕಟ್ಟುವುದು ಇಲ್ಲಿನ ವಾಡಿಕೆಯೆಂದು ಸುತ್ತಮುತ್ತಲಿನ ಜನರು ನಮಗೆ ತಿಳಿಸಿದರು.
ದೇವಸ್ಥಾನದಲ್ಲಿ ಗಂಟೆ, ಪತ್ರಗಳ ರಾಶಿ: ಅಂಗಡಿಗಳಲ್ಲಿ 300 ರೂಪಾಯಿಯಿಂದ 30,000 ರೂಪಾಯಿವರೆಗಿನ ಗಂಟೆಗಳು ಕಂಡು ಬಂದವು. ನಾವು ದೇವಾಲಯದೊಳಗೆ ನಮ್ಮ ಮೊದಲ ಹೆಜ್ಜೆ ಇಟ್ಟ ತಕ್ಷಣ ನಮ್ಮ ಸುತ್ತಲಿನ ವಾತಾವರಣದಿಂದ ನಾವು ಆಶ್ಚರ್ಯಚಕಿತರಾಗಿದ್ದೇವೆ. ದೇವಸ್ಥಾನದಲ್ಲಿ ಎಲ್ಲೆಂದರಲ್ಲಿ ಗಂಟೆಗಳನ್ನು ನೋಡುತ್ತಿದ್ದೆವು. ದೇವಾಲಯದ ಗೋಡೆಗಳು, ಮರಗಳು, ದೇವಾಲಯದ ಗುಮ್ಮಟದ ಮೇಲೂ ಗಂಟೆಗಳು ಮತ್ತು ಪತ್ರಗಳನ್ನು ಕಟ್ಟಲಾಗಿತ್ತು.
ನಾವು ದೇವಾಲಯದ ಮುಖ್ಯ ಬಾಗಿಲಿನಿಂದ ಪ್ರವೇಶಿಸಿದಾಗ, ನಮ್ಮ ಮುಂದೆ ಕುದುರೆ ಸವಾರಿ ಮಾಡುವ ಗೋಳು ದೇವತಾ ವಿಗ್ರಹವಿತ್ತು. ಒಂದು ಕೈಯಲ್ಲಿ ಬಿಲ್ಲು ಮತ್ತು ಒಂದು ಕೈಯಲ್ಲಿ ಕುದುರೆಗಾಲು ಹಿಡಿದಿದ್ದ ದೇವರ ಮೂರ್ತಿ ಅದು ಆಗಿತ್ತು. ಇಲ್ಲಿಗೆ ಬರುವ ಭಕ್ತರ ವಚನ ಪತ್ರಗಳು ಮತ್ತು ಗಂಟೆಗಳು ಮೊದಲು ಈ ದೇವರ ಮುಂದೆ ಇಡಲಾಗುತ್ತದೆ. ಅದಾದ ನಂತರ ನಮ್ಮ ಕೈಗೆ ಪ್ರಸಾದ ಕೊಟ್ಟು, ಈಗ ಈ ಗಂಟೆಗಳನ್ನು ಮತ್ತು ಪತ್ರಗಳನ್ನು ಹೊರಗೆ ಕಟ್ಟಬಹುದು ಎಂದು ಅರ್ಚಕರು ಹೇಳುತ್ತಾರೆ. ನಾವು ತಂದ ಗಂಟೆಗಳು ಮತ್ತು ಪತ್ರಗಳನ್ನು ಗುಂಪಿನಲ್ಲಿ ಕಟ್ಟಿದೆವು ಎಂದು ನಮ್ಮ ವರದಿಗಾರರು ಹೇಳುತ್ತಾರೆ.
ದೇವಸ್ಥಾನಕ್ಕೆ ಸಂಬಂಧಿಸಿದ ನಂಬಿಕೆ ಏನು?: ದೇವಸ್ಥಾನವನ್ನು ತಲುಪಿದ ನಂತರ ದೇವಸ್ಥಾನದ ಬಗ್ಗೆ ಹಲವು ರೀತಿಯ ಕಥೆಗಳು ಪ್ರಚಲಿತದಲ್ಲಿವೆ ಎಂದು ತಿಳಿದು ಬಂದಿದೆ. ಈ ದೇವಾಲಯವನ್ನು ನ್ಯಾಯದ ದೇವರು ಎಂದೂ ಕರೆಯಲಾಗುತ್ತದೆ. ಜನರು ತಮ್ಮ ದೂರುಗಳನ್ನು ಪತ್ರದೊಂದಿಗೆ ಇಲ್ಲಿಗೆ ತರುತ್ತಾರೆ. ಹರಿಕೆ ಪೂರೈಸಿದ ಬಳಿಕ ಇಲ್ಲಿ ಗೋಳು ದೇವರಿಗೆ ಭಕ್ತರು ಗಂಟೆಯನ್ನು ಅರ್ಪಿಸುತ್ತಾರೆ. ಚಿಕ್ಕ ಮತ್ತು ದೊಡ್ಡ ಗಂಟೆಗಳ ಎಂಬುದು ಮುಖ್ಯವಲ್ಲ. ನಿಮ್ಮಲ್ಲಿರುವ ಭಕ್ತಿಯ ಅನುಗುಣವಾಗಿ ನೀವು ದೇವರಿಗೆ ಗಂಟೆಗಳನ್ನು ಕಟ್ಟಬಹುದು. ದೇವಸ್ಥಾನದಲ್ಲಿ ಹಾಜರಿದ್ದ ಅರ್ಚಕ ಸಂತೋಷ್ ಪಂತ್ ಮಾತನಾಡಿ, ಪ್ರತಿ ವರ್ಷ ದೇಶದ ವಿವಿಧ ಭಾಗಗಳಿಂದ ಜನರು ದರ್ಶನಕ್ಕಾಗಿ ಇಲ್ಲಿಗೆ ಬರುತ್ತಾರೆ. ಈ ದೇವಾಲಯವನ್ನು ಗಂಟೆಗಳಿರುವ ದೇವಾಲಯ ಎಂದೂ ಕರೆಯುತ್ತಾರೆ. ನವವಿವಾಹಿತರು ಕೂಡ ಈ ದೇವಸ್ಥಾನಕ್ಕೆ ಬಂದು ದರ್ಶನ ಪಡೆಯುತ್ತಾರೆ ಎಂದು ಹೇಳಿದರು.
ಗೋಳು ದೇವತಾ ಚಂದ್ ರಾಜ ಬಹದ್ದೂರ್ ಆಳ್ವಿಕೆಯಲ್ಲಿ ಸೇವೆಯಲ್ಲಿದ್ದ ಸೇನಾಪತಿಯಾಗಿದ್ದರು. ಹೋರಾಟದಲ್ಲಿ ಪ್ರಾಣ ತ್ಯಾಗ ಮಾಡಿದವರು. ಈ ಸ್ಥಳವನ್ನು ಅವರ ಗೌರವಾರ್ಥವಾಗಿ ಸ್ಥಾಪಿಸಲಾಯಿತು. 12 ನೇ ಶತಮಾನದಲ್ಲಿ ಚಂದ್ರವಂಶದವರು ಈ ದೇವಾಲಯವನ್ನು ನಿರ್ಮಿಸಿದರು. ಈ ದೇವಾಲಯವನ್ನು ಯಾವಾಗ ಮತ್ತು ಹೇಗೆ ನಿರ್ಮಿಸಲಾಯಿತು ಎಂಬುದಕ್ಕೆ ಇಂದಿಗೂ ಯಾರ ಬಳಿಯೂ ಪುರಾವೆಗಳಿಲ್ಲ. ಇದನ್ನು ನಿರ್ಮಿಸಿದವರ ಬಗ್ಗೆ ಅಧಿಕೃತ ಮಾಹಿತಿ ಇಲ್ಲ ಎಂದು ಪೂಜಾರಿ ಹೇಳಿದರು.
ಈ ದೇವಾಲಯವು 19 ನೇ ಶತಮಾನದಲ್ಲಿ ಪೂರ್ಣಗೊಂಡಿರಬೇಕು ಎಂದು ತೋರುತ್ತದೆ. ದೇವಾಲಯದಲ್ಲಿರುವ ಗೋಳು ದೇವನನ್ನು ಶಿವ ಮತ್ತು ವಿಷ್ಣುವಿನ ಅವತಾರವೆಂದು ಪರಿಗಣಿಸಲಾಗಿದೆ. ಇಷ್ಟು ದೊಡ್ಡ ಸಂಖ್ಯೆಯ ಭಕ್ತರು, ಪತ್ರಗಳು ಮತ್ತು ಗಂಟೆಗಳನ್ನು ನೋಡಿದಾಗ ಈ ಸ್ಥಳದಲ್ಲಿ ಯಾವುದೋ ಒಂದು ದೈವಿಕ ಶಕ್ತಿ ಖಂಡಿತವಾಗಿಯೂ ಇದೆ ಎಂಬುದು ಸ್ಪಷ್ಟವಾಗುತ್ತದೆ. ಈ ದೈವಿಕ ಶಕ್ತಿಯು ಇಲ್ಲಿಗೆ ಬರುವ ಪ್ರತಿಯೊಬ್ಬ ವ್ಯಕ್ತಿಯ ಇಷ್ಟಾರ್ಥಗಳನ್ನು ಪೂರೈಸುತ್ತದೆ. ಈ ದೇವಲಾಯವು ಭಕ್ತರಿಗೆ ನ್ಯಾಯವನ್ನು ಒದಗಿಸುವ ಕೆಲಸ ಮಾಡುತ್ತದೆ ಎಂಬ ಪ್ರತೀತಿ ಇದೆ.
ಓದಿ: ಬೇಡಿದವರಿಗೆ ಇಷ್ಟಾರ್ಥ ಕರುಣಿಸುವ ಮಹಿಮಾನ್ವಿತ ದೈವ: ನವಲಗುಂದ ರಾಮಲಿಂಗ ಕಾಮದೇವರು
