ನವದೆಹಲಿ: ಪ್ರೇಮಸೌಧ ತಾಜ್ಮಹಲ್ ಸೇರಿದಂತೆ ದೇಶಾದ್ಯಂತ ಇರುವ ಎಲ್ಲಾ ಸ್ಮಾರಕಗಳು, ಮ್ಯೂಸಿಯಂಗಳು ಬಾಗಿಲು ತೆರೆಯುವಂತಿಲ್ಲ ಎಂದು ಕೇಂದ್ರ ಸಂಸ್ಕೃತಿ ಇಲಾಖೆ ಅಡಿಯಲ್ಲಿ ಬರುವ ಭಾರತದ ಪುರಾತತ್ವ ಸಮೀಕ್ಷೆ (ಎಎಸ್ಐ) ಆದೇಶ ಹೊರಡಿಸಿದೆ.
ದೇಶದಲ್ಲಿ ಕೊರೊನಾ ಎರಡನೇ ಅಲೆಯ ಆರ್ಭಟ ತೀವ್ರವಾಗಿದ್ದ ಪರಿಣಾಮ ಮೇ 31ರ ವರೆಗೆ ಸ್ಮಾರಕಗಳನ್ನು ಮುಚ್ಚುವಂತೆ ಏಪ್ರಿಲ್ 15ರಂದು ಎಎಸ್ಐ ಸೂಚಿಸಿತ್ತು. ಅಂದಿನಿಂದ ತಾಜ್ಮಹಲ್, ಆಗ್ರಾ ಕೋಟೆ, ಫತೇಪುರ್ ಸಿಕ್ರಿ, ಕೆಂಪು ಕೋಟೆ, ಕುತುಬ್ ಮಿನಾರ್, ಹುಮಾಯೂನ್ ಸಮಾಧಿ, ಅಜಂತ-ಎಲ್ಲೋರಾ ಗುಹೆಗಳು ಸೇರಿದಂತೆ ಸಾವಿರಾರುಐತಿಹಾಸಿಕ ಸ್ಮಾರಕಗಳು, ಪುರಾತತ್ವ ಸ್ಥಳಗಳು ಮತ್ತು ವಸ್ತು ಸಂಗ್ರಹಾಲಯಗಳಿಗೆ ಪ್ರವಾಸಿಗರ ಪ್ರವೇಶ ನಿಷೇಧಿಸಲಾಗಿತ್ತು.
ಇದನ್ನೂ ಓದಿ: ಮಹಾರಾಷ್ಟ್ರದಲ್ಲಿ ಲಾಕ್ಡೌನ್ ವಿಸ್ತರಣೆ: ಪಾಸಿಟಿವಿಟಿ ದರ, ಆಕ್ಸಿಜನ್ ಬೆಡ್ ಆಧರಿಸಿ ನಿರ್ಬಂಧ ಸಡಿಲಿಕೆ
ಇದೀಗ ಈ ಅವಧಿಯನ್ನು ಜೂ.15ರ ವರೆಗೆ ವಿಸ್ತರಿಸಲಾಗಿದೆ ಎಂದು ಎಎಸ್ಐ ನಿರ್ದೇಶಕ ಡಾ.ಎನ್‌.ಕೆ.ಪಾಠಕ್ ತಿಳಿಸಿದ್ದಾರೆ. ಕೇಂದ್ರ ಸಂಸ್ಕೃತಿ ಇಲಾಖೆ ಅಡಿಯಲ್ಲಿ 3,693 ಸ್ಮಾರಕಗಳು ಹಾಗೂ 50 ಮ್ಯೂಸಿಯಂಗಳು ಬರಲಿವೆ. 2020ರಲ್ಲಿ ಕೂಡ ಮಾರ್ಚ್್ 17ರಿಂದ ಆರು ತಿಂಗಳ ಕಾಲ ಇವುಗಳನ್ನು ಮುಚ್ಚಲಾಗಿತ್ತು.
