ಕೋಟಾ(ರಾಜಸ್ಥಾನ): ಮದ್ಯಪಾನ ಮಾಡಿದ ಮಗನೊಬ್ಬ ಹೆತ್ತಮ್ಮನಿಗೆ ಕಾಡಿನಲ್ಲಿ ಬಿಟ್ಟು ಬಂದಿರುವ ಘಟನೆ ನಡೆದಿದ್ದು, ಹಸಿವು ಹಾಗೂ ಬಾಯಾರಿಕೆಯಿಂದ ಬಳಲುತ್ತಿದ್ದ ವೃದ್ಧೆಯನ್ನ ಗ್ರಾಮಸ್ಥರು ಕಾಪಾಡಿದ್ದಾರೆ.
ರಾಜಸ್ಥಾನದ ಕೋಟಾದ ಮುಕುಂದರ ಟೈಗರ್ ರಿಸರ್ವ್ನ ಕೋಲಾನಾ ಕಾಡಿನಲ್ಲಿ ವೃದ್ಧ ಮಹಿಳೆ ಹಸಿವು ಹಾಗೂ ಬಾಯಾರಿಕೆಯಿಂದ ಬಳಲುತ್ತಿದ್ದರು. ಆಕೆಯನ್ನ ಕಾಡಿನಲ್ಲಿ ಬಿಟ್ಟು ಬಂದಿರುವ ಮಾಹಿತಿ ಗೊತ್ತಾಗುತ್ತಿದ್ದಂತೆ ಅಲ್ಲಿಗೆ ತೆರಳಿರುವ ಗ್ರಾಮಸ್ಥರು ರಕ್ಷಣೆ ಮಾಡಿ, ಕುಟುಂಬದ ಸದಸ್ಯರಿಗೆ ಹಸ್ತಾಂತರ ಮಾಡಿದ್ದಾರೆ.
ಇದನ್ನೂ ಓದಿ: DRDO ಅಭಿವೃದ್ಧಿ ಪಡಿಸಿರುವ ಕೋವಿಡ್ ಲಸಿಕೆಯಲ್ಲಿ ಈ ಯುವ ವಿಜ್ಞಾನಿ ಪಾತ್ರ ಅನನ್ಯ
70 ವರ್ಷದ ವೃದ್ಧ ಮಹಿಳೆಯೊಬ್ಬರು ಎರಡು ದಿನಗಳಿಂದ ಕಾಡಿನಲ್ಲೇ ಕಳೆದಿದ್ದು, ತಿನ್ನಲು ಏನು ಸಿಗದೇ ತೊಂದರೆ ಅನುಭವಿಸಿದ್ದಾರೆ. ಈ ವೇಳೆ, ಅವರನ್ನ ಪ್ರಶ್ನೆ ಮಾಡಿದಾಗ ಮಗ ಈ ರೀತಿಯಾಗಿ ನಡೆದುಕೊಂಡಿದ್ದಾನೆಂದು ತಿಳಿಸಿದ್ದಾರೆ. ಕಾಡು ಪ್ರಾಣಿಗಳಿಂದ ತುಂಬಿರುವ ಈ ಕಾಡಿನಲ್ಲಿ ಜನರು ಹೋಗಲು ಹಿಂದೇಟು ಹಾಕುತ್ತಾರೆ. ಇದರ ಮಧ್ಯೆ ಮಹಿಳೆ ಎರಡು ದಿನ ಕಳೆದಿದ್ದು, ಆಕೆಯ ಮೇಲೆ ಯಾವುದೇ ಪ್ರಾಣ ದಾಳಿ ನಡೆಸಿಲ್ಲ. ಸದ್ಯ ಮಗನ ವಿರುದ್ಧ ಕ್ರಮ ಕೈಗೊಳ್ಳಲು ಗ್ರಾಮಸ್ಥರು ಮುಂದಾಗಿದ್ದಾರೆ.
