ರಾಂಚಿ(ಜಾರ್ಖಂಡ್) : ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಎಂ ಎಸ್ ಧೋನಿಗೆ ಜಗತ್ತಿನೆಲ್ಲೆಡೆ ಅಭಿಮಾನಿಗಳಿದ್ದಾರೆ. ಆದರೆ, ಹರಿಯಾಣದ ಅಜಯ್ಗಿಲ್ ಎಂಬಾತ ಮಾತ್ರ ಮಾಹಿ ಅಭಿಮಾನಿಗಳಲ್ಲಿ ಕೊಂಚ ವಿಭಿನ್ನ.
ಅಜಯ್ ಗಿಲ್ ಕನಸಿನಲ್ಲಿ ಬಂದಿದ್ದ ಟೀಂ ಇಂಡಿಯಾ ಮಾಜಿ ನಾಯಕ ಧೋನಿ, ರಾಂಚಿಗೆ ಆಹ್ವಾನಿಸಿದ್ದರಂತೆ. ಹಾಗಾಗಿ, ಕಾಲ್ನಡಿಗೆ ಮೂಲಕ ಹರಿಯಾಣದಿಂದ ರಾಂಚಿಗೆ ಬಂದಿದ್ದಾನೆ. ಧೋನಿ ಯಾವಾಗಲೂ ಅಜಯ್ ಗಿಲ್ ಕನಸಲ್ಲಿ ಬರ್ತಿದ್ದರಂತೆ.
ಕಳೆದ ಜುಲೈ 27ರ ರಾತ್ರಿ ಅವರ ಕನಸಲ್ಲಿ ಬಂದ ಎಂಎಸ್ಡಿ, ನೀನು ರಾಂಚಿಯಲ್ಲಿರುವ ಸುಂದರ ಸ್ಥಳವನ್ನು ನೋಡು ಎಂದು ಹೇಳಿದ್ರಂತೆ. ಹಾಗಾಗಿ, ಜುಲೈ 29ರಂದು ಅವರು ಕಾಲ್ನಡಿಗೆಯಲ್ಲಿ ರಾಂಚಿಗೆ ಹೊರಟಿದ್ದಾರೆ.
ನಿಶ್ಶಕ್ತಿ ಆದಲ್ಲಿ ಆತ, ಸ್ವಲ್ಪ ದೂರ ಕಾರಿನಲ್ಲೂ ಪ್ರಯಾಣಿಸಿದ್ದಾನೆ. ಅಜಯ್ ಒಂದು ಸಾವಿರ ಕಿ.ಮೀ. ಕ್ರಮಿಸಿ ರಾಂಚಿಯ ಸಿಮ್ಲಿಯಾದಲ್ಲಿರುವ ವೀರ ಫಾರ್ಮ್ ಹೌಸ್ ತಲುಪಿದ್ದಾನೆ.
ಇದನ್ನೂ ಓದಿ: IPL 2021: ದುಬೈಗೆ ಪ್ರಯಾಣ ಬೆಳೆಸಿದ ಧೋನಿ ನೇತೃತ್ವದ ಸಿಎಸ್ಕೆ ತಂಡ
ಆದರೆ, ಧೋನಿ ಚೆನ್ನೈನಲ್ಲಿದ್ದು, ರಾಂಚಿಗೆ ಬಂದು ನನ್ನ ಭೇಟಿಯಾಗುವವರೆಗೂ ನಾನು ಇಲ್ಲಿಯೇ ಇರುತ್ತೇನೆ ಎಂದು ಅಜಯ್ ಪಟ್ಟು ಹಿಡಿದಿದ್ದಾರೆ.
