ಶ್ರೀ ಗಂಗಾನಗರ್: ಇಲ್ಲಿನ ಹರ್ಮುಖ್ ಪೋಸ್ಟ್ ಗಡಿಯಿಂದ ಭಾರತದ ಒಳನುಗ್ಗಲು ಯತ್ನಿಸಿದ ನುಸುಳುಕೋರನ ಮೇಲೆ ಬಿಎಸ್ಎಫ್ ಸಿಬ್ಬಂದಿ ಗುಂಡಿನ ದಾಳಿ ಮಾಡಿ ಹೊಡೆದುರುಳಿಸಿದ್ದರು. ಪಾಕಿಸ್ತಾನ ಸೇನೆ ಜೊತೆ ಎರಡು ಸುತ್ತಿನ ಮಾತುಕತೆ ಬಳಿಕ ಬಿಎಸ್ಎಫ್ ನುಸುಳುಕೋರನ ಮೃತದೇಹವನ್ನು ಹಸ್ತಾಂತರಿಸಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಮೊದಲು ಮೃತದೇಹವನ್ನು ಸ್ವೀಕರಿಸಲು ಪಾಕಿಸ್ತಾನ ಸಿದ್ಧವಿರಲಿಲ್ಲ. ಬಳಿಕ ಪಾಕಿಸ್ತಾನದ ಸೇನೆ ಜೊತೆ ಬಿಎಸ್ಎಫ್ ಎರಡು ಸುತ್ತಿನ ಮಾತುಕತೆ ನಡೆಸಿದೆ. ಇದಾದ ನಂತರ ಮೃತದೇಹ ಸ್ವೀಕರಿಸಲು ಒಪ್ಪಿದರು ಎಂದು ಶ್ರೀ ಕರನ್ಪುರ್ ಪೊಲೀಸ್ ಠಾಣೆ ಎಸ್ಎಚ್ಒ ಬಲವಂತ್ ರಾಮ್ ತಿಳಿಸಿದ್ದಾರೆ.
ಪಾಕಿಸ್ತಾನಿ ಅಧಿಕಾರಿಗಳೊಂದಿಗೆ ಮಂಗಳವಾರ ಮತ್ತು ಫ್ಲಾಗ್ ಮೀಟಿಂಗ್ ನಡೆಸಲಾಯಿತು. ಮೂರನೇ ಸುತ್ತಿನ ಮಾತುಕತೆಯಲ್ಲಿ, ಅವರು ಮೃತದೇಹ ಪಡೆಯಲು ಒಪ್ಪಿದರು. ಅಗತ್ಯ ಔಪಚಾರಿಕತೆ ಬಳಿಕ ಅವರಿಗೆ ಮೃತದೇಹ ಹಸ್ತಾಂತರಿಸಲಾಗಿದೆ.
ಭಾನುವಾರ ರಾಜಸ್ಥಾನ ಜಿಲ್ಲೆಯ ಗಂಗಾನಗರ್ ಗ್ರಾಮದ ಮಜಿವಾಲಬಳಿಯ ಹರ್ಮುಖ ಅಂತಾರಾಷ್ಟ್ರೀಯ ಗಡಿಯಲ್ಲಿ ಬಿಎಸ್ಎಫ್ ಸಿಬ್ಬಂದಿ ಗಸ್ತು ತಿರುಗುವಾಗ ಅನುಮಾನಾಸ್ಪದ ಚಟುವಟಿಕೆ ಕಂಡು ಬಂದಿದೆ. ಈ ವೇಳೆ ನುಸುಳುಕೋರನಿಗೆ ನಿಲ್ಲುವಂತೆ ಸೂಚನೆ ನೀಡಲಾಗಿದೆ. ಆದರೆ, ಆತ ಮಾತು ಕೇಳದೇ ಶೂನ್ಯ ರೇಖೆ ದಾಟಿದ್ದಾನೆ.
ಈ ಹಿನ್ನೆಲೆ ಆತನ ಮೇಲೆ ದಾಳಿ ನಡೆಸಲಾಗಿದೆ. ಪರಿಶೀಲನೆ ನಡೆಸಿಸಿದಾಗ ಆತನ ಬಳಿ ಪಾಕಿಸ್ತಾನದ ನಗದು, ಸಿಗರೇಟ್, ಬೆಂಕಿಪೊಟ್ಟಣ, ಹಗ್ಗಗಳು ಪತ್ತೆಯಾಗಿವೆ. ಈತ ಪಾಕಿಸ್ತಾನದ ಬಜವಲ್ನಗರದ ನಿವಾಸಿಯಾಗಿದ್ದು, ವಿಶೇಷ ಚೇತನ ವ್ಯಕ್ತಿಯಾಗಿದ್ದಾನೆ ಎಂದು ಎಸ್ಎಚ್ಒ ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ: ಜಮ್ಮುಕಾಶ್ಮೀರ: ಅನಂತ್‌ನಾಗ್‌ನಲ್ಲಿ ಹೈಬ್ರಿಡ್ ಉಗ್ರನ ಹತ್ಯೆಗೈದ ಭದ್ರತಾ ಪಡೆ
