ಕೊರೊನಾ ಹೇಗೆ ಹರಡುತ್ತೆ ಗೊತ್ತಾ?... ಮಹತ್ವದ ಮಾಹಿತಿ ಹೊರಹಾಕಿದ ಭಾರತ ಸರ್ಕಾರ

ಮಹಾಮಾರಿ ಕೊರೊನಾ ಸೋಂಕಿನಿಂದಾಗಿ ಅನೇಕರು ತಮ್ಮ ಪ್ರಾಣ ಕಳೆದುಕೊಳ್ಳುತ್ತಿದ್ದು, ಇಷ್ಟು ವೇಗವಾಗಿ ಕೋವಿಡ್ ಹರಡುತ್ತಿರುವುದು ಹೇಗೆ ಎಂಬುದರ ಬಗ್ಗೆ ಕೇಂದ್ರ ಸರ್ಕಾರ ಮಾಹಿತಿ ನೀಡಿದೆ.

ನವದೆಹಲಿ: ದೇಶದಲ್ಲಿ ಎರಡನೇ ಹಂತದ ಕೋವಿಡ್​ ಅಲೆ ಜೋರಾಗಿದೆ. ಕಳೆದ ಕೆಲ ತಿಂಗಳಿಂದ ನಿಯಂತ್ರಣಕ್ಕೆ ಸಿಗದ ರೀತಿಯಲ್ಲಿ ಹರಡುತ್ತಿದ್ದು, ಅನೇಕ ಮುನ್ನೆಚ್ಚರಿಕೆ ಕ್ರಮ ಕೈಗೊಂಡಿದ್ದರೂ ಹತೋಟಿಗೆ ಬರುತ್ತಿಲ್ಲ. ಡೆಡ್ಲಿ ವೈರಸ್​ ಒಬ್ಬರಿಂದ ಮತ್ತೊಬ್ಬರಿಗೆ ಹೇಗೆ ಹರಡುತ್ತದೆ ಎಂಬುದಕ್ಕೆ ಸಂಬಂಧಿಸಿದಂತೆ ಇದೀಗ ಕೇಂದ್ರ ಸರ್ಕಾರ ಮಹತ್ವದ ಮಾಹಿತಿ ಹಂಚಿಕೊಂಡಿದೆ.

ಕೇಂದ್ರ ಸರ್ಕಾರದ ಪ್ರಧಾನ ವೈಜ್ಞಾನಿಕ ಸಲಹೆಗಾರ ಕೆ. ವಿಜಯರಾಘವನ್​​ ಈ ಮಾಹಿತಿ ಹೊರಹಾಕಿದ್ದಾರೆ. ಕೋವಿಡ್​ ಲಕ್ಷಣ ರಹಿತ(ಪಾಸಿಟಿವ್​ ರೋಗಿ) ವ್ಯಕ್ತಿಯಿಂದ ವೈರಾಣು ಸುತ್ತಮುತ್ತಲಿನ ಅನೇಕರಿಗೆ ಹರಡುವ ಸಾಧ್ಯತೆ ದಟ್ಟವಾಗಿರುತ್ತದೆ ಎಂದು ಅವರು ತಿಳಿಸಿದ್ದು, ಬಾಯಿ ಹಾಗೂ ಮೂಗಿನಿಂದ ಹೊರಬರುವ ಹನಿಗಳಿಂದ(ಲಾಲಾರಸ) ಈ ಸೋಂಕು ತಗುಲುವ ಸಾಧ್ಯತೆ ಇದೆ ಎಂದಿದ್ದಾರೆ. ಪ್ರಮುಖವಾಗಿ ಮನೆಯೊಳಗೆ ಅಥವಾ ನಿರ್ದಿಷ್ಟ ಪ್ರದೇಶದಲ್ಲಿ ಇದು ಹೆಚ್ಚಾಗಿ ಹರಡುವ ಸಾಧ್ಯತೆ ಇರುತ್ತದೆ ಎಂದಿದ್ದಾರೆ.

• Aerosols and droplets are the key transmission mode of the virus. Aerosols can be carried in the air up to 10 meters: Office of Principal Scientific Adviser to GoI

  — ANI (@ANI) May 20, 2021 " class="align-text-top noRightClick twitterSection" data="

  Aerosols and droplets are the key transmission mode of the virus. Aerosols can be carried in the air up to 10 meters: Office of Principal Scientific Adviser to GoI

  — ANI (@ANI) May 20, 2021

  ">

  Aerosols and droplets are the key transmission mode of the virus. Aerosols can be carried in the air up to 10 meters: Office of Principal Scientific Adviser to GoI

  — ANI (@ANI) May 20, 2021

ಕೋವಿಡ್ ಸೋಂಕಿತ ವ್ಯಕ್ತಿಯ ಬಾಯಿ ಅಥವಾ ಮೂಗಿನಿಂದ ಹೊರಬೀಳುವ ವೈರಾಣುಗಳು 10 ಮೀಟರ್​​ವರೆಗೆ ಸೋಂಕು ತಗುಲಿಸಬಹುದು. ಆದರೆ, ಈ ವೈರಸ್​ ವ್ಯಕ್ತಿಯ ದೇಹದೊಳಗೆ ಹೋದ ಬಳಿಕ ಲಕ್ಷಣಗಳು ಕಾಣಿಸಿಕೊಳ್ಳಲು ಸುಮಾರು ಎರಡು ವಾರಗಳ ಸಮಯವಿರುತ್ತದೆ ಎಂದಿದ್ದಾರೆ. ಇದರ ನಡುವೆ ಆ ವ್ಯಕ್ತಿಯಿಂದ ಮತ್ತಷ್ಟು ಜನರಿಗೆ ಸೋಂಕು ತಗುಲುವ ಸಾಧ್ಯತೆ ದಟ್ಟವಾಗಿರುತ್ತದೆ ಎಂದು ತಿಳಿಸಿದೆ.

ಕೋವಿಡ್​ ಲಕ್ಷಣ ರಹಿತ ವ್ಯಕ್ತಿ ಟೆಸ್ಟ್​ ಮಾಡಿಸಲು ಮುಂದಾಗುತ್ತಿದ್ದಂತೆ ಆತ ಪ್ರತ್ಯೇಕವಾಗಿ ವಾಸ ಮಾಡುವುದು ಅನಿವಾರ್ಯವಾಗಿದೆ. ವರದಿ ಬರುವವರೆಗೂ ಆತ ಕುಟುಂಬದ ಸದಸ್ಯರೊಂದಿಗೆ ಇದ್ದರೆ ಈ ವೇಳೆ ಸೋಂಕು ಇತರರಿಗೂ ಹಬ್ಬುವ ಸಾಧ್ಯತೆ ಇದೆ ಎಂದಿದೆ.

ಕೋವಿಡ್ ಸೋಂಕು ಕಂಡು ಬಂದಿರುವ ವ್ಯಕ್ತಿ ಮನೆಯಲ್ಲಿ ಐಸೋಲೇಷನ್​ ಆಗಿದ್ದರೆ ಎರಡು ಲೇಯರ್ ಮಾಸ್ಕ್​ ಅಥವಾ ಎನ್​​ 95 ಮಾಸ್ಕ್​​ ಧರಿಸಬೇಕು ಎಂದು ಕೇಂದ್ರ ತಿಳಿಸಿದೆ. ಇತರರೊಂದಿಗೆ ಮಾತನಾಡುವ ಸಂದರ್ಭದಲ್ಲಿ ಸಾಮಾಜಿಕ ಅಂತರ ಅಗತ್ಯವಾಗಿದ್ದು, ಈ ವೇಳೆ ಎಲ್ಲ ರೀತಿಯ ಕೋವಿಡ್ ಮುಂಜಾಗ್ರತಾ ಕ್ರಮ ಕೈಗೊಳ್ಳಬೇಕು ಎಂದು ತಿಳಿಸಿದೆ. ದೇಹಕ್ಕೆ ಉತ್ತಮ ಗಾಳಿ ಸಿಗುವಂತೆ ನೋಡಿಕೊಳ್ಳಿ ಎಂದು ಅವರು ಮಾಹಿತಿ ನೀಡಿದ್ದಾರೆ.

ಕೈಗೊಳ್ಳಬೇಕಾದ ಕ್ರಮಗಳು ಇಂತಿವೆ

• ಕೋವಿಡ್ ಲಕ್ಷಣ ಕಂಡು ಬಂದ ತಕ್ಷಣವೇ ಪರೀಕ್ಷೆ ಮಾಡಿಸುವುದು
• ಪರೀಕ್ಷೆಗೊಳಗಾಗಿ ರಿಪೋರ್ಟ್​ ಬರುವವರೆಗೂ ಬೇರೆ ಕಡೆ ವಾಸ
• ಮಾಸ್ಕ್​ ಹಾಕಿಕೊಳ್ಳುವುದು ಕಡ್ಡಾಯ
• ಹೋಂ ಐಸೋಲೇಷನ್​ ಅಥವಾ ಸೋಂಕಿತ ವ್ಯಕ್ತಿಯನ್ನ ಬೇರ್ಪಡಿಸುವುದು
• ಶಾರೀರಿಕ ಅಂತರ ಕಾಯ್ದುಕೊಳ್ಳುವುದು, ಉತ್ತಮ ಗಾಳಿ, ಬೆಳಕು ಬರುವಂತೆ ನೋಡಿಕೊಳ್ಳಬೇಕು