ಅಹಮದಾಬಾದ್ (ಗುಜರಾತ್): ಅದಾನಿ ಟೋಟಲ್ ಗ್ಯಾಸ್ ಲಿಮಿಟೆಡ್ (ATGL) ಕಂಪ್ರೆಸ್ಡ್ ನ್ಯಾಚುರಲ್ ಗ್ಯಾಸ್ (ಸಿಎನ್‌ಜಿ) ಬೆಲೆಯನ್ನು ಕೆ.ಜಿಗೆ ರೂ.8.13 ಮತ್ತು ಪೈಪ್ಡ್ ಅಡುಗೆ ಅನಿಲ (ಪಿಎನ್‌ಜಿ) ಬೆಲೆಯನ್ನು ರೂ 5.06 ವರೆಗೆ ಕಡಿತಗೊಳಿಸಿದೆ. ನೈಸರ್ಗಿಕ ಅನಿಲದ ದರ ನಿಗದಿಗೆ ಹೊಸ ಮಾನದಂಡ ನಿಗದಿಪಡಿಸಲು ಕೇಂದ್ರ ಸಚಿವ ಸಂಪುಟ ಒಪ್ಪಿಗೆ ನೀಡಿದೆ. ಅದಾನಿ ಟೋಟಲ್ ಗ್ಯಾಸ್ ಲಿಮಿಟೆಡ್ (ATGL) ಭಾರತ ಸರ್ಕಾರದ ಈ ಮಹತ್ವದ ನಿರ್ಧಾರವನ್ನು ಸ್ವಾಗತಿಸಿದೆ. ಈ ಬೆಳವಣಿಗೆಯಿಂದ ಮನೆಗಳಲ್ಲಿ ಬಳಕೆಯಾಗುವ ಪಿಎನ್‌ಜಿ ಮತ್ತು ವಾಹನಗಳಿಗೆ ಬಳಕೆಯಾಗುವ ಸಿಎನ್‌ಜಿ ಬೆಲೆ ಕಡಿಮೆ ಮಾಡಲಾಗಿದೆ ಎಂದು ಅದಾನಿ ಟೋಟಲ್ ಗ್ಯಾಸ್ ಲಿಮಿಟೆಡ್ (ATGL) ತನ್ನ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಗ್ರಾಹಕರಿಗೆ ಆದ್ಯತೆ ನೀಡುವ ನಮ್ಮ ನೀತಿಗೆ ಅನುಗುಣವಾಗಿ ಭಾರತ ಸರ್ಕಾರವು ಘೋಷಿಸಿದ ಹೊಸ ಗ್ಯಾಸ್ ಬೆಲೆ ಮಾರ್ಗಸೂಚಿಗಳ ಪ್ರಯೋಜನವನ್ನು ಹೆಚ್ಚಿನ ಸಂಖ್ಯೆಯ ಪಿಎನ್‌ಜಿ ಮತ್ತು ಸಿಎನ್‌ಜಿ ಗ್ರಾಹಕರಿಗೆ ನೀಡಲು ರವಾನಿಸಲು ಅದಾನಿ ಟೋಟಲ್ ಗ್ಯಾಸ್ ಲಿಮಿಟೆಡ್ ನಿರ್ಧರಿಸಿದೆ. ಪೆಟ್ರೋಲ್ ಬೆಲೆಗಳಿಗೆ ಹೋಲಿಸಿದರೆ ಸಿಎನ್‌ಜಿ ಗ್ರಾಹಕರಿಗೆ ಶೇ 40 ಕ್ಕಿಂತ ಹೆಚ್ಚು ಉಳಿತಾಯ ಮತ್ತು ಎಲ್‌ಪಿಜಿ ಬೆಲೆಗಳಿಗೆ ಹೋಲಿಸಿದರೆ ಪಿಎನ್‌ಜಿ ಗ್ರಾಹಕರಿಗೆ ಸುಮಾರು ಶೇ 15 ರಷ್ಟು ಉಳಿತಾಯವಾಗಿದೆ" ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.
"ಇಂದು ಮಧ್ಯರಾತ್ರಿಯಿಂದ(ಏ.8) ಹೊಸ ದರ ಜಾರಿಗೆ ಬರಲಿದೆ. ATGL ಪ್ರತಿ ಕೆಜಿಗೆ ಸಿಎನ್‌ಜಿ ಬೆಲೆಯಲ್ಲಿ 8.13 ರೂ.ವರೆಗೆ ಮತ್ತು ಪಿಎನ್‌ಜಿಯ ಬೆಲೆ ಪ್ರತಿ ಎಸ್‌ಸಿಎಂಗೆ ರೂ. 5.06 ವರೆಗೆ ಇಳಿಕೆ ಮಾಡಿದೆ. ನಮ್ಮ ವಿವಿಧ ಭೌಗೋಳಿಕ ಪ್ರದೇಶಗಳಲ್ಲಿ (ಜಿಎಗಳು) ಸಿಎನ್‌ಜಿ ಮತ್ತು ಪಿಎನ್‌ಜಿಯಲ್ಲಿ ಗ್ಯಾಸ್ ಬೆಲೆಗಳ ಕಡಿತ ಲಗತ್ತಿಸಲಾದ ಕೋಷ್ಟಕದಲ್ಲಿ ಒದಗಿಸಲಾಗಿದೆ ಎಂದು ಅದಾನಿ ಟೋಟಲ್ ಗ್ಯಾಸ್ ಲಿಮಿಟೆಡ್ ತಿಳಿಸಿದೆ.
"ಸಿಎನ್‌ಜಿ ಮತ್ತು ಪಿಎನ್‌ಜಿ ಬೆಲೆಗಳಲ್ಲಿ ಗಣನೀಯ ಪ್ರಮಾಣದ ಕಡಿತವು ದೇಶದಲ್ಲಿ ಮತ್ತು ATGL GAಗಳಲ್ಲಿ ಸಿಎನ್‌ಜಿ ಮತ್ತು ಪಿಎನ್‌ಜಿ ಎರಡರ ಹೆಚ್ಚಿನ ಸಂಖ್ಯೆಯ ಬಳಕೆದಾರರಿಗೆ ಹೆಚ್ಚು ಅಗತ್ಯವಿರುವ ಪರಿಹಾರವನ್ನು ನೀಡಿದೆ. ಹೊಸ ಗ್ಯಾಸ್ ಬೆಲೆ ಮಾರ್ಗಸೂಚಿಗಳ ಪರಿಣಾಮವಾಗಿ ಸಿಎನ್‌ಜಿ ಮತ್ತು ಪಿಎನ್‌ಜಿ ಬೆಲೆಗಳಲ್ಲಿ ಕಡಿತದ ಜೊತೆಗೆ, ATGL ಸಹ ನಮ್ಮ ಕೈಗಾರಿಕೆ ಮತ್ತು ವಾಣಿಜ್ಯ ಗ್ರಾಹಕರಿಗೆ ಪಿಎನ್‌ಜಿ ಬೆಲೆಗಳನ್ನು ಪ್ರತಿ scm ಗೆ 3.0 ರೂ.ಗಳಷ್ಟು ತನ್ನ ಭೌಗೋಳಿಕ ಪ್ರದೇಶಗಳಿಗೆ ಕಡಿತವನ್ನು ಘೋಷಿಸಲು ಸಂತೋಷವಾಗಿದೆ. ಇದು ನಮ್ಮ ಕೈಗಾರಿಕಾ ಮತ್ತು ವಾಣಿಜ್ಯ ಗ್ರಾಹಕರು ಹೆಚ್ಚಿನ ಪ್ರಮಾಣದ ನೈಸರ್ಗಿಕ ಅನಿಲ ಬಳಸಲು ಅನುವು ಮಾಡಿಕೊಡುತ್ತದೆ. ಹೀಗಾಗಿ ಪರಿಸರಕ್ಕೆ ಕೊಡುಗೆ ನೀಡುವುದಲ್ಲದೇ ಅವರ ಉತ್ಪನ್ನ ವೆಚ್ಚವನ್ನು ಕಡಿಮೆಗೊಳಿಸುತ್ತದೆ" ಎಂದು ಅದು ಹೇಳಿದೆ.
ಅದಾನಿ ಟೋಟಲ್ ಗ್ಯಾಸ್ ಲಿಮಿಟೆಡ್ ಅತಿದೊಡ್ಡ CGD(City Gas Distribution) ಖಾಸಗಿ ಪಟ್ಟಿಯಲ್ಲಿರುವ ಕಂಪನಿಗಳಲ್ಲಿ ಒಂದಾಗಿದೆ. ಪ್ರಸ್ತುತ 7 ಲಕ್ಷ ದೇಶೀಯ, 4,000 ವಾಣಿಜ್ಯ, 2,000 ಕೈಗಾರಿಕಾ ಗ್ರಾಹಕರು ಮತ್ತು ಭಾರತದಲ್ಲಿನ 460 ಸಿಎನ್‌ಜಿ ಕೇಂದ್ರಗಳಲ್ಲಿ ಮೂರು ಲಕ್ಷ ಸಿಎನ್‌ಜಿ ಬಳಕೆದಾರರಿಗೆ ಸಿಎನ್‌ಜಿ ಮತ್ತು ಪಿಎನ್‌ಜಿ ಅನ್ನು ಪೂರೈಸುತ್ತಿದೆ.
ಇದನ್ನೂ ಓದಿ: UPI ಮೂಲಕವೇ ಸಿಗಲಿದೆ ಸಾಲ: ಬ್ಯಾಂಕ್ಗಳಿಗೆ RBI ಅನುಮತಿ
