ಮೂನ್(ನಾಗಾಲ್ಯಂಡ್): ಬಂಧಿತ ಪ್ರಣಬ್ ಕುಮಾರ್ ಬಿಡುಗಡೆಯಾದ 48 ಗಂಟೆಗಳ ನಂತರ ಯುನೈಟೆಡ್ ಲಿಬರೇಶನ್ ಫ್ರಂಟ್ ಆಫ್ ಅಸ್ಸೋಂ ಬಣ ಕ್ವಿಪ್ಪೊ ಅಧಿಕಾರಿ ರಾಮ್ ಕುಮಾರ್ ಅವರನ್ನ ಬಿಡುಗಡೆ ಮಾಡಿದೆ.
ಉಲ್ಫಾ ಬಣದಿಂದ ಅಪಹರಿಸಲ್ಪಟ್ಟಿದ್ದ ಬಿಹಾರದ ಕ್ವಿಪ್ಪೊ ಅಧಿಕಾರಿ ರಾಮ್ ಕುಮಾರ್ ಇಂದು ಬಿಡುಗಡೆಯಾಗಿದ್ದು, 3.5 ತಿಂಗಳ ಸೆರೆವಾಸದ ನಂತರ ಉಗ್ರರು ಭಾರತ-ಮ್ಯಾನ್ಮಾರ್ ಗಡಿಯಲ್ಲಿ ಇವರನ್ನ ಬಿಡುಗಡೆ ಮಾಡಿದ್ದಾರೆ.
ಇದನ್ನೂ ಓದಿ: ಬಿಜಾಪುರ ನಕ್ಸಲ್ ಅಟ್ಯಾಕ್: ಭೀಕರ ದಾಳಿಯ ಮಾಹಿತಿ ಎಳೆ ಎಳೆಯಾಗಿ ಬಿಚ್ಚಿಟ್ಟ ಗಾಯಾಳು ಯೋಧರು
ನಾಗಾಲ್ಯಾಂಡ್ನ ಮೂನ್ ಜಿಲ್ಲೆಯ 35ನೇ ಅಸ್ಸೋಂ ರೈಫಲ್ಸ್ ವಶದಲ್ಲಿದ್ದು, ಸುದ್ದಿಗಾರರೊಂದಿಗೆ ಮಾತನಾಡಿದ್ದಾರೆ. ಬಂಧನದ ಬಳಿಕ ಮಾನಸಿಕವಾಗಿ ಸ್ವಲ್ಪ ತೊಂದರೆಗೊಳಗಾಗಿದ್ದು, ಆದಷ್ಟು ಬೇಗ ಮನೆಗೆ ತಲುಪಲಿದ್ದೇನೆ ಎಂದಿದ್ದಾರೆ. ವಿಶೇಷವೆಂದರೆ ಅಸ್ಸೋಂನ ಪ್ರಣಬ್ ಕುಮಾರ್ ಗೊಗೊಯ್ ಮತ್ತು ಬಿಹಾರದ ರಾಮ್ ಕುಮಾರ್ ಕಳೆದ ವರ್ಷ ಡಿಸೆಂಬರ್ 21ರಂದು ಅರುಣಾಚಲ ಪ್ರದೇಶದ ಚಾಂಗ್ಲಾಂಗ್ ಡಿಯನ್ ಪ್ರದೇಶದಿಂದ ಅಪಹರಿಸಲ್ಪಟ್ಟಿದ್ದರು.
ರಾಮ್ ಕುಮಾರ್ ರೇಡಿಯೋ ಆಪರೇಟರ್ ಹಾಗೂ ಪ್ರಣಬ್ ಕುಮಾರ್ ಡ್ರಿಲ್ಲಿಂಗ್ ಅಧೀಕ್ಷಕರಾಗಿದ್ದರು.
