ಒಂದಲ್ಲ, ಹತ್ತು ಮೊಟ್ಟೆ ನುಂಗಿದ ಹಾವು... ಒದ್ದಾಡಿ, ಒದ್ದಾಡಿ ಒಂದೊಂದಾಗಿ ವಾಂತಿ ಮಾಡ್ತು!

10 ಕೋಳಿ ಮೊಟ್ಟೆ ನುಂಗಿರುವ ಹಾವುವೊಂದು ತದನಂತರ ಅವುಗಳನ್ನ ಒಂದೊಂದಾಗಿ ಹೊರಹಾಕಿರುವ ಘಟನೆ ಚಂದ್ರಾಪುರದಲ್ಲಿ ನಡೆದಿದೆ.

ಚಂದ್ರಾಪುರ(ಮಹಾರಾಷ್ಟ್ರ): ಇಲ್ಲಿನ ಗ್ರಾಮವೊಂದರ ಮನೆಯೊಳಗೆ ನುಗ್ಗಿದ ವಿಷಕಾರಿ ಹಾವೊಂದು ಒಂದಲ್ಲ, ಎರಡಲ್ಲ, ಬರೋಬ್ಬರಿ 10 ಮೊಟ್ಟೆ ನುಂಗಿರುವ ಘಟನೆ ನಡೆದಿದ್ದು, ಅದರಿಂದ ಒದ್ದಾಡಿ ಒದ್ದಾಡಿ ಕೊನೆಗೆ ಎಲ್ಲವನ್ನೈ ಹೊರ ಹಾಕಿರುವ ಘಟನೆ ನಡೆದಿದೆ.

ಮಹಾರಾಷ್ಟ್ರದ ಚಂದ್ರಾಪುರದ ಕೊಸಾಂಬಿ ಗ್ರಾಮದಲ್ಲಿನ ವ್ಯಕ್ತಿಯೊಬ್ಬರ ಮನೆಯೊಳಗೆ ಹೋಗಿದೆ. ಈ ವೇಳೆ ಕೋಳಿ ಕುಳಿತುಕೊಳ್ಳುತ್ತಿದ್ದ ಸ್ಥಳವೊಂದರಲ್ಲಿಟ್ಟಿದ್ದ ಮೊಟ್ಟೆಗಳನ್ನ ಒಂದೊಂದಾಗಿ ನುಂಗಿದೆ. ಈ ವೇಳೆ ಮನೆಯವರು, ಹಾವನ್ನ ನೋಡಿದ್ದು ತಕ್ಷಣವೇ ಉರುಗತಜ್ಞನಿಗೆ ಮಾಹಿತಿ ನೀಡಿದ್ದಾರೆ.

10 ಮೊಟ್ಟೆ ನುಂಗಿದ ಬಳಿಕ ಅದು ಕೆಲ ಹೊತ್ತು ಒದ್ದಾಡಿದ್ದು, ಆ ಮೇಲೆ ಒಂದೊಂದಾಗಿ ಹೊರಹಾಕಿದೆ. ಸ್ಥಳೀಯರೊಬ್ಬರು ಇದರ ವಿಡಿಯೋ ಸೆರೆ ಹಿಡಿದ್ದಿದ್ದಾರೆ. ಹಾವು ಎಲ್ಲ ಮೊಟ್ಟೆ ಹೊರಹಾಕಿದ ಬಳಿಕ ಉರುಗತಜ್ಞ ಹಾವಿನ ರಕ್ಷಣೆ ಮಾಡಿ ಕಾಡಿನೊಳಗೆ ಬಿಟ್ಟು ಬಂದಿದ್ದಾರೆ.