ಜಲ್ಗಾಂವ್(ಮಹಾರಾಷ್ಟ್ರ): ಜಲ್ಗಾಂವ್ನ ಹಳ್ಳಿಯೊಂದರಲ್ಲಿ ದ್ವಿಚಕ್ರ ವಾಹನದ ಮೇಲೆ ತೆರಳುತ್ತಿದ್ದಾಗ ಸಡನ್ ಆಗಿ ಹಾವುವೊಂದು ಅವರ ಬೈಕ್ ಹತ್ತಿರ ಬಂದಿದೆ. ಇದರಿಂದ ಹೆದರಿಂದ ನಾಲ್ವರು ರಸ್ತೆ ಮೇಲೆ ಬಿದ್ದಿದ್ದಾರೆ. ಇದೇ ವೇಳೆ ಅದರಲ್ಲಿದ್ದ ಯುವಕನೊಬ್ಬ ಹಾವನ್ನ ಕೈಯಲ್ಲಿ ಹಿಡಿದುಕೊಂಡು ರಸ್ತೆ ಮೇಲೆ ಎತ್ತಿ ಹೊಡೆದಿದ್ದಾನೆ.
ಆಕ್ರೋಶದಲ್ಲೇ ಕೃತ್ಯವೆಸಗಿದ ವ್ಯಕ್ತಿ
ದ್ವಿಚಕ್ರ ವಾಹನದ ಮೇಲೆ ಕುಳಿತುಕೊಂಡು ನಾಲ್ವರು ಪ್ರಯಾಣ ಬೆಳೆಸಿದ್ದರು. ಈ ವೇಳೆ, ರಸ್ತೆ ಪಕ್ಕದಿಂದ ದಿಢೀರ್ ಆಗಿ ಹಾವೊಂದು ಅವರ ಬೈಕ್ ಹತ್ತಿರ ಬಂದಿದೆ. ಕ್ಷಣಾರ್ಧದಲ್ಲೇ ಹೆದರಿ ಅವರು ಬೈಕ್ ಸಮೇತ ಕೆಳಗೆ ಬಿದ್ದಿದ್ದಾರೆ. ಈ ವೇಳೆ ಆಕ್ರೋಶಗೊಂಡ ವ್ಯಕ್ತಿಯೊಬ್ಬ ಹಾವಿನ ಬಾಲ ಕೈಯಲ್ಲಿ ಹಿಡಿದು ಕೊಂಡು ಎತ್ತಿ ರಸ್ತೆ ಮೇಲೆ ಹೊಡೆದಿದ್ದಾನೆ. ಪರಿಣಾಮ ಅದು ಸತ್ತು ಹೋಗಿದೆ.
ಇದರ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಅನೇಕರು ವಿರೋಧ ಸಹ ವ್ಯಕ್ತಪಡಿಸಿದ್ದಾರೆ. ಲಭ್ಯವಾಗಿರುವ ಮಾಹಿತಿ ಪ್ರಕಾರ ಅದು ವಿಷ ಇಲ್ಲದ ಹಾವು ಎಂದು ತಿಳಿದು ಬಂದಿದೆ.
