ಮಧ್ಯಪ್ರದೇಶ: ಪತಿಯೊಂದಿಗಿನ ಮನಸ್ತಾಪದಿಂದ ಮಕ್ಕಳನ್ನು ಕಾಲಿನಿಂದ ತುಳಿದು ಪ್ರತಿನಿತ್ಯ ಚಿತ್ರಹಿಂಸೆ ನೀಡುತ್ತಿರುವ ಪಾಪಿ ತಾಯಿಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಮಧ್ಯಪ್ರದೇಶದ ಸಾಗರ್ ಜಿಲ್ಲೆಯ ಬಮ್ಹೌರಿ ಕಲಾನ್ ಗ್ರಾಮದಲ್ಲಿ ನಡೆದಿದೆ ಎನ್ನಲಾದ ವಿಡಿಯೋವೊಂದು ಹರಿದಾಡುತ್ತಿದೆ.
ಸದ್ಯ ವಿಡಿಯೋದಲ್ಲಿ ತಾಯಿ ಮಗುವನ್ನು ನೆಲದಲ್ಲಿ ಹಾಕಿ ತುಳಿಯುತ್ತಿದ್ದು, ಇನ್ನೋರ್ವ ಮಗುವವಿಗೂ ಕಾಲಿನಿಂದ ಒದೆಯುತ್ತಿದ್ದಾಳೆ. ಈ ದೃಶ್ಯವನ್ನು ಎದುರುಗಡೆಯ ಮನೆಯಿಂದ ಮೊಬೈಲ್ನಲ್ಲಿ ಸೆರೆ ಹಿಡಿಯಲಾಗಿದೆ. ದೃಶ್ಯದಲ್ಲಿರುವ ಮಹಿಳೆ ಹೆಸರು ಜಯಂತಿ ಬಾಯಿ ಎಂದು ಹಲವರು ಗುರುತಿಸಿದ್ದಾರೆ.
ಪತಿಯೊಂದಿಗೆ ಜಗಳ ಮಕ್ಕಳಿಗೆ ಶಿಕ್ಷೆ
ಪತಿ ಮೋಹನ್ ಆತನ ಸಹೋದರ ಹಾಗೂ ತಂದೆಯನ್ನು ಜೈಲಿನಿಂದ ಬಿಡಿಸಿಕೊಂಡು ಬರಲು ಜಾಮೀನು ನೀಡುವುದಾಗಿ ತಿಳಿಸಿದ್ದ ಇದರಿಂದ ಕೋಪಗೊಂಡ ಪತ್ನಿ ನಿತ್ಯ ಮಕ್ಕಳಿಗೆ ದಂಡಿಸುತ್ತಿದ್ದಾಳೆ ಎನ್ನಲಾಗುತ್ತಿದೆ. ಪತಿಯ ಸಹೋದರ ಹಾಗೂ ತಂದೆ ಜೈಲಿನಿಂದ ಕರೆಯುವುದು ಆಕೆಗೆ ಇಷ್ಟವಿಲ್ಲದ ಕಾರಣ ಮಕ್ಕಳ ಮೇಲೆ ಹಲ್ಲೆಗೆ ಮುಂದಾಗಿದ್ದಾಳೆ ಎನ್ನಲಾಗಿದ್ದು, ಈ ಸಂಬಂಧ ಪೊಲೀಸ್ ಠಾಣೆಯಲ್ಲಿ ಪತಿ ಮೋಹನ್ ದೂರು ಸಹ ನೀಡಿದ್ದಾನೆ.
ಇದನ್ನೂ ಓದಿ: ಶಿವಕಾಶಿಯ ಪಟಾಕಿ ಕಾರ್ಖಾನೆಯಲ್ಲಿ ಸ್ಫೋಟ: ಕಾರ್ಮಿಕ ಸಾವು
