ಬೆಳಗ್ಗೆ ಶಾಲೆಯಲ್ಲಿ ವಿದ್ಯಾರ್ಜನೆ: ರಾತ್ರಿ ತಾತನೊಂದಿಗೆ ಪ್ರತಿಭಟನೆ

ತೋಹಾನಾದಲ್ಲಿ ಮೂರು ಕೃಷಿ ಕಾನೂನುಗಳನ್ನು ವಿರೋಧಿಸಿ ರೈತರು ನಡೆಸುತ್ತಿರುವ ಧರಣಿಗೆ 6 ವರ್ಷದ ಬಾಲಕ ಸಾಥ್​​ ನೀಡಿದ್ದಾನೆ. ಬೆಳಗ್ಗೆಯಲ್ಲ ಶಾಲೆಯಲ್ಲಿ ಕಲಿತು ರಾತ್ರಿ ತಾತನೊಂದಿಗೆ ಪ್ರತಿಭಟನೆಯಲ್ಲಿ ಭಾಗಿಯಾಗುತ್ತಾನೆ.

ಫತೇಹಾಬಾದ್: ತೋಹಾನಾದಲ್ಲಿ ಮೂರು ಕೃಷಿ ಕಾನೂನುಗಳನ್ನು ವಿರೋಧಿಸಿ ರೈತರು ನಡೆಸುತ್ತಿರುವ ಧರಣಿಗೆ 6 ವರ್ಷದ ಬಾಲಕ ತನ್ನದೇ ಆದ ಕೊಡುಗೆ ನೀಡುವ ಮೂಲಕ ಗಮನ ಸೆಳೆದಿದ್ದಾನೆ.

ಸುಮಾರು 6 ವರ್ಷದ ಏಕಂ ಎಂಬ ಬಾಲಕ ನಿತ್ಯ ಶಾಲೆಯಿಂದ ಬಂದು ಟೌನ್ ಪಾರ್ಕ್ ಬಳಿ ಧರಣಿ ಸ್ಥಳಕ್ಕೆ ಆಗಮಿಸುತ್ತಾನೆ. ರಾತ್ರಿಯಲ್ಲ ತನ್ನ ತಾತನ ಜೊತೆಗಿರುವ ಮೂಲಕ ಧರಣಿಗೆ ಸಾಥ್​​ ನೀಡುತ್ತಿದ್ದಾನೆ.

ರೈತರಿಗೆ ಆಹಾರ ತಯಾರಿಕೆ :

ಕಳೆದ 36 ದಿನಗಳಿಂದ ಧರಣಿಗೆ ಬರುವ ರೈತರಿಗೆ ಏಕಂ ಮತ್ತು ಅವನ ಅಜ್ಜ ಆಹಾರ ತಯಾರಿಕೆ ಮಾಡುತ್ತಾರೆ. ಇದರ ಜೊತೆಗೆ ಧರಣಿ ಸಂಬಂಧ ರೂಪುರೇಷಗಳನ್ನು ಸಿದ್ಧಪಡಿಸುತ್ತಾರೆ. ಕೆಲವು ಸಂದರ್ಭಗಳಲ್ಲಿ ಅಜ್ಜನ ಜೊತೆಯೇ ರಾತ್ರಿ ಅಲ್ಲೆ ಉಳಿದುಕೊಂಡು ಬೆಳಗ್ಗೆ ಮನೆಗೆ ತೆಳರುತ್ತಾನಂತೆ.

ಪ್ರತಿಭಟನಾ ಸ್ಥಳದಲ್ಲಿ ಅಧ್ಯಯನ ಮಾಡುವ ಪೋರ:

ತಾತನೊಂದಿಗೆ ಶಾಲೆಯ ಕೆಲಸ ಮಾಡುತ್ತಿರುವ ಬಾಲಕ

ಶಾಲೆಯನ್ನು ಮುಗಿಸಿಕೊಂಡು ನೇರವಾಗಿ ಬಾಲಕ ತನ್ನ ತಾತ ಧರಣಿ ನಡೆಸುತ್ತಿರುವ ಸ್ಥಳಕ್ಕೆ ಹೋಗುತ್ತಾನೆ. ಈ ವೇಳೆ ಶಾಲೆಯಲ್ಲಿ ನೀಡಿದ ಕೆಲಸಗಳನ್ನು ಅಜ್ಜನ ಸಹಾಯದಿಂದ ಮುಗಿಸಿಕೊಳ್ಳುತ್ತಾನೆ. ಧರಣಿ ನಡೆಯುತ್ತಿರುವ ಸ್ಥಳದಲ್ಲಿ ಯಾವುದೇ ವಿದ್ಯುತ್​​ ವ್ಯವಸ್ಥೆಯಿಲ್ಲ. ಆದರೂ ಬಾಲಕ ತನ್ನ ತಾತನ ಮೊಬೈಲ್​​ ಬೆಳಕಿನಲ್ಲಿ ಕೆಲಸಗಳನ್ನು ಮಾಡಿಕೊಳ್ಳುತ್ತಾನೆ. ಶಾಲೆ ಆರಂಭವಾದಾಗಿನಿಂದ ಇಲ್ಲಿಯವರೆಗೆ ಧರಣಿಗೆ ಬರುವುದನ್ನು ನಿಲ್ಲಿಸಿಲ್ಲವಂತೆ.