ಬಸ್ತಿ (ಉತ್ತರಪ್ರದೇಶ): ಗೋರಖ್ಪುರದಲ್ಲಿ ನಡೆದ ಕಳ್ಳತನ ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಿಖೆ ತೀವ್ರಗೊಳಿಸಿದ ಎಸ್ಪಿ ಹೇಮರಾಜ್ ಮೀನಾ ಮೂವರು ಪೊಲೀಸರನ್ನು ಮತ್ತು 9 ಮಂದಿ ಶಂಕಿತರನ್ನು ಬಂಧಿಸಿದ್ದಾರೆ.
ಇತ್ತೀಚೆಗೆ ಗೋರಖ್ಪುರ ಸಮೀಪದ ಜ್ಯುವೆಲ್ಲರಿ ಶಾಪ್ ಮಾಲೀಕ ಗೋರಖ್‌ಪುರದ ಮಹಾರಾಜ್‌ಗಂಜ್‌ನ ಬುಲಿಯನ್ ಉದ್ಯಮಿ ಬಳಿಯಿಂದ 19 ಲಕ್ಷ ನಗದು, 12 ಲಕ್ಷ ಮೌಲ್ಯದ ಚಿನ್ನ ಮತ್ತು 4 ಲಕ್ಷ ಮೌಲ್ಯದ ಬೆಳ್ಳಿಯನ್ನು ದರೋಡೆ ಮಾಡಲಾಗಿತ್ತು. ಇನ್ನು ದೂರು ನೀಡಲು ಬಂದಾಗ ದರೋಡೆಕೋರರು ಪೊಲೀಸ್ ಸಮವಸ್ತ್ರ ಧರಿಸಿದ್ದರು ಎಂದು ತಿಳಿಸಿದ್ದರು. ಬಳಿಕ ಗೋರಖ್ಪುರ ಕ್ಯಾಂಟ್ ಪೊಲೀಸರು ಸಿಸಿಟಿವಿ ದೃಶ್ಯಾವಳಿಗಳ ಆಧಾರದ ಮೇಲೆ ಪ್ರಕರಣದ ತನಿಖೆ ನಡೆಸಿದ್ದಾರೆ.
ಇದಾದ ಬಳಿಕ ಎಸ್ಪಿ ಧರ್ಮೇಂದ್ರ ಯಾದವ್, ಕಾನ್ಸ್ಟೇಬಲ್ ಮಹೇಂದ್ರ ಯಾದವ್ ಮತ್ತು ಕಾನ್ಸ್ಟೇಬಲ್ ಸಂತೋಷ್ ಯಾದವ್ರನ್ನು ಅಮಾನತುಗೊಳಿಸಿ ಬಂಧಿಸಲಾಗಿದೆ.
