ರಾಮೇಶ್ವರಂ(ತಮಿಳುನಾಡು): ನೆರೆಯ ಶ್ರೀಲಂಕಾ ತೀವ್ರ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದೆ. ಉದ್ಯೋಗ ಹಾಗೂ ಆಹಾರದ ಕೊರತೆ ಕಾರಣ ಅಲ್ಲಿ ಬದುಕಲು ಸಾಧ್ಯವಾಗದೇ ಜನರು ಪಲಾಯನ ಮಾಡುತ್ತಿದ್ದು, ಸುಮಾರು 16 ಶ್ರೀಲಂಕಾ ತಮಿಳರು ರಾಮೇಶ್ವರಂಗೆ ಬಂದಿದ್ದಾರೆ.
ಶ್ರೀಲಂಕಾದಲ್ಲಿ ರಾಜಪಕ್ಸೆ ಸಹೋದರರ ಆಡಳಿತವು ಭ್ರಷ್ಟಾಚಾರದಿಂದ ಕೂಡಿದೆ ಎಂದು ಕೆಲ ಜನರ ಗುಂಪು ಆರೋಪಿಸಿದೆ. ಇತ್ತ ಕಳೆದ ಮಾರ್ಚ್.17ರಂದು ಅಲ್ಲಿನ ಜನರು ದಿನಸಿ ದರವನ್ನು ಹೆಚ್ಚಿಸಿದ ಕ್ರಮಕ್ಕೆ ತೀವ್ರ ವಿರೋಧ ವ್ಯಕ್ತಪಡಿಸಿ ಪ್ರತಿಭಟನೆ ಕೂಡ ನಡೆಸಿದ್ದರು. ಇದನ್ನೆಲ್ಲ ಕಂಡು ಭಾರತ ಸರ್ಕಾರ, ಶ್ರೀಲಂಕಾ ಸರ್ಕಾರಕ್ಕೆ 7,500 ಕೋಟಿ ಸಾಲವನ್ನು ನೀಡಿ ಸಹಾಯ ಹಸ್ತ ಚಾಚಿದೆ.
ರಾಮೇಶ್ವರಂ ಬಳಿಯ ಅರಿಚಲ್ ಮುನೈನಲ್ಲಿ 16 ಸದಸ್ಯರು ನಿರಾಶ್ರಿತರು ಶ್ರೀಲಂಕಾದಿಂದ ಬಂದಿದ್ದಾರೆ. ಕಳೆದ ಸೋಮವಾರ ಶ್ರೀಲಂಕಾದ ಮನ್ನಾರ್ ಜಿಲ್ಲೆಗೆ ಸೇರಿದ 10 ಜನರು ಮತ್ತು ಯಾಜಪಾನಂ ಮತ್ತು ಶ್ರೀಲಂಕಾದ ಮನ್ನಾರ್ ಜಿಲ್ಲೆಗೆ ಸೇರಿದ 6 ಮಂದಿ ರಾಮೇಶ್ವರಂಗೆ ಬಂದಿದ್ದಾರೆ. ಇನ್ನು ನಿರಾಶ್ರಿತರನ್ನು ಶ್ರೀಲಂಕಾ ಮತ್ತು ಭಾತರದ ಗಡಿ ಭಾಗ ಧನುಷ್ಕೋಡಿಯಲ್ಲಿ ಇರಿಸಿ ಬಳಿಕ ಭಾರತೀಯ ಪೊಲೀಸ್ ಪಡೆ ವಿಚಾರಣೆ ನಡೆಸಿ ಶಿಬಿರಕ್ಕೆ ಕರೆ ತಂದಿದೆ ಎಂದು ತಿಳಿದು ಬಂದಿದೆ.
ಇದನ್ನೂ ಓದಿ: ತಲೆಗೆ ಕಲ್ಲು ಬಡಿದು ವ್ಯಕ್ತಿ ಸಾವು.. ಸಿಸಿಟಿವಿಯಲ್ಲಿ ದೃಶ್ಯ ಸೆರೆ
