ದುಬೈನಿಂದ ಪಾದಕ್ಕೆ ಚಿನ್ನ ಸುತ್ತಿಕೊಂಡು ಬಂದಿದ್ದ ಚಾಲಾಕಿ... 1456 ಗ್ರಾಂ ಚಿನ್ನ ವಶಕ್ಕೆ

ದುಬೈನಿಂದ ಅಕ್ರಮವಾಗಿ ಚಿನ್ನ ತಂದಿದ್ದ ಚಾಲಾಕಿ ಪ್ರಯಾಣಿಕ, ಕಸ್ಟಮ್ಸ್ ಅಧಿಕಾರಿಗಳಿಗೆ ಸಿಕ್ಕು ಜೈಲು ಸೇರಿದ್ದಾನೆ.

ಕೊಚ್ಚಿ: ದುಬೈನಿಂದ ಚಿನ್ನ ಕಳ್ಳಸಾಗಣೆ ಮಾಡುತ್ತಿದ್ದ ಚಾಲಾಕಿ ಪ್ರಯಾಣಿಕ ಸಿಕ್ಕಿಬಿದ್ದಿರುವ ಘಟನೆ ಕೇರಳದ ಕನ್ನೂರು ವಿಮಾನ ನಿಲ್ದಾಣದಲ್ಲಿ ನಡೆದಿದೆ.

ಪ್ರಯಾಣಿಕ ತನ್ನ ಪಾದಗಳ ಸುತ್ತಲೂ ಚಿನ್ನವನ್ನು ಸುತ್ತಿಕೊಂಡು ದುಬೈನಿಂದ ಕನ್ನೂರು ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದ. ಏರ್​ಪೋರ್ಟ್​ನಲ್ಲಿ ತಪಾಸಣೆ ವೇಳೆ ಸಿಕ್ಕಿಬಿದ್ದಿದ್ದಾನೆ.

ಆರೋಪಿಯನ್ನು ಬಂಧಿಸಿ, ಆತನಿಂದ 1456 ಗ್ರಾಂ. ಚಿನ್ನವನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಕಸ್ಟಮ್ಸ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.