ಬೆಂಗಳೂರು: ಈ ಬಾರಿ ಚುನಾವಣೆಯಲ್ಲಿ ಕಿಂಗ್ ಮೇಕರ್ ಅಲ್ಲ, ಕಿಂಗ್ ಆಗುವುದು ಖಚಿತ ಎಂದು ವಿಶ್ವಾಸದ ಮಾತುಗಳನ್ನು ಆಡಿದ ಎಚ್ಡಿ ಕುಮಾರಸ್ವಾಮಿ ಕನಸು ನನಸಾಗುವುದು ಬಹುತೇಕ ಅನುಮಾನ ಎಂಬುದು ಮುನ್ನಡೆಯ ಫಲಿತಾಂಶವನ್ನು ಗಮನಿಸಿದಾಗ ತಿಳಿಯುತ್ತಿದೆ. ಈ ನಡುವೆ ಚುನಾವಣಾ ಫಲಿತಾಂಶ ಕುರಿತು ಪ್ರತಿಕ್ರಿಯಿಸಿರುವ ಜೆಡಿಎಸ್ ನಾಯಕ, ಮಾಜಿ ಸಿಎಂ ಕುಮಾರಸ್ವಾಮಿ ತಮ್ಮನ್ನು ಇದುವರೆಗೂ ಯಾರು ಸಂಪರ್ಕಿಸಿಲ್ಲ. ನಮ್ಮದು ಸಣ್ಣ ಪಕ್ಷ. ನನ್ನಿಂದ ಯಾವುದೇ ಬೇಡಿಕೆ ಇಲ್ಲ. ಉತ್ತಮ ಅಭಿವೃದ್ಧಿಯ ಭರವಸೆಯಲ್ಲಿ ನಾನು ಇದ್ದೇನೆ. ಇಲ್ಲಿಯವರೆಗೆ ಯಾರೂ ನನ್ನನ್ನು ಸಂಪರ್ಕಿಸಿಲ್ಲ. ಅಂತಿಮ ಫಲಿತಾಂಶಗಳನ್ನು ಕಾದು ನೋಡೋಣ ಎಂದಿದ್ದಾರೆ.
ರಾಮನಗರದಲ್ಲಿ ಚುನಾವಣೆಗೆ ಮುನ್ನ ಮತಚಲಾವಣೆ ಮಾಡಿ ಮಾತನಾಡಿದ ಕುಮಾರಸ್ವಾಮಿ ಅವರು, ಈ ಬಾರಿ ಚುನಾವಣೆಯಲ್ಲಿ ಜೆಡಿಎಸ್ ಕಿಂಗ್ ಆಗಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದರು. ಆದರೆ, ಕಾಂಗ್ರೆಸ್ ಸರಳ ಬಹುಮತದತ್ತ ದಾಪುಗಾಲು ಇಟ್ಟಿದ್ದು, ಜೆಡಿಎಸ್ ಅನ್ನು ಓಲೈಸುವ ಕಸರತ್ತನ್ನು ಕೈ ಬಿಟ್ಟಿದೆ. ಬದಲಾಗಿ ಪಕ್ಷೇತರರ ಬೆಂಬಲದೊಂದಿಗೆ ಸರ್ಕಾರ ನಡೆಸಲು ಮುಂದಾಗಿದೆ. ಈ ಮೂಲಕ ಯಾವುದೇ ಪಕ್ಷಗಳಿಗೆ ಸ್ಪಷ್ಟ ಬಹುಮತ ಬರುವುದಿಲ್ಲ. ಈ ಹಿನ್ನಲೆ ತಾವು ಕಿಂಗ್ ಆಗಲಿದ್ದೇವೆ ಎಂಬ ಜೆಡಿಎಸ್ ನಂಬಿಕೆ ಹುಸಿಯಾಗಿದೆ.
ಚುನಾವಣೋತ್ತರ ಫಲಿತಾಂಶದಲ್ಲಿ ಜೆಡಿಎಸ್ 37 ಕ್ಷೇತ್ರದಲ್ಲಿ ಗೆಲುವು ಸಾಧಿಸಲಿದೆ ಎಂಬ ಅಂಕಿ ಅಂಶಗಳು ಬಿತ್ತರವಾಗಿದ್ದವು. 2018ರಲ್ಲೂ ಜೆಡಿಎಸ್ 37 ಸ್ಥಾನಗಳಲ್ಲಿ ಗೆಲುವು ಕಂಡು, ಕಾಂಗ್ರೆಸ್ ಜೊತೆಗೆ ಮೈತ್ರಿ ನಡೆಸಿತು. ಈ ಲೆಕ್ಕಾಚಾರದ ಹಿನ್ನಲೆ ಈ ಬಾರಿ ಕೂಡ ಅತಂತ್ರ ಫಲಿತಾಂಶ ರಚನೆಯಾಗಲಿದ್ದು, ತಮ್ಮ ನೆರವು ಬೇಕಾಗಬಹುದು ಎಂಬ ಲೆಕ್ಕಾಚಾರದಲ್ಲಿ ಜೆಡಿಎಸ್ ಇತ್ತು. ಆದರೆ, ಇದೀಗ ಚುನಾವಣೆ ಫಲಿತಾಂಶಗಳು ಇವುಗಳನ್ನು ಹುಸಿಗೊಳಿಸುತ್ತಿದೆ.
ಹೀಗಿತ್ತು ಜೆಡಿಎಸ್ ಲೆಕ್ಕಾಚಾರ: ಚುನಾವಣೋತ್ತರ ಸಮೀಕ್ಷೆ ಹಾಗೂ ಜೆಡಿಎಸ್ ಭರ್ಜರಿ ಪ್ರಚಾರದ ಹಿನ್ನಲೆ ಈ ಬಾರಿ ತಮ್ಮ ಪಕ್ಷ 30 ರಿಂದ 32 ಕ್ಷೇತ್ರದಲ್ಲಿ ಗೆಲ್ಲುತ್ತೇವೆ. ಪ್ರಮುಖ ಎರಡು ರಾಷ್ಟ್ರೀಯ ಪಕ್ಷಗಳು ಬಹುಮತ ಪಡೆಯದೇ ತಮ್ಮ ಬೆಂಬಲ ನಿರೀಕ್ಷಿಸಿದ್ದರು. ಆದರೆ, ಇದೀಗ ಮುನ್ನಡೆ ಫಲಿತಾಂಶ ಗಮನಿಸಿದಾಗ ಕಾಂಗ್ರೆಸ್ ಸರಳ ಬಹುಮತ ಪಡೆಯಲಿದೆ. ಹೀಗಾಗಿ ಜೆಡಿಎಸ್ ಸೆಳೆಯುವ ಪ್ರಯತ್ನವನ್ನು ಕೈ ಬಿಟ್ಟಿದೆ
ಇತ್ತ ಬಿಜೆಪಿ ಕೂಡ 70ರಿಂದ 75 ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿದ್ದು, ಜೆಡಿಎಸ್ ಬೆಂಬಲ ಪಡೆದರೂ ಸರ್ಕಾರ ರಚನೆ ಇದಕ್ಕೆ ಪಕ್ಷೇತರರ ಬೆಂಬಲವೂ ಬೇಕಾಗಬಹುದು. ಈ ಹಿನ್ನಲೆ ಬಿಜೆಪಿ ಸಮ್ಮಿಶ್ರ ಸರ್ಕಾರ ರಚಿಸುವ ಗೋಜಿಗೆ ಹೋಗುವುದು ಬಹುತೇಕ ಹೋಗುವುದಿಲ್ಲ. ಇದರಿಂದಾಗಿ ಜೆಡಿಎಸ್ ಪಕ್ಷ ಕಿಂಗ್ ಆಗುತ್ತೇವೆ ಎಂಬ ನನಸಾಗುವುದಿಲ್ಲ.
ಇದನ್ನೂ ಓದಿ: ಚನ್ನಪಟ್ಟಣ ವಿಧಾನಸಭಾ ಕ್ಷೇತ್ರದಲ್ಲಿ ಮಾಜಿ ಸಿಎಂ ಹೆಚ್ಡಿ ಕುಮಾರಸ್ವಾಮಿ ಮುನ್ನಡೆ
