- बीजेपी की विजय संकल्प यात्रा शुरू
बीजेपी का राष्ट्रीय अध्यक्ष जेपी नड्डा ना हरिद्वार बटि बीजेपी की संकल्प यात्रा थै दिखाई हरी झंडी, पंचदीप पार्किंग मा आयोजित कार्यक्रम मा शिरकत कना बाद जेपी नड्डा ना हरिद्वार मा कारी रोड शो. जेपी नड्डा ना बोली- डबल इंजन की सरकार मा बढ़ि लौखु कू विश्वास, एक बार फिर उत्तराखंड मा बड़लि बीजेपी की सरकार.
- हरिद्वार मा जनसैलाब थै देखि सीएम ह्वेनि गदगद
धर्मनगरी मा आयोजित बीजेपी विजय संकल्प यात्रा मा उमड़ी जनसैलाब, भीड़ थै देखि सीएम पुष्कर सिंह धामी ह्वेनि गदगद, सीएम धामी ना बोली- अपार जनसमूह देखि यि निश्चित च कि प्रदेश मा दोबारा बीजेपी की सरकार बणड़ि च, जनता ना सरकार का विजन पर भरी हामी, 2022 मा बीजेपी थै जनता देलि आशीर्वाद.
- डिप्टी सीएम मनीष सिसोदिया कू बागेश्वर दौरा
दिल्ली का डिप्टी सीएम मनीष सिसोदिया ना बागेश्वर मा करि चुनावी जनसभा, सिसोदिया ना बीजेपी और कांग्रेस पर जमकर करि जुबानी हमला, बोली- बीजेपी और कांग्रेस द्विया दलों ना 20 सालों मा उत्तराखंड कू करि नाश, विकास का नाम पर जनता से करि छल कपट.
- वन विभाग प्रमुख थै वनमंत्री ना करि तलब
प्रदेश मा हुण वला अवैध खनन का मामला मा वन मंत्री हरक सिंह रावत ना वन विभाग प्रमुख विनोद सिंघल थै करि तलब, लैंसडाउन वन प्रभाग मा अवैध खनन का मामला थै लेकर वन मंत्री हरक सिंह रावत ना जतै नाराजगी, कोटद्वार मा अवैध खनन की शिकायत पर डीएफओ थै वनमंत्री ना मुख्यालय कैरि छ्या अटैच.
- ऋषिकेश से दिल्ली नॉनस्टॉप वोल्वो बस सेवा शुरू
तीर्थनगरी ऋषिकेश से दिल्ली सफर कन वला बस यात्रियों खुण अच्छी खबर, उत्तराखंड रोडवेज ना अब ऋषिकेश से दिल्ली नई नॉनस्टॉप वोल्वो बस शुरू कैरि यालि, दोपहर 12 बजि या वोल्वो बस ऋषिकेश बस अड्डा बटि दिल्ली खुण रवाना ह्वेली, जू शाम पांच बजि दिल्ली कश्मीरी गेट बस अड्डा पर पहुंचलि. अब पांच घंटा मा यात्री ऋषिकेश से दिल्ली और दिल्ली से ऋषिकेश पौंच सकदिन.
- सीएम धामी ना बैडमिंटन प्रतियोगिता कू करि शुभारंभ
मुख्यमंत्री पुष्कर सिंह धामी ना आज उत्तराखंड सचिवालय बैंडमिंटन क्लब की ओर से आयोजित अंतरविभागीय बैडमिंटन प्रतियोगिता कू करि शुभारंभ, ये मौका पर सीएम धामी ना भि बैडमिंटन मा अजमैन हथ, वखि उत्तराखंड सचिवालय बैडमिंटन क्लब की वार्षिक पत्रिका 'प्रयास' कू भि करि विमोचन.
- अल्मोड़ा मा जल्द शुरू ह्वेलि हेलीसेवा
उत्तराखंड नागरिक उड्डयन विकास प्राधिकरण की टीम ना करि अल्मोड़ा का टाटिक मा बढ़या नवनिर्मित हेलीपैड कू करि निरीक्षण, यूकाडा की टीम ना हेलीपैड पौंचि व्यवस्थाओं कू ल्या जायजा. विमानक टेकऑफ और लैंडिंग का ट्रायल का बाद जल्द अल्मोड़ा मा शुरू किये जाली हेलीसेवा.
- पुलिस विभाग मा बंपर वेकैंसी
प्रदेश का युवाओं खुण खुशखबरी च, पुलिस विभाग मा जल्द बड़ा स्तर पर भर्ती हुण जाणि च, जैकू शासनादेश भी जारि ह्वे गायि, यन ना अब जल्द पुलिस विभाग मा 1521 कांस्टेबल और 197 सब-इंस्पेक्टरों का पदों की भर्ती कू रस्ता साफ ह्वे गाई. यन मा अब जल्द पुलिस विभाग यूं भर्तियों खुण विज्ञप्ति जारी करलु.
- यूकेडी ना 2022 विधानसभा चुनौ खुण जारी करि अपणु घोषणापत्र
उत्तराखंड विधानसभा चुनौ की सरगर्मी का बीच उत्तराखंड क्रांति दल ना जारी करि अपणु घोषणा पत्र, .यूकेडी का केंद्रीय अध्यक्ष काशी सिंह ऐरी और तमाम यूकेडी नेताओं की मौजूदगी मा पार्टी ना जारी करि विधानसभा चुनौ-2022 कू घोषणा-पत्र, राजधानी गैरसैंण, कृषि, बागवानी, पलायन, नशा मुक्त, माफिया मुक्त, भ्रष्टाचार मुक्त उत्तराखंड थै घोषणा पत्र दे तरजीह.
- थारू जनजाति का कार्यक्रम मा थिरकिन सीएम धामी
मुख्यमंत्री पुष्कर सिंह धामी और सांसद अजय भट्ट ना थारू जनजाति का एक कार्यक्रम मा करि शिरकत, जनजातीय महिलाओं कू आग्रह पर लोकगीत पर सीएम धामी और अजय टम्टा ना करि डांस. खटीमा मा करीब द्वि सौ उन्हतर करोड़ की योजनाओं कू करि शिलान्यास.
