गृह मंत्री अमित शाह से मिलिन सीएम धामी: केंद्रीय गृह मंत्री अमित शाह जोशीमठ हालातूं की पल-पल जानकारी लेंणा छन. ईं कड़ी मा आज मुख्यमंत्री पुष्कर सिंह धामी न दिल्ली मा अमित शाह दगड़ि मुलाकात करी. ये दौरान सीएम धामी न जोशीमठ मामला थै लेकी रिपोर्ट दिनी. सीएम धामी न जोशीमठ मा सरकार का कार्यूं का बारा मा गृह मंत्री से विस्तार से चर्चा करी. वखी, उत्तराखंड बीजेपी प्रदेश अध्यक्ष महेंद्र भट्ट न भी बीजेपी का राष्ट्रीय अध्यक्ष जेपी नड्डा थै जोशीमठ पर विस्तृत रिपोर्ट सौंपी.
उत्तराखंड में जल्द शुरू होलू स्कॉलरशिप प्रोग्राम: उत्तराखंड मा धामी सरकार कक्षा 6 से 12वीं तक का छात्रूं थै छात्रवृत्ति द्याली. सीएम पुष्कर धामी न बोली छात्रूं थै प्रोत्साहित कन्नौ जल्द ही छात्रवृत्ति योजना शुरू किये जाली. यां का अलावा बोर्ड परीक्षाऊं थै लेकी 27 जनवरी 2023 कु प्रधानमंत्री नरेंद्र मोदी तालकटोरा स्टेडियम नई दिल्ली मा छात्रूं से 'परीक्षा पे चर्चा' कार्यक्रम का माध्यम से संवाद करला. ये कार्यक्रम कु भी उत्तराखंड मा लाइव प्रसारण किये जालू, ज्यां की व्यवस्था कन्न मा शिक्षा विभाग लग्यूं च.
जल्द हॉस्पिटल बटी डिस्चार्ज होला ऋषभ पंत: भारतीय क्रिकेटर ऋषभ पंत अब जल्द ही हॉस्पिटल बटी डिस्चार्ज ह्वे सकदन.डॉक्टरुं का अनुसार, ऋषभ पंत थै करीब द्ववी सप्ताह का भीतर अस्पताल बटी डिस्चार्ज कर दिये जालू. ऋषभ पंत थै पूरी तरह से ठीक होंण मा अभी 4 से 6 मैना कु वक्त लग सकदू. पंत का अस्पताल बटी निकलना बाद BCCI ऊंथै रिहैबिलिटेशन योजना तैयार करली. रिकवरी का बाद ऋषभ पंत फिर से जल्द ही मैदान मा वापसी कर सकला, ऊंका फैंस यू ही दुआ कन्ना छन.
जोशीमठ पीडब्ल्यूडी गेस्ट हाउस होलू ध्वस्त: जोशीमठ मा लोखूं की परेशानी कम नी होंणी छन. लोखूं का आवसीय भवनूं का बाद अब सरकारी भवनूं पर भी बड़ी-बड़ी दरार औंणी छन. लोक निर्माण विभाग जोशीमठ कु गेस्ट हाउस भी गिन्नै कगार पर पौछ गी. ज्या का कारण प्रशासन न आपदा प्रबंधन नियमूं का तहत भवन थै ध्वस्त कन्ना आदेश जारी करेन. गुरुवार बटी लोक निर्माण विभाग का गेस्ट हाउस थै ध्वस्त कन्नौ काम शुरू कर दिये जालू. दगड़ा मा ही मारवाड़ी मा जेपी कॉलोनी का कुछ भवनूं थै भी ध्वस्त किये जै सकदू.
देहरादून मा सीबीआई रेड: देहरादून मा सीबीआई न रेड मारी. या रेड नामी बिल्डर सुधीर विंडलास का ठिकानों पर मरे गी. सीबीआई की 4 से ज्यादा टीमूं न देहरादून का अलग-अलग इलाकूं मा छापेमारी करी. देहरादून पुलिस का रिकॉर्ड मा सुधीर विंडलास का खिलाफ कूट रचित दस्तावेजूं का जरिया सरकारी और गैर सरकारी संपत्तियूं थै कब्जौंणा कई मामला दर्ज छन.
जल्द उत्तराखंड दौरा पर आला पीएम मोदी और राहुल गांधी: प्रधानमंत्री नरेंद्र मोदी(PM Modi Uttarakhand visit ) और कांग्रेस नेता राहुल गांधी जल्द ही उत्तराखंड दौरे पर ऐ सकदन. बथये जांणू च की पीएम मोदी लोहाघाट स्थित अद्वैत मायावती आश्रम(PM Modi will visit Advait Mayawati Ashram) कु दौरा करला. दगड़ा मा ही राहुल गांधी भी नैनीताल का हैड़ाखान आश्रम(Rahul Gandhi visit Haidakhan Ashram) पौंछला. यू द्वी नेता यू आश्रमूं मा ध्यान लगाला. हालांकि, अभी तक द्वी नेताऊं का दौरा थै लेकी क्वी भी आधिकारिक जानकारी नी च.
प्रदेशभर मा खुलेला 14 क्रिटिकल केयर ब्लॉक: सड़क दुर्घटनाऊं मा घायलूं और अन्य गंभीर बीमारियूं से ग्रसित मरीजूं का बेहतर इलाज थै प्रदेश भर मा 14 क्रिटिकल केयर ब्लॉक स्थापित किये जाला. यां का पैला चरण मा सात जिलों मा क्रिटिकल केयर ब्लाक बणौणै डीपीआर भी तैयार ह्ववे गी. यूं जिलों मा चमोली, चंपावत, बागेश्वर, पौड़ी, नैनीताल, रुद्रप्रयाग, उत्तरकाशी शामिल छन. स्वास्थ्य मंत्री डॉ. धन सिंह रावत न सबी अधिकारियूं थै क्रिटिकल केयर ब्लाक का काम मा तेजी लौणा निर्देश दिनीन.
उत्तराखंड मा शुरू ह्वे बर्फबारी कु दौर: उत्तराखंड मा एक बार फिर से मौसम न करवट बदली. प्रदेश का पर्वतीय अंचलों मा बारिश और बर्फबारी कु दौर जारी ह्वे गी. चमोली जनपद मा बर्फबारी ह्वे. बदरीनाथ धाम का परिसर समेत पहाड़ियूं पर भी बर्फबारी ह्ववे. उत्तरकाशी और टिहरी मा भी जोरदार बर्फबारी ह्वे. पर्यटन नगरी धनौल्टी मा भी देर रात से सुबेर तक सालै पैली बर्फबारी ह्वे. धनौल्टी आलू फार्म, एप्पल गार्डन, सुराकंडा देवी, कद्दूखाल बाटवालधार और तपोवन आदि जगहूं पर द्वी इंच तक बर्फ जम गी. प्रदेश मा बर्फबारी कु सैलानी जमकर लुत्फ उठौणा छन. बर्फबारी का बाद प्रदेश मा ठंड बढ़ गी.
केदारनाथ मा बर्फबारी का कारण पुनर्निर्माण कार्य बंद: विश्व प्रसिद्ध केदारनाथ धाम मा पुनर्निर्माण कार्य बर्फबारी का कारण बंद ह्वे गीन. निर्माण कार्यूं मा लग्यां सबी मजदूर केदारनाथ बटी वापस ऐ गीन. अब मौसम साफ होंणा बाद मार्च मैना मा केदारनाथ धाम मा दोबारा से पुनर्निर्माण कार्य शुरू होला. फिलहाल, केदारपुर मा तीन से चार फीट तक बर्फ जमी च. आईटीबीपी का जवान बर्फबारी का बाद भी केदारनाथ धामै सुरक्षा व्यवस्था मा डट्यां छन.
