मुख्यमंत्री धामी क पीएम मोदी दगड़ी मुलाकात: मुख्यमंत्री पुष्कर सिंह धामी दिल्ली दौरे पर छन. सोमवार शाम ऊ न उत्तराखंड BJP प्रभारी दुष्यंत गौतम की अध्यक्षता मा उत्तराखंड के सबी सांसदों दगड़ी महत्वपूर्ण बैठक कौरी. जैका बाद मंगलवार तैं सीएम धामी न प्रधानमंत्री नरेंद्र मोदी दगड़ी करीब एक घंटा तक संसद भवन मा मुलाकात कौरी. सीएम न प्रधानमंत्री से उत्तराखंड की 44 जलविद्युत परियोजनाओं तैं फिर से शुरू कन क संबंध मा चर्चा कौरी. सीमांत गांव कु लेकी वाइब्रेंट विलेज योजना, मानस खंड कॉरिडोर, सीमावर्ती अर डार्क विलेज कु लेकी बी विस्तार बिटीं चर्चा ह्वाई.
बीजेपी नेता दगड़ी हरदा करला मुलाकात: उत्तराखंड क पूर्व मुख्यमंत्री हरीश रावत जल्द बीजेपी कु एक बड़ा नेता दगड़ी मुलाकात कन जाण वालु छन. ईटीवी भारत दगड़ी खास बातचीत मा रावत न बोली कि भारतीय जनता पार्टी मा लोकतंत्र की हत्या ह्वाणी च अर वै ते बचाण कुन ऊ बीजेपी नेता दगड़ी बात करला. रावत न बोली कि भारतीय जनता पार्टी मा कई नेता ऐसा छन जो पार्टी की नीतियां तैं सही नी मानदा अर ये तै लेकन ही ऊंकी मुलाकात च.
निलंबित आईएफएस अफसर पन शिकंजा: भ्रष्टाचार क आरोप मा निलंबित आईएफएस अर हरिद्वार क पूर्व डीएफओ किशन चंद पन विजिलेंस न शिकंजा कड़ू कर देई च. हल्द्वानी विजिलेंस कोर्ट बिटीं गैर जमानती वारंट जारी होन कु बाद किशन चंद की गिरफ्तारी कु लेकी विजिलेंस टीम नैनीताल अर दिल्ली क बाद अब हरिद्वार पौंची च. किशन चंद की पत्नी अर पूर्व जिला पंचायत अध्यक्ष बृजरानी समेत परिवार क सबी सदस्य फरार बताया जाणा छन. यन मा विजिलेंस जल्द ही कुर्की कर सकदी.
शक्तिमान घोड़ा मौत मामला: नैनीताल हाईकोर्ट न 2016 मा विधानसभा घेराव क दौरान पुलिस क शक्तिमान घोड़ा की मौत क आरोपियों तैं सजा दिलाया जान कु लेकी दायर याचिका पन सुनवै कौरी. मामला तैं सुनन के बाद न्यायमूर्ति रविंद्र मैठाणी क एकलपीठ न सरकार से पूछी च कि सरकार न ये मामला पन पैली अपील दाखिल किले नी कौरी? मामला का अगला सुनवै 16 दिसंबर तै ह्वाली. बतै द्यां कि होशियार सिंह बिष्ट न हाईकोर्ट मा याचिका दाखिल कर जिला अदालत क फैसले तैं चुनौती देई च जैमा है मंत्री गणेश जोशी तैं दोष मुक्त घोषित किए ग्यै छै.
अंकिता केस की पैरवी कु स्पेशल काउंसलर क नियुक्ति: बहुचर्चित अंकिता हत्याकांड मामला की जांच करणी स्पेशल इंवेस्टिगेशन टीम न शासन कु एक पत्र भेजी कन पैरवी कु लेकी स्पेशल काउंसलर क नियुक्ति कन कु बोली च. वखी, एसआईटी टीम न बोली कि चंडीगढ़ एफएसएल मा भेजी ग्यैन इलेक्ट्रोनिक्स एविडेंस की रिपोर्ट टीम तैं मिल ग्याई च अर फिलहाल जांच रिपोर्ट क परीक्षण चलणु च. जैका बाद चार्जशीट कोर्ट मा दाखिल की जाली.
नगर निगम बोर्ड बैठक मा बड़ू हंगामा: नगर निगम हरिद्वार की बोर्ड बैठक मा आज जबरदस्त हंगामा ह्वै ग्याई. बैठक शुरू होण कु बाद भाजपा पार्षद जमीन पन बैठी ग्यैन अर खूब नारा लगाण लगेण. भाजपा पार्षद मेयर बिटीं पूछणा छै कि आखिर हरिद्वार कु असली मेयर कु च? ये का दगड़ी भाजपा पार्षदों न मेयर पति अशोक शर्मा पन नगर निगम क विकास कार्यों मा अड़ंगा डालण अर बोर्ड कु ना चलन देण क आरोप भी लगाइन. वखी, हंगामे कु बाद बोर्ड बैठक स्थगित ह्वै ग्याई. अब बैठक 24 दिसंबर कु ह्वाली.
मंत्री कु कड़ू निर्देश: कृषि व उद्यान मंत्री गणेश जोशी न विभाग की समीक्षा बैठक लेई, जैमा मंत्री ने अधिकारियों कु निर्देश देई कि किसानों की उत्पादन क्षमता बढ़ाण कु लेकी अब अधिकारियों तैं फील्ड विजिट कन जरूरी ह्वालु, जैमा 20 दिन ऑफिस अर 10 दिन फील्ड मा रैण पड़ल. मंत्री न बोली कि उत्तराखंड मा कृषि विभाग का प्रमुख लक्ष्य किसानों क आय दोगुनी कन अर ऊं का उत्पाद तैं दोगुना कना कु साथ राज्य की आर्थिकी बढ़ाण च.
फेमस यूट्यूबर सौरव जोशी कु विवादित बयान: फेमस यूट्यूबर सौरव जोशी क एक विवादित वीडियो न हल्द्वानी सहित उत्तराखंड क आम जनता मा नाराजगी पैदा कर देई च. कुछ दिन पैली सौरव जोशी न अपना ब्लॉग में बोली छै कि हल्द्वानी अर उत्तराखंड की पैचाण ऊं का यूट्यूब ब्लॉग क कारण देश-दुनिया मा ह्वाणी च. अर ये से पैली हल्द्वानी अर उत्तराखंड तैं क्वी नी जानदू छै. सौरभ जोशी क ये बयान पन अब पहाड़ का लोगूं मा आक्रोश च. राज्य आंदोलनकारियों न भी ये बयान कु उत्तराखंड क अपमान बतै च.
फॉरेंसिक मेडिसिन पीजी कोर्स मा ह्वाई एडमिशन: दून मेडिकल कॉलेज मा फॉरेंसिक मेडिसिन पीजी कोर्स मा पैली बार द्वी छात्रों न दाखिला लेई च. येका बाद सड़क या अन्य दुर्घटनाओं मा मौत होन पन शव कु पोस्टमॉर्टम कन मा सहायता मिलली, ताकि मौत का सही कारण तथ्यों दगड़ी पता लगै जा सके. साथ ही अप्राकृतिक मौत क कारणों कु बी पता लगै जा सके.
भालू क बुजुर्ग पन हमला: बागेश्वर जिले क धरमघर वन रेंज क बास्ती गांव मा भालू न बुजुर्ग पन हमला कौरी कन ऊं तै गंभीर जख्मी कर देई. बुजुर्ग तैं जिला अस्पताल मा भर्ती करै ग्याई जैका बाद बुजुर्ग की गंभीर हालत देखण कु बाद हल्द्वानी सुशील तिवारी अस्पताल रेफर कर देई ग्यै च. भालू पिछला 15 दिनों मा 3 लोगों कु घायल कर चुकी च. क्षेत्र मा भालू की बढ़ती धमक देखी कन ग्रामीण काफी डरया छन.
उत्तरकाशी मा रिवर राफ्टिंग: उत्तराखंड पर्यटन विभाग गंगा भगीरथी पन निःशुल्क पांच दिवसीय साहिसक रिवर राफ्टिंग करणा च. मुख्य अतिथि गंगोत्री विधायक सुरेश चौहान न कार्यक्रम कु शुभारंभ भी कौरी. प्रशिक्षण पांच दिन तक चलल. येमा 20 युवक अर युवतियां भाग लेणा छन. रीवर राफ्टिंग तिलोथ से जोशियाड़ा झील तक द्वी किमी क दायरा मा ह्वाली. प्रशिक्षण क दौरान एनडीआरएफ क जवान भी तैनात रैला.
