सीएम धामी ना करि पंचायती राज विभाग की समीक्षा बैठक: मुख्यमंत्री पुष्कर सिंह धामी ना आज पंचायती राज विभाग की करि समीक्षा बैठक, ये मौके पर सीएम धामी ना बोली- सीमांत गौं अब देश का आखिरी नि कहल्ये जालु पहलु गौं, ये दगणि प्रदेश सरकार सीमांत गौं मा कैबिनेट बैठक भी आयोजित कन पर कनि च विचार, गौं का विकासा खुण जल्द किये जालु खाका तैयार.
पंचायत घरों का निर्माणा खुण 20 लाख रुपया कू प्रावधान: उत्तराखंड मा अब ग्राम प्रधानों थै आपदा निधि का तहत त्वरित सहायता राशि का रूप में दिये जाला 10-10 हजार रुपये, पंचायती राज विभाग की समीक्षा बैठक मा विभागीय मंत्री सतपाल महाराज ना द्याई सुझाव, वखि, ये सुझाव पर मुख्यमंत्री पुष्कर सिंह धामी ना जताई सहमति, साथ ही पंचायत घरों का निर्माण खुण 20 लाख रुपया बजट कू भि किये ग्या प्रावधान.
हरिद्वार मा 48वीं राष्ट्रीय जूनियर कबड्डी चैंपियनशिप कू शुभारंभ: हरिद्वार पौंचि की सीएम पुष्कर सिंह धामी ना 48वीं राष्ट्रीय जूनियर कबड्डी चैंपियनशिप कू करि शुभारंभ, ये चैंपियनशिप मा 29 राज्यों से अयां करीब 600 खिलाड़ी कना छिन प्रतिभाग, वखि प्रतियोगिता का उद्घाटन का मौका पर सीएम धामी ना कबड्डी मा भी अजमाई हाथ और बोली- भारतीय खेलों मा कबड्डी सबसे लोकप्रिय खेल.
72 घंटा तक भारत-नेपाल अंतरराष्ट्रीय सीमाओं थै किये ग्या सील: भारत का पड़ोसी देश नेपाल मा आम चुनौ खुण आगामी 20 नवंबर का दिन होलु मतदान, वखि चुनौ का मद्देनजर भारत ना नेपाल से लगी अंतरराष्ट्रीय सीमाओं थै करि सील, पिथौरागढ़ और चंपावत मा अगला 72 घंटा तक नेपाल बॉर्डर पर आवाजाही पूर्व रूप से रेलि प्रतिबंधित.
कोहली ना सपरिवार बाबा नीम करौली धाम मा करि पूजा अर्चना: टी-20 वर्ल्ड कप का बाद सपरिवार उत्तराखंड घुमणा खुण पौंचया छिन भारतीय क्रिकेटर विराट कोहली, यन मा आज विराट कोहली ना पत्नी अनुष्का शर्मा और बेटी वामिका दगणि बाबा नीम करौली धाम पौंचिकी करि पूजा अर्चना. जैका बाद कोहली ना बाबा का धाम मा हनुमान चालीसा कू भी करि पाठ.
घायल युवकों थै देखि सीएम धामी ना रुकवाई काफिला: सीएम पुष्कर सिंह धामी ना एक दा फिर छोड़ी अपणी सादगी की छाप, देहरादून जीएमएस रोड का नजदीक सड़क हादसा मा घायल युवकों कू हालचाल पूछणा खुण सीएम धामी ना रुकवाई अपणुं काफिला, जैका बाद काफिला मा चनि पायलट कार से घायल युवकों थै इलाज खुण भेजि अस्पताल. सीएम धामी की दरियादिली की हर कुई कनु च तारीफ.
धर्मांतरण कानून थै लेकि सीएम पुष्कर सिंह धामी कू बयान: मुख्यमंत्री पुष्कर सिंह धामी ना उत्तराखंड मा धर्मांतरण कानून थै लेकि द्याई बड़ू बयान, बोली- देवभूमि का मा धर्म परिवर्तन खुण नि च कुई स्थान, धर्मांतरण पर जल्द सरकार बनाण जाणि च कानून, दोषियों खुण ये कानून मा किये जालु सख्त सजा कू प्रावधान. उत्तराखंड कैबिनेट मा धर्मांतरण कानून संसोधन कू विधेयक ह्वे ग्या पास.
हल्द्वानी मा कार्यालयों से 26 अधिकारी मिलिन नदारद: हल्द्वानी मा विभागीय कार्यालयों पर एसडीएम की छापेमारी से मचि हड़कंप, ये मौका पर अपणा कार्यालयों से 26 अधिकारी मिलिन नदारद, जैका बाद एसडीएम मनीष कुमार ना जिलाधिकारी नैनीताल थै अनुपस्थित अधिकारियों कू वेतन रूकणा खुण लेखि पत्र, वखि ये कार्रवाई का दौरान आरटीओ, तहसील, रजिस्ट्रार ऑफिस, जिला उद्योग केंद्र सहित 12 कार्यालयों मा मच्यु राई हड़कंप.
भौल बंद किये जाला भगवान मदमहेश्वर का कपाट: भौल विधिविधान का साथ शीतकाल खुण बंद किये जाला द्वितीय केदार भगवान मदमहेश्वर का कपाट, जैका बाद भगवान मदमहेश्वर की चल विग्रह उत्सव डोली 21 नवंबर का दिन अपणा शीतकालीन प्रवास स्थल ओंकारेश्वर मा होली विराजमान. वखि, भगवान मदमहेश्वर की डोली आगमन पर ऊखीमठ और मनसूना मा लगण वला मेलों की तैयारियां भी जोरों पर छिन.
नैनीताल मा वर्ड फेस्टिवल की शुरुवात: सरोवर नगरी नैनीताल मा चार दिवसीय बर्ड फेस्टिवल कू ह्वाई शुभारंभ, सात राज्यों से अयां 43 वर्ड वाचर ये फेस्टिवल मा कना छि प्रतिभाग. वर्ड वाचिंग डिस्टेनशन का रूप मा स्थापित हुणु च नैनीताल, ये फेस्टिवल मा पक्षियों की नई प्रजातियों की किये जाली खोज, अभी प्रदेश मा पक्षियों की करीब 790 प्रजातियां छिन मौजूद.
