अपणुं उत्तराखंडः दिनभरै खास खबर, एक नजर मा

मुख्यमंत्री मुख्यमंत्री पुष्कर सिंह धामी ना आज सीएम आवास मा जापानी प्रतिनिधिमंडल से करि मुलाकात, सीएम धामी ना करि डिवाइन कॉलेज ऑफ नर्सिंग कू उद्घाटन, विश्व विख्यात केदारनाथ धाम मा बीता द्वि दिनों से बर्फबारी जारी, मॉनसून का बाद आज पर्यटकों खुण खोल दिये ग्या कॉर्बेट नेशनल पार्क कू ढिकाला जोन, उत्तराखंड की ईनी दिनभरै खास खबर, एक नजर मा...

1. जापानी प्रतिनिधिमंडल से सीएम धामी ना करि मुलाकात: मुख्यमंत्री मुख्यमंत्री पुष्कर सिंह धामी ना आज सीएम आवास मा जापानी प्रतिनिधिमंडल से करि मुलाकात, ये दौरान सीएम धामी ना उत्तराखंड मा कृषि, वेलनेस, फार्मास्युटिकल, ऑटो सेक्टर आदि जन क्षेत्रों मा सहयोग की जापानी प्रतिनिधिमंडल से करि चर्चा, वखि ये मौका पर प्राकृतिक आपदाओं थै नियंत्रित कना की तकनीक पर ह्वाई बात.

2. सीएम धामी ना करि डिवाइन कॉलेज ऑफ नर्सिंग कू उद्घाटन: मुख्यमंत्री पुष्कर सिंह धामी ना आज हरिद्वार पौंचिकि डिवाइन कॉलेज ऑफ नर्सिंग एंड पैरामेडिकल साइंस कू करि उद्घाटन, वखि दिव्य सेवा प्रेम मिशन द्वारा आयोजित ये कार्यक्रम मा केंद्रीय मंत्री महेंद्र पांडे, सांसद हरिद्वार रमेश पोखरियाल निशंक, उत्तराखंड कैबिनेट मंत्री धनसिंह रावत, प्रेमचंद अग्रवाल, सहित स्वामी रामदेव, आचार्य बालकृष्ण और कई हस्तियां रैनि मौजूद.

3. केदारनाथ धाम मा बर्फबारी जारी: विश्व विख्यात केदारनाथ धाम मा बीता द्वि दिनों से बर्फबारी जारी, लगातार बर्फबारी का चलदा पुनर्निर्माण कार्य बाधित, वखि, केदारनाथ धाम मा 150 ज्यादा मजदूर मौजूद, बर्फबारी का कारण तापमान मा दर्ज किये ग्या भारी गिरावट, यन मा अब बर्फ की सफेद चादर मा लिपटी नजर आणी च केदारपुरी.

4. कॉर्बेट मा पर्यटकों खुण खोले ग्या ढिकाला जोन: मॉनसून का बाद आज पर्यटकों खुण खोल दिये ग्या कॉर्बेट नेशनल पार्क कू ढिकाला जोन, पर्यटक ढिकाला जोन मा डे विजिट का अलावा कैर सकदिन रात्रि विश्राम, विधायक दीवान सिंह बिष्ट ना आज हरी झंडी दिखेकि पर्यटकों का वाहनों थै करि ढिकाला जोन घुमणा खुण रवाना.

5. सर्राफा व्यापारी पर फायरिंग मामला कू खुलासा: हल्द्वानी मा सर्राफा व्यापारी पर फायरिंग मामला कू पुलिस ना करि खुलासा, घटना मा शामिल मुख्य आरोपी थै भी पुलिस ना करि गिरफ्तार, आरोपी का पास से पुलिस ना तमंचा और जिंदा कारतूस भी करिन बरामद, सर्राफा व्यापारी से आरोपी ना कै छाई 15 लाख रुपये की फिरौती की डिमांड.

6. 25 हजार का इनामी बदमाश थै पुलिस ना करि गिरफ्तार: रुद्रपुर एसटीएफ और एसओजी टीम ना पिछला पांच महीना से फरार 25 हजार का इनामी बदमाश थै पंजाब का तरण तारण बटि करि गरिफ्तार, आरोपी ना जून महिना मा एक व्यक्ति पर कै छाई फायरिंग, आरोपी थै कोर्ट मा पेश कना की तैयारी मा जुटी च पुलिस.

7. बाघ कू वीडियो सोशल मीडिया मा वायरल: कॉर्बेट टाइगर रिजर्व से लग्या रिहायशी इलाका मा बाघ थै घुमदु देख गाड़ी मा सवार लौखु ना दहशत मा ऐकि करि फायरिंग, वखि गोली लगण से ह्वाई बाघ की मौत, घटना कू वीडियो सोशल मीडिया मा भी हुणु च वायरल, वन विभाग की पोस्टमार्टम रिपोर्ट मा भी गोली लगणा की ह्वे पुष्टि.

8. वायरल ऑडियो मामला मा महिला राजस्व उपनिरीक्षक सस्पेंड: लैंसडाउन मा घूस मंगणा कू ऑडियो वायरल प्रकरण मा डीएम आशीष चौहान ना प्राथमिक जांच रिपोर्ट का आधार पर करि कार्रवाई, महिला राजस्व उपनिरीक्षक वंदना टम्टा थै करि सस्पेंड वखि लैंसडौन कानूनगो कू धुमाकोट किये ग्या ट्रांसफर, अब ये मामला की पौड़ी एसडीएम थै सौंपे ग्या जांच.

9. नैनीताल हाईकोर्ट से वनाधिकारियों थै मिली राहत: नैनीताल हाईकोर्ट से तत्कालीन मसूरी डीएफओ समेत तीन अन्य वनाधिकारियों थै मिली राहत, ये मामला मा कोर्ट की एकलपीठ ना निचली अदालत का समन का आदेश पर लगै रोक, वखि ये मामला मा कोर्ट ना पूर्व डीजीपी बीएस सिद्धू थै नोटिस जारी कर चार सप्ताह मा जवाब पेश कना देनि आदेश.

10. बदरीनाथ मंदिर का कपाट बंद कना की प्रक्रिया शुरू: पंच पूजाओं का दगणि शीतकाला खुण बदरीनाथ धाम का कपाट बंद कना की प्रक्रिया शुरू, आज भगवान बदरी विशाल का महाभिषेक का बाद रावल ईश्वरी प्रसाद नंबूदरी और धर्माधिकारी राधा कृष्ण थपलियाल ना वेदपाठियों की मौजूदगी मा विधि विधान के साथ गणेश मंदिर का कपाट किये गिन बंद. वखि 19 नवंबर का दिन बंद किये जाला बदरीनाथ मंदिर का कपाट.