1. उत्तराखंड मा कोरोना का मामलों मा कमी: उत्तराखंड मा अब कोरोना कू प्रकोप कम हुंदु देखेणु च, मंगलवार का दिन प्रदेश मा कोरोना का 33 नया मरीज मिलिन, वखि आज 42 कोरोना संक्रमित रिकवर भी ह्वेनि, जैका बाद अब प्रदेश मा कुल 473 ही एक्टिव केस रयां छिन. वखि ये साल जनवरी बटि अब तक कुल 91 हजार 694 लोग कोरोना संक्रमित ह्वेनि.
2. उत्तराखंड राजभवन मा वसंतोत्सव कू आगाज: उत्तराखंड का राजभवन मा वसंतोत्सव कू आगाज, राज्यपाल (सेनि) ले.जनरल गुरमीत सिंह ना प्रदेश वासियों थै वसंतोत्सव की दे बधै, ये मौका पर राजभवन परिसर मा विभिन्न प्रजातियों का फूलों की लगे ग्या प्रदर्शनी, फूलों थै दिखणा खुण बड़ी संख्या मा राजभव पौंचणा छिन लोग.
3. उत्तराखंड चुनाव का एक्जिट पोल से बीजेपी खुश: उत्तराखंड चुनाव थै लेकि एक्जिट पोल का नतीजा भी समणि ऐगिन, कुछ एक्जिट पोल मा बीजेपी थै बहुमत मिलदु दिखणु च, यन मा एक्जिट पोल का नतीजों देखी सीएम धामी काफी खुश दिखेणा छिन. सीएम धामी न बोली एक दा फिर उत्तराखंड मा बीजेपी पूर्ण बहुमत से सरकार बनाणी च.
4. उत्तराखंड मा बणलि कांग्रेस की सरकार- हरीश रावत: उत्तराखंड चुनाव का नतीजा 10 मार्च का दिन ऐ जाला, जैसे साफ ह्वे जालु की प्रदेश मा कै दल की सरकार बनणि च, वखि एक्जिट पोल का बाद भी कांग्रेस बेफिक्र दिखेणि च. जु ताजा तस्वीर समणि आणी छिन, वैमा कांग्रेस प्रभारी देवेंद्र यादव हरीश रावत थै बधै दिंदा नजर आणा छिन, जैसे लगणु च कि कांग्रेस अपणि जीत से लेकि आश्वस्त च.
5. उत्तराखंड मा खरीद फरोख्ता खुण पौंचया छिन विजयवर्गीय- यूकेडी: उत्तराखंड चुनाव की मतगणना से पेली प्रदेश मा बीजेपी नेता कैलाश विजयवर्गीय की मौजूदगी से राजनीतिक गलियारों मा मची हलचल, यूकेडी नेता त्रिवेंद्र पंवार ना कैलाश विजय वर्गीय पर खड़ा करिन सवाल, ऊन बोली- उत्तराखंड मा खरीद फरोख्ता खुण अयां छिन विजयवर्गीय, लेकिन उत्तराखंडी बिकण वला नि छिन.
6. हवलदार सोहन सिंह रावत थै दिये ग्या अंतिम विदाई: जम्मू-कश्मीर मा सर्च ऑपरेशन का दौरान हवलदार सोहन सिंह रावत कू निधन, जम्मू-कश्मीर बटि आज कोटद्वार लयै ग्या हवलदार सोहन सिंह रावत कू पार्थिव शरीर, सैन्य सम्मान से दिये ग्या हवलदार रावत थै अंतिम विदाई, पूर्व मंत्री सुरेंद्र सिंह नेगी ना परिजनों थै बंधाई ढांढस.
7. स्वास्थ सेवाओं से लेकि हाईकोर्ट ना सरकार से मांगी शपथ-पत्र: नैनीताल हाईकोर्ट ना आज कोरोनाकाल मा प्रदेश की बदहाल स्वास्थ्य सेवाओं थै लेकि दायर याचिकाओं पर करि सुनवै, जैका बाद कोर्ट ना सरकार से स्वास्थ्य सेवाओं की कमियों थै दूर कना खुण मांगी शपथ-पत्र, जिला मॉनिटिरंग टीम ना आज कोर्ट मा पेश कै छ्या अपणी रिपोर्ट, अब 30 का दिन होली ये मामला की सुनवै.
8. केदारनाथ पैदल मार्ग से हटै जाणी च बर्फ: चारधाम यात्रा की तैयारियों मा तेजी, केदारनाथ यात्रा पैदल मार्ग मा जमी बर्फ थै हटाणा कू चनु च कार्य, गौरीकुंड से भीमबली तक हटै ग्या बर्फ, वखि अभी भीमबली से केदारनाथ धाम तक मार्ग मा जमी च 5 से 6 फुट बर्फ, श्रद्धालुओं खुण 6 मई दिन खोले जाला केदारनाथ धाम का कपाट.
9. सीएम धामी ना हनोल और महासू देवता का करिन दर्शन: सीएम धामी पत्नी गीता दगणि पौंचिन चकराता, जैका बाद हनोल और महासू देवता मंदिर मा सीएम ना करि पूजा अर्चना. मातृशक्ति थै सीएम धामी ना देई अंतरराष्ट्रीय महिला दिवस की बैधे और पारंपरिक जौनसारी नृत्य मा भि सीएम धामी ना पत्नी संग करि प्रतिभाग.
10. 22 मार्च से हालु ऐतिहासिक झंडेजी मेला कू शुभारंभ: देहरादून मा आयोजित हुण वला श्री झंडेजी मेला थै लेकि दरबार साहिब प्रबंधन ना करि बैठक, 22 मार्च का दिन झण्डे जी का आरोहण का दगणि ही ह्वे जालु ऐतिहासिक मेला कू शुभारंभ, झंडा मेला थै लेकि आयोजन समिति ना पदाधिकारियों थै देनि आवश्यक दिशा-निर्देश.
