- उत्तराखंड मा फिर बढ़ी कोरोना की रफ्तार
उत्तराखंड मां धीरे-धीरे कोरोना की रफ्तार एक बार फिर से बढ़ण लग गी. जनवरी का पैला हप्ता मा कोरोना संक्रमित मरीजुं की संख्या मा कमी ऐ छै, मगर अब कुछ दिनू बटी या संख्या लगातार बढ़णी छन, आज कोरोना का 366 नया मामला संमणि ऐनी, जैका बाद प्रदेश मां कोरोना संक्रमितुं की संख्यां 99,881 ह्ववे गी, जबकि यां से मन्न वालौ की संख्या 1709च. प्रदेश मा कोरोना संक्रमित मरीजुं की रिकवरी रेट 95.88 % च.
- चमोली आपदा मा अब भी कई लोग लापता
उत्तराखंड का चमोली जिला मा ऋषिगंगा आपदा मा लापता लोखूं की तलाश अब भी जारी च. आपदा का करीब डेढ़ मैना बाद भी तपोवन सुरंग मा रेस्क्यू ऑपरेशन जारी च. आपदा का बाद से अब तक यख 75 शव बरामद ह्वे गिन, ई आपदा मा अभी भी 130 लोग लापता छन.
- मन की बात कार्यक्रम पर सीएम तीरथ सिंह
आज पीएम मोदी न मन की बात कार्यक्रम मा देशवास्यूं थै संबोधित करी, जैका बाद मुख्यमंत्री तीरथ सिंह रावत न बोली कि प्रधानमंत्री का कार्यक्रम से देश थै अगनै बढ़णौ हौसला और मार्गदर्शन मिलदू. वखी, प्रदेश अध्यक्ष मदन कौशिक भी यमुना कॉलोनी स्थित अपणा आवास पर प्रधानमंत्री मोदी की मन की बात सुंणी.
- भगत सिंह कोश्यारी से मिलीं सीएम तीरथै पत्नी
आज मुख्यमंत्री तीरथ सिंह रावतौ धर्मपत्नी रश्मि त्यागी न महाराष्ट्र और गोवा का राज्यपाल भगत सिंह कोश्यारी दगड़ि शिष्टाचार भेंट करी. ये दौरान ऊंन उंथै होली की शुभकामनाएं भी दिनी. बथै द्या कि मुख्यमंत्री तीरथ सिंह रावत कोरोना पॉजिटिव छन, जैका कारण ऊंकी धर्मपत्नी न कोश्यारी दगड़ी मुलाकात करी.
- डोईवाला थै द्वी करोड़ की सौगात
पूर्व मुख्यमंत्री त्रिवेंद्र सिंह रावत न डोईवाला विधानसभा क्षेत्र का अंतर्गत नत्थनपुर का वॉर्ड 94 और 95 में द्वी करोड़ की लागत से द्वी नलकूपूं कु लोकार्पण और उद्घाटन करी. यां से करीब 30 हजार की आबादी की पेयजल समस्या दूर होली. ये दौरान पूर्व सीएम त्रिवेंद्र सिंह रावत न लोखुं थै संबोधित भी करी.
- हरदा का जल्द ठीक होणौ रुद्राभिषेक
उत्तराखंड का पूर्व मुख्यमंत्री और कांग्रेस राष्ट्रीय महासचिव हरीश रावत का कोरोना संक्रमित होंणा बाद ऊंका समर्थक और कांग्रेस कार्यकर्ता चिंतित छन. ईन मा हरीश रावत का स्वास्थ्य लाभ थै कांग्रेस कार्यकर्ताऊं न हल्द्वानी का गौलापार स्थित शिव मंदिर मा रुद्राभिषेक और हवन यज्ञ करी. ये दौरान ऊंका जल्द स्वस्थ्य लाभ और दीर्घायु की कामना करे गी.
- विशाल शंख कु लोकार्पण
हरिद्वार धर्मनगरी मा महाकुंभ शुरू होंण मा अब मात्र 3 दिन बच्यां छन, वां से पैली आज मेलाधिकारी दीपक रावत न आस्था पथ पर कुंभ मेला थै अयां विशाल शंख कु लोकार्पण करी. यू शंख विजीसान ग्रुप मुंबई एवं अंतर्राष्ट्रीय चित्रकार कृपा शाह द्वारा निर्मित च.
- कुंभ मेला मा पुलिस की सराहनीय पहल
हरिद्वार पुलिस न कुंभ मेला मा शहर का 16 भिक्षुओं थै कुंभ मा रोजगार देणौ काम करी. कुंभ मेला आईजी संजय गुंज्याल का निर्देश पर भिक्षावृत्ति खत्म कन्नै दिशा मा यू कदम उठये गी. यू 16 भिक्षुओं थै कुंभ मेला मा पुलिस मैस मा खांणू बणौणौ काम दिये गी.
- कर्णप्रयाग थाना का आदर्श बैरकौ उद्घाटन
डीजीपी अशोक कुमार का निर्देशूं पर उत्तराखंड मा पुलिसकर्मयूं का बैरकूं थै बेहतर और हाईटेक किये जाणू च. ई कड़ी मा एसपी चमोली यशवंत सिंह चौहान न कर्णप्रयाग थाना मा बंणी आदर्श बैरकौ उद्घाटन करी. ई बैरक मा पुलिस जवानु थै रौंणौ आधुनिक तरीका की डॉरमेट्री बंणये गी, ज्या मा फिलहाल 8 जवानुं की रौंणौ व्यवस्था च.
- हल्द्वानी मा ट्रक और कारै भिड़ंत
गौलापार का खेड़ा का समणि अनियंत्रित ट्रक न कार थै टक्कर मारी. ई घटना मा कार सवार चार लोग गंभीर रूप से घायल ह्वे गिन. सूचना पर पुलिस मौका पर पौंछि, जैका बाद घायलूं थऐ अस्पताल भिजे गी. फिलहाल ट्रक चालक मौके बटी फरार च.
