अपणुं उत्तराखंडः दिनभरै खास खबर, एक नजर मा

दिनभरै खास खबर, एक नजर मा

त्रिवेंद्र सिंह रावत ना मुख्यमंत्री पद से इस्तीफा दिलाली. राजभवन पौछि शाम साढ़े चार बजि त्रिवेंद्र सिंह रावत ना अपणु इस्तीफा राज्यपाल बेबी रानी मौर्य थै सौंपी.

मुख्यमंत्री पद से इस्तीफा का बाद त्रिवेंद्र सिंह रावत बणा राला कार्यवाहक मुख्यमंत्री, जब तक बीजेपी नै मुख्यमंत्री की घोषणा नि करदि.

बुधवारा खुण सुबेर 10 बजि केंद्रीय पर्यवेक्षक दुष्यंत गौतम और रमन सिंह कि अध्यक्षता मा होली विधायक मंडल की बैठक, नै सीएम का नौ की होली घोषणा.

त्रिवेंद्र सिंह रावत का सीएम पद से इस्तीफा का बाद बीजेपी प्रदेश प्रभारी दुष्यंत गौतम ना दैनि संकेत, बोली- केंद्र मा त्रिवेंद्र सिंह रावत थे दिये जाली बड़ी जिम्मेदारी

पूर्व मुख्यमंत्री हरीश रावत ना भि त्रिवेंद्र सिंह रावत का इस्तीफा पर कसी तंज, बोली- बीजेपी सीएम बदलण मा उस्ताद, सीएम बदलण से नि बदललू प्रदेश की जनता कू भाग्य.

सीएम पद से त्रिवेंद्र सिंह रावत का इस्तीफा का बाद हमलावर कांग्रेस, इंदिरा हृदयेश बोली- सीएम बदलण से नि हुण प्रदेश की जनता कू भलू, 2024 मा जनता देलि जवाब.

दिल्ली का उप मुख्यमंत्री मनीष सिसोदिया ना त्रिवेंद्र सिंह रावत का इस्तीफा ट्वीट करि कसी तंज, बोली- विधानसभा चुनौ से पेलि, बीजेपी ने स्वीकारी हार.

कांग्रेस का वरिष्ठ नेता आचार्य प्रमोद कृष्णम ना त्रिवेंद्र सिंह रावत का इस्तीफा पर बोली- भ्रष्टाचारन छीनी त्रिवेंद्र सिंह रावत की कुर्सी, कांग्रेस सत्ता मा लौटी त ऋषिकेश थे बणौला नै जिला.

उत्तराखंड मा कोरोना संक्रमण की रफ्तार अभी थमण लगिगे, मंगलवार का दिन उत्तराखंड मा 49 नया मरीज मिलिन, अभी भी राज्य मा 611 केस एक्टिव.

मुख्य सचिव ओमप्रकाश ना महाशिवरात्रि का स्नान थै लेकि जारी करि संसोधित एसओपी, महाकुंभ का चलदा हरिद्वार मा स्नान थै लेकि व्यवस्था बणाणा खुण प्रशासन थै देनि निर्देश.