अंकिता भंडारी हत्या मामला कु खुलासा: अंकिता भंडारी हत्या मामला कु पुलिस न खुलासा करेली. पुलिस न अंकिता भंडारी हत्या मामला मा वनंत्रा रिजॉर्ट का मालिक पुलकित आर्य, अंकित गुप्ता और सौरभ थै गिरफ्तार करेली. यूं तीनूं न रिजॉर्ट से कुछ दूर चीला शक्ति नहर मा अंकिता थै फेंकी, ज्यां का बाद यू पुलिस थै गुमराह कन्ना छा. पुलिस पूछताछ मा यूं न अपणु जुर्म कुबूली. मामला मा गिरफ्तार वनंत्रा रिजॉर्ट कु मालिक पुलकित आर्य बीजेपी नेता और पूर्व राज्य मंत्री विनोद आर्य कु पुत्र च.
बैक डोर भर्ती मामला मा 228 नियुक्ति रद्द: उत्तराखंड विधानसभा भर्ती प्रकरण (Uttarakhand Assembly Recruitment Scam) मामला मा कोटिया जांच समिति न अपणी रिपोर्ट गुरुवार देर रात विधानसभा अध्यक्ष ऋतु खंडूड़ी थै सौंपी. ज्या का बाद आज विधानसभा अध्यक्ष ऋतु खंडूड़ी न ये संबंध मा प्रेस कॉन्फ्रेंस करी. ऋतु खंडूड़ी न बथै समिति न नियुक्तियूं थै रद्द कन्नै संस्तुति दिनी, ज्या का बाद 228 नियुक्तियूं थै रद्द कन्नौ प्रस्ताव शासन थै भेजे गी.
हिमाचल चुनाव मा प्रचार करला उत्तराखंड का नेता: हिमाचल विधानसभा चुनाव मा उत्तराखंड भाजपा का नेता चुनाव प्रचार करला. ये मैना का आखिर मा 49 नेता हिमाचल जाला. उत्तराखंड का यू वरिष्ठ और अनुभवी नेता हिमाचल मा चुनाव प्रबंधनै कमान संभालला. केंद्रीय नेतृत्व न हिमाचल प्रदेशै 19 विधानसभा सीटूं पर उत्तराखंड का नेताऊं थै जिम्मेदारी दिनी.
स्वच्छता पखवाड़ा का तहत हल्द्वानी पौंछिन अजय भट्ट: प्रधानमंत्री नरेंद्र मोदी (Prime Minister Narendra Modi) का जन्मदिन पर शुरू स्वच्छता पखवाड़ा का तहत केंद्रीय रक्षा राज्य मंत्री अजय भट्ट आज हल्द्वानी पौंछिन. ये दौरान अजय भट्ट न मंगल पड़ाव स्थित डॉ. भीमराव आंबेडकर पार्क मा स्वच्छता अभियान चलै. दगड़ा मा ही ऊंन बाबा साहेबै प्रतिमा की सफाई भी करी, ज्या का बाद मूर्ति पर माल्यार्पण करी बाबा साहेब थै श्रद्धांजलि दिये गी. ये दौरान केंद्रीय राज्य मंत्री न लोकल फॉर वोकल थै बढ़ावा देणौ बात बोली.
शंकराचार्य पर छिड़ी रार: शारदा पीठ और ज्योतिष पीठ का शंकराचार्य स्वामी स्वरूपानंद सरस्वती का ब्रह्मलीन होंणा बाद नया उत्तराधिकारी की घोषणा ह्वे गी, लेकिन ई घोषणा कु अखाड़ा परिषद का अध्यक्ष महंत रविंद्र पुरी न विरोध करी. ऊंन बोली शंकराचार्य की घोषणा थै लेकी जल्दबाजी किलै करै गी, बिना कै अखाड़ै सहमति का या घोषणा करे गी, ऊंन शंकराचार्य अविमुक्तेश्वरानंद सरस्वती थै शंकराचार्य मणन से इनकार करी..
उत्तराखंड का पैला डीजीपी कु निधन: उत्तराखंड का पैला पुलिस महानिदेशक अशोक कांत शरण कु निधन (Uttarakhand first DGP Ashok Kant Sharan) ह्वे गी. गया है. अशोक कांत शरण न दिल्ली स्थित अपणा आवास पर अंतिम सांस लिनी.अशोक कांत शरण 1965 बैच का आईपीएस अधिकारी छा, अशोक कांत शरण एक तेज तर्रार अधिकारी छा. अशोक कांत शरण राज्य गठन बटी साल 2002 तक उत्तराखंड पुलिस का महानिदेशक रैन.
देहरादून मा आयोजित होली मैराथन: सरदार वल्लभ भाई पटेलै जंयती पर उत्तराखंड पुलिस रन फॉर यूनिटी कु आयोजन करली. यां का तहत देहरादून मा मैराथन कु आयोजन किये जालू. ई मैराथन मा 21 किलोमीटर और 10 किलोमीटरै दौड़ करये जाली. यां मा विजेता प्रतिभागियूं थै ₹10 लाख रुप्या की राशि दिये जाली. 30 अक्टूबरौ उत्तराखंड पुलिस देहरादून मैराथन कु चौथूं संस्करण आयोजित करली.
चारधाम यात्रा मा बढणी यात्र्यूं की संख्या: चारधाम यात्रा मा एक बार फिर से तीर्थयात्रियूं की संख्या बढ़ण लग गी. हालांकि मौसम खराब होंण का कारण यात्रियूं थै परेशानी भी होंणी च. यां का बाद भी बदरीनाथ, केदारनाथ, गंगोत्री व यमुनोत्री धाम मा यात्र्यूं की संख्या दिनों-दिन बढणी च. अक्टूबर मैना मा दीपावली तक हेली सेवा की बुकिंग भी फुल ह्वे गीन.
उत्तराखंड मा कोरोना का मामला: उत्तराखंड मां धीरे-धीरे कोरोना का मामलौ मा कमी औंणी च. सरकार और स्वास्थ्य विभाग यां कु थै लेकी लगातार प्रयास कन्ना छन. आज प्रदेश मा कोरोना का 20 नया मामला समणि ऐनी, ज्या का बाद प्रदेश मा कोरोना संक्रमितू की संख्या 104,005 ह्वे गी, जबकि यां से मन्न वालौ की संख्या 331 च.
